عشق المراهقه

البارت الخامس والعشرون.🧚💚

انتى شىء مفقود منى وسيرجع لى. ..وانا متأكد .💚

___________________________*

فى بيت آدم الكيلانى .

محمد : احنا طالبين ايد الانسه لما لابنى وليد .

آدم : اكيد الشرف ليا انى اناسب حضرتك ....بس نسمع الاول كلنا رأى العروسه .

وتوجهت جميع الانظار لهذه المسكينه الجالسه بجانب ندى .

محمد : اى رأيك يبنتى ... موافقه؟؟؟!

لما متكلمتش او مقدرتش تتكلم من كتر خجلها ..
بس هزت راسها بالموافقه ..وندى وروان فضلو يزغرطو ..والكل بداء يبارك لعمار .

زياد : مبروك يا كوتش .

عمار : حبيبى يا زيزو ..عقبالك .

زياد بص للين .

زياد : يا رب يا عمار يا رب .

براء : مبروك يا عموووور .

عمار : الله يبارك فيكى يا قلب عمور ...عقبالك لما اشوفك فى الكوشه يا قلبى .

براء : حبيبى ....روح يلا للما .

وعمار سابهم ومشى ...وبراء خطفت نظره بسيطه لآيان وهو شافها وابتسم .وهى خجلت وبصت للارض .

روان : روحى يا لين بره فى الجنينه اللى ورا آتى الاكياس اللى هناك .

لين : لا يماما المكان ورا ضلمه وانتو بتنسو تحطو فيه نور ...انا هخاف اروح هناك لوحدى .

روان : مين هيروح معاكى يعنى دلوقتى ؟؟

زياد : انا ممكن اروح معاها يا طنط اصل الكل مشغول وكدا .

روان بابتسامه : شكرا يا حبيبى مش عايزه اتعبك .

زياد بابتسامه : شكرا اى بس !! وبعدين تعبك راحه ... هااااا يلا بقا ؟؟!

لين واقفه كل دا مش مستوعبه اصلا هو بيقول اى ؟؟!!.. روان وافقت وهو مشى ولين فضلت مكانها .وهو رجع تانى ليها وهو بيضحك جامد عليها ومسك ايديها وشدها على بره .

لين نفضت ايده من على ايدها بعد ما طلعو .
ونورت بتلفونها ومشيت قدامه وهو ابتسم على مشاكستها .

وسابها . واختباء فى مكان هى مش هتشوفه فى .

لين كانت ماشيه بعصبيه انه هو ازاى يعمل كدا وازاى الحظ يجمعهم . هى مش عارفه هى دلوقتى سعيد ولا حزينه !! ...
وفجأه بصت وراها وملقتيوش وخافت اوى .

لين بخوف وغضب من نفسها : انتى غبيه ولا حماره يا بنتلجزمه ...انا اى خلانى اعمل فيه كدا ...طب كنت اعمل كدا بعد ما اجيب اللى ماما طلبته ..

وسمعت صوت غريب وقلبها وقع .. ورمت تلفونها وجريت ...بس خبطت فى حاجه ولما رفعت راسها لقته هو .

......
بعد ما هو اختباء فى المكان .فضل باصص عليها عشان ميجراش ليها حاجه ..بس اول ما لمحها بتجرى علطول ووقف قدامها وهى خبطت فى ورفعت دماغها ليه وشافته وبعدت . بس اتحرجت .