مناطق سوداء

البارت التاسع والعشرون والاخير

#مناطق_سوداء
زهراء الراوي
البارت٢٩

بسم الله الرحمن الرحيم

دخلت لكيت الغرفة ظلمة وباردة بس ضوة النوم معلوگ
باوعت طارق بچربايتة نايم بس هي ماكو
سمعت صوت الماي عرفتها بالحمام ، رحت يم طارق بوستة علخفيف خفت لااكعدة من نومة
كعدت على الچرباية انتظرها تطلع ،باوعت على صفحتي اليسرة مخدتها
اخذتها وشميتها
اوووووخخخ ربي شبيه هيج تلوعت عليها
هيج دعائها مرمرني
بعدها سمعت الماي وگف عرفت خلصت
انتظرتها ١٠ دقايق وانفتح باب الحمام
اول مانفتح باوعتلي وگمزت
عزاااا خرعتني
وكفت على حيلي صافن بجمالها وجسمها هاي هيج البنات كل مايكبرن يحلون
عكرت حاجبي وگلبي متكطع ماعرف ليش اجة كلام جدي ابالي من كلي بعدين تاكل اصابعك ندم عليها ..
نترت بيها ...انا لحد هسه ماناسي

اكلك هاي شجابك عود

انا وين احجي وانتي وين

ديلا كمل

ديلا !! شهالحجي هذا احجي عدل ولج لا افرك حلكج ديلا شنوو زعطوط كدامج

اكلك شتريد هسة
تريدني اتلكاك بالاحضان وابارك الك على زواجك
لا وفوكاها جايب وجايبها وياك مووو

منية هي ؟

منية يعني الكندية مدري روسية

ضحكت بداخلي وحجيت بجدية
اييي شنو يعني الشرع حلل اربعة اكسر راسج بثنين واربعة عندج اعتراض

لا امي اعتراض شنو براحتك اخذ ثنين واربعة وانا اركصلك

حتى ماشايفج تركصيلي

اركصلك هسه

اكلج هذا منو مطول لسانج صاير اطول مني

باوعتلها شالت المنشفة من راسها ونزل شعرها المبلل على جسمها
وحجت
والله هذا لساني انا من اول بس جنت انسانة فقيرة وحقي مأكول والدنيا تصكع بية من كل جهة

تصكع بيج من كل جهة ؟

ايييي يا فهد ليش استغربت انا حزام ظهري باعني شتوقع من الغربة

غربة ! تقصديني

والله عاد اذا الكلمة مستك فهاي مشكلتك

دارت وجهة وراحت يم المراية تمشط شعرها

اخذت نفس وزمخت

اكوللل روحي حضريلي الحمام

كاعد تشوفني مشغولة اخلص واروح

سعدددية كتلج روحي حضريلي الحمام جاي تعبان من السفر م..

كتلك مشغولة انتظر فد دقيقة

هاي شصاير بيها شمغيرها رحت يمها لزمتها من ركبتها

شوووفففي لا تخليني استخدم وياج اسبوب التصكع انا ما احب مرة تتجاوز وترادد من اكلج روحي يعني روحي