مناطق سوداء

البارت التاسع عشر

#مناطق_سوداء
(زهراء حسن الراوي)
البارت ١٩

شواهر : شوي ودخل قائد وجدو وعمي طلال تقدم علية جدو وباس راسي ورجعت بستة وبست عمو وقائد يعاينلي ويعاين لجدو
لزم جدو ايدي وخلاها بيد قائد والنسوان ضلت تهلهل وتشمر جكليت
طلعنة  تقدم قائد  فتحلي الباب وصعدت وعمتي ام قائد تصعد بالبدلة مالتي وسعدية لازمة العباية وتضمضم البدله بيها مع العلم البدلة جان ردن طويل وممكشوفة ابد

صعدت وهو دار من الجهة الثانية كعد يمي وبالصدر كعد سلام والي يسوق شهم
طول الطريق ساكتين بس صوت اغنية حسام الرسام
نسمع احلى هلهولة ...... للغالي الحلو طولة
الف مبروك كولولة ....... الف مبروك يالغالي

رفعت البرنص وعاينتة جان صافن على الشباك ويفر بالسبحة مالتة
شوي وحجة سلام
- خااااب شهيييم احنة متأكدين كاعدين ويمنة عررسان اشوو لا بوسة لا مطكة شسالفة
حجة سلام
- ههههههه لك لااااضامينها للفندق
عاط بيهم قائد
- ولكم ادبسزززية شهالحجي اشووو ما تستحووووون عيونكم طاالعة هسه اقلعها الكم والله
- اعصاابك بووية كاعد نشاقة

اعاين الولد يضحكون بس هو جان كلامة جددي ..وصلنة الفندق ونزلنة اربعتنة سلام وقائد واكفين يم مسؤلين الفندق شوي وقائد انطة الهويات مالاتنة (طبعاً طلعلي هويه جديده ) وكل شوي يتلفت علية خلص واتجة الية
- يلاا كوومي نصعد
- ما حجيت شي بسرعة كمت ورفعت بدلتي وصعدت وياه بالمصعد ايد شايل بيها جنطة الملابس والايد الثانية يدخل بيها التلة مال البدلة وينتر

- شدعوووووة هالكبرررها شدعووووة متكليلي
ضليت انفخ ضجت من أسلوبك المستفز وبس ينتر ويعيط وكف المصعد وراح فتح باب الغرفة دخلت قبلة وهو شمر الجنطة على السرير وطلع
- عمة بعينة شبي هذذذا تخبببل وجع مستهتر
رحت بسرعة نزعت البدلة وفتحت الجنطة جانت بس سيتات نوم ٢ وداخليات وكوستم وجنطنة وعباية واله هم ملابس اخذت الروب
ودخلت سبحت فركت وجهي وخرت المكياج كلة

كرهت روحي وكرهت الساعة الي تزوجت بيها كملت سباحة بدلت وطلعت ماجان موجود استغربت وين راح هذا ...فيرت شعري ونمت جنت ستوني اريد انام وانفتح الباب
بسرعة غمضت عيووني وتمثلت بالنوم حسيت بخطواتة وراي ضل دقيقتين واگف لحد ما ندهني بصبعه السبابة

- هييييي كوووومي هييييي مووو احجي ويااااج
رفعت الغطة ونترت
- شترررريد هاا كلي من مساع وانت بس تنتر شنو زعطوطة كدامك
- ههههههههه شنو هاي نكتة لا لا بربج اخااف مصدكة روحج جبيرة وعروسة
- رجاءاً كاافي تحجي بهاي الشغلات وتقارن عمرك بعمري دشووف تصرفاتك جنك واحد زعطوط

انا حجيت هيج وابتليت اجاني الضرب من كل مكان عبالك جان منتظر هاللحظة كوة عصرت روحي من جواة وفلتت للحمام بسرعة وقفلتها وهو ضل يدفر بالباب ويعيط
- ولججججج طللللعي ام لسااان منوووو الزعطوط انااا انااا زعطوووط مووو زين من قبلت اخذ وحدة لاعبين بيها الدواعش ادبببسز ساق....