مناطق سوداء

البارت العشرون

#مناطق_سوداء
(زهراء حسن الراوي)
البارت٢٠

مرت الايام ورجعت سلوى من بيت اهلها والي عرفناه الطفل بعده عايش
بيوم جدي حب يطلعنة على البساتين مالته فكال لمو السفره وخلي نروح كلنة للبستان نغير جو وفعلاً كعدنة بالليل نلف الدولمة ونسوي معجنات وحلويات وكلها تفتر بالبيت ومخبوصين وفرحانين

سعدية : هدى لكطي التمن
هدى : صاار
سعاد : بناااات المفارش من هسه خلنهن حتى لا ننساهم الصبح
كاعد نسولف ونضحك ودخلت سلوى هي وبطنها الكبرانة
سلوى : بنات سويت تراب الملوك
سعدية : اللللله اريد
شواهر : انجبي ولج لباجر هذا

سلوى : عود باجر بس اخلي على السفره اخذي واكلي وحدج ههههههه
سعدية : ههههههههه بلا منازع رح ابوكها
سعدية حبت سلوى وسلوى اصلاً تحبها سعدية السبب ان سعدية قررت قرار وهو انو اطلع الشخص الخطأ من حياتها وهو فهد
وبما انو رح يصير عنده طفل حبت تعوف هالعائلة لوحدهم وبراحة بعيداً عن المشاكل
شواهر : هااا بنات اكو بعد شي
رؤى : لا خلصنة بس البساط مو تنسونة
ريّان : لا انا خليتة وي المفارش
رؤى : اي عفية
سعاد : يلاا الكل تتوزع يم رجلها
شواهر : البنات عافن كلشي وراحت ردت اطلع وشفت سعدية كاعده رجعت الها

مممممم شكو كاعده ماتكومين تنامين وراج كعده من الصبح
سعدية : والله الغرفة صايره خنگة ما اشتهي اكعد بيها واصلاً ماجايني نوم
شواهر : خووش جا كومي خلي نسويلنه كهوه ونباوع فيلم
سعدية : ياا ورجلج
شواهر : هههههه انتي شنو تغشمين نفسج اصلاً انا وياه اخوان هو ينام على الجرباية وانا على القنفة واصلاً مايدري بية شوكت انام وشوكت اكعد، هسه من رح اضل هنا رح يصير رجلي دكومي كومي

طلعنة انا وسعدية وكعدنة نشرب الكهوة ونباوع على الفيلم مرت نص ساعه وانفتح الباب اثنينة باوعنة
دخل قائد وعيونة بكصته
قائد : انتن شنووو ما تكومن تنامن مو باجر وراجن طلعة يلا يلا طفن التلفزيون وكومن
سعدية : احم احم الظاهر اشتاقلج

_ لا مو اشتاق بس كولي يحب يوكف ابلعومي
طفينة التلفزيون وسعدية اخذت الكوابة وراحت للمطبخ
انقهرت عليها وعلية
مشيت قبل قائد وهو وراي صعدت لبيتنة ودخلت للغرفة
دخل وركع الباب حيل
_ شنوووو معناها تضلن كاعدات وحدجن
_ انزع بالحجاب واحجي ... برأيك انت شعدنة !!؟
_ احجي عدل لا افرك حلكج

_ انت شتررريد بس كلي تره تعبت من تزوجنة وانت نفس الاسلوب يا اخي متريدني روح وتزوج وشوف حياتك ولا رح ادخل ولا افك حلكي
_ ههههههه لا والله مو انا اذا اريد ازوج اخاف منج مووو
مرة ثانية اذا الكل نام وتشوفيني دخلت للبيت ادخلين وياااي ماتضلين ببيت جدي فهمممتي
_ تددددل ابن عمي محتاج شيييييي

خزرني وراح بأتجاه الجرباية ونام
اخذت دشداشة من الكنتور ودخلت الحمام غيرتها وطلعت
اخذت المخدة ونمت على القنفه
كعدت الصبح على دغه اصابعة
_ يلااا كووومي ب٦ كوومي سويلي ريوووك
_ ب٦ شعندك
_ وانتتتي شكووو يلا كوومي