حاول يبتسم وقام لها: كيف حالك جوان؟
ما تغيرت ملامح أرجون وهو يعيد نفس السوال.
تنحنح صالح وطالع برا: نطلع عشان اقدر اخذ راحتي بالكلام؟
طلع هو و أرجون برا الكافتريا وقال صالح بحنيه: ما اشتقتي لي؟ ما فقدتي اخوك؟
أرجون ببرود صدم صالح: لا.
ألتفت على راشد اللي طلع وراهم وهو يبتسم لارجون.
أرجون " اذا ما مات على يدي ما أكون أرجون "...
صالح ربت على كتفها وهو يكلمها مما خلى ارجون يرجع على ورا بتلقائيه: ولا تفكر تلمسني!
تنهد صالح : جوان حبيبتي لازم ترجعين معي تكفين..
أرجون بسخريه وهو يتكتف: ليش؟ عشان أنحبس بحكم أني فيني مس؟ ولا عشان تدورون فيني من شيخ لشيخ وتحسبوني مجنونه؟
اوه صح بتربطوني قبل انام بعد بالسرير عشان ما اهرب!
صالح بحزن على حاله اخته: انتي عارفه اني كنت دايم ضد هالاشياء بس ابوي الله يصلحه ما كان فاهم اش اللي معاك .
أرجون بحده وانفعال وهو يقرب لصالح : محد كان فاهم! قعدت اتراجكم تودوني طبيب نفسي محد عبرني واهتم - دف كتف صالح باصبعه- انت بكيت عندك ليل نهار يا اخي الحنون ولا فكرت فيني وتكرر كلنا مرينا بكذا فترة المراهقه ويوم رحت بنفسي وطلبتكم تشوفون الدكتور ووريتكم الادويه اش صار؟ - شد على اسنانه- انرمت ادويتي وهددني ابوك الفاضل عشان ما افضحه مو الناس كانوا اكبر همه مايبي احد يقول بنتي مجنونه لكن بنته؟ بستين داهيه.
صالح وهو بدا ينفعل: ابوي كان جاهل! كلنا كنا جاهلين وانتي ما وضحتي لنا شي! والحين كلنا فهمنا حالتك وجاين نساعدك وحدك ما بتقدرين تعيشين مع ذا المرض.
ضحك ارجون بسخريه: اي صح نقطه الدعم الاسري الحين صحت فيكم؟
مسح صالح على وجهه : جوان حبيبتي تكفين.
أرجون باشمئزاز: بلاش قرف الكلام الفاضي ذا لا بيودي ولا يجيب ارجع من مكان ما جيت وحدك وفهم ابوك انا ما عندي اهل فاهم؟
سكت صالح بخيبه امل ورد ارجون ببرود : اتمنى وصلت الفكره.
بعد عنهم تحت نظرات راشد وجواد اللي سمع كلامه وراح ورا ارجون.
رجع صالح لراشد وملامحه معكره، ربت راشد على كتفه: بكره تلين.
تنهد صالح: ما ظنتي اللي سواه ابوي مو هين .
أنت تقرأ
إضطرابّ.TBxB
Random" نوع الروايه تومبوي x بوي"⚠️ " قد يظن الجميعّ أننِي بخير كما أدعي، أو أني طبيعِي، لا يعلمون عن ما يحدث فالليل، أو عندما ينقلب عالمي مئه مرهّ فالثانيه، لا يعلمون أي شيء مما يحدث لِي سوا ما أُريديهم أن يعلموه"...
