مناطق سوداء

البارت الخامس

#مناطق_سوداء

(زهراء حسن الراوي)

_اعاينلة ولد غريب ابيضاني لحيتة خفيفة وبيها شيب وشعره هم خفيف ومشيب جسمة معظل وطويل
_انا رح اوخر ايدي بس ما تصرخين خوش بنيتي
_هو يحجي واللهجة ماهي بدوية هزيت راسي خفيف وبعد ايدة ...ءءا منو انت شجابك هنا لو جدي يعرف بيك والله يخليك قوزي على التمن

اعاينلة ابتسم
_ترحين وياي
_ياااء انت بس لا من غير قبيلة الي دلهام يريد يزوجني الك
_لالالا انا من طرف قريب عليج
_منووو !!

......................

نرجع شوي لسنة ٩٩
نسرين : بعد ما رجع شهاب بليل كمت على حيلي ساعدتني آمنة ووصلتني للباب جان شهاب وعزام واكفين ويسولفون وصلت الهم وشهاب مد ايده عليه حتى انتجي عليه

وانتجيت على شهاب وردينة البيت حتى لا ابوي يحس بغيابي
وطول الطريق ابجي .. ابجي على بنتي الي شمرتها بتلفات الدنيا
الي رح تعيش عيشة بدو وهي بترافه الگطن

شنو يصير لو طارق قبل يتزوجني ونعيش انا وبنتي تحت جناحة من يكبر هم يحس بهذا الذنب هم رح يدلل جهاله وبنيتي بالصحاري  وبالحر عايشة فزيت على صوت شهاب
_يلا عمة نزلي
فتح شهاب الباب ونزلت لزمت ايدة ودخلنه البيت
جان ابوي بعده ماجاي
_عمة وديتها لقبيلة الحراكصة اقرب قبيلة
_وشلونهم خوش نااس لو لا
_والله عمة سألت بجيتي عليهم كالو خووش قبيلة بس جدهم شوي متعصب بس خيّر

_شهاب ولو ادري رح اتعبك بس عمة مالي غيرك والله
_كولي عمة شتأمرين
_عمة اريدك تراقبهم الي لان هذول البدو مايستقرون بمكان واذا راحو تروح بنيتي
_ان شاءالله عمة تدللين
_عمة فدوات لعيونك ماريد واحد من اخواني يدرون والله يشمروني للچلاب وانت تعرف
تنهد شهاب وسأل السؤال الي ماخذ عقلة
عمة ممكن سؤال بس اريدج تحجين الحقيقة

_رح تسألني منو هو ابوها موو ؟
_وهو هيج
_تنهدت ... عمة ابوها نقيب ومتزوج
_صغر عيونها وكال .. عمة لا تكولين بيت الشيخ ابو طلال
_بجيت بخنيگ ... اي اي عمة همة
_ يعني طارق !
_اي عمة انت وين تعرفة
_عمة هذول ولد شيوخ ومعروفين بس انصدمت منة طارق كلش عاقل مو يمة هاي السوالف
زين هو واعدج بزواج ؟
_اخخخخ عمه اخخخ لا تسأل شي بعد مابيه حيل اجاوبك

مرت الايام وبقت نسرين تتابع اخبار طارق بالسر
ضلت تشتغل ليل ونهار حتى تكدر تعالج وجهة بعد ما صار مشوه
اما سندس فتزوجت ونتقلت لغير منطقة
بيوم جانت نسرين طالعة من بيت جانت تخبز بي ووستوها تريد تدخل فرع البيت مالتهم عاينت سياره مال جيش تراقبها من بعيد
من حس ابو السيارة بسرعة حرك ومشة
وضلت هاي الحالة تتكرر اكثر من مرة وبعدها فجأة اختفت