سبايكر جريمه العصر

البارت ٣

الحلقه الثالثه ✡
" سبايكر  جريمه  العصر  "
"بقلم الكاتبة حنين الموسوي  "
،،،،،،،،،،،،،،،،،،،،،،،،،،،،،،،،،،،،،،،،،،،،

الدواعش::٠٠ شيخ  هاذا رافضي شكو مخلينه عايش خل نذبحو

ابو هاجر ::٠٠ اعرف بس حته لو رافضي اذا مايعترف بلسانو مانچتلو وماعدنه اي أثبات عليه انهو رافضي.

واثق شاكر::٠٠ اني طبعاً ماعندي اي شي كلهن ذبيتهن هويتي ومستمسكاتي من ركضت باالبستان.
المهم بيوم الخامس الساعه ب ٩ بليل جانو معلكيني 
و سيارتي مو بقت عدهم ضالين يفتشون بيهة من مفتشين بيهة لاكين  جنسيتي لأصليه واكعه مني بالسياره اني ما ادري بيهة بالسياره وقارين اسم عشيرتي والسكن كربله همه شافوهة واجوني يركضون  مسودنين عيونهم بكصتهم طبوو المسؤل مالتهم ابو هاجر كال
_  وينو هاذه العيساوي

واثق شاكر::٠٠ هااا شيخنه
_ أنت عيساوي
_ اي شيخنه
_ چلب وهاي الهويه مومالتك.      . بصياح.

واثق شاكر::٠٠ اني باوعتله  شفت الهويه مالتي بيده لو يبست بدمي انتهيت اشاهدت عله روحي  كلت دخيلك ياعلي هاذه أخر يوم بحياتي اكيد ميت
اني من الخوف كمت اريد احجي اي شي يخلصني كتله
_ لا هاي الجنسيه مو الي انته مزورهة وجبتهة اليه

أبو هاجر ::٠٠ هااا مزورهة موو لك أنت حته بهاي تچذب أنت لو ضابط بألاستخبارت لو بالأمن أنت مو أنسان عادي صار خمس ايام  ندك عليك وادكول انه سني تالي تطلع رافضي.  نزلوو 

واثق شاكر::٠٠اني معلك اجوه همه الدواعش نزلوني حطوني بالكاع وشبعوني كتل ضلو يضربوني ويدكون عليه  لمين ختنكت بعد النفس كمت  كوه أجره ابو هاجر المسؤال مالتهم جان واكف ويباوع عليه كاللهم

ابو هاجر::٠٠ هاذه الچلب ماريدكم ترمو رمي  اريدكم تنحرو نحر أذبحو.( بصياح)

واثق شاكر::٠٠ اجو عليه اني جنت مشمور بالكاع من كد مادكو عليه  اخذوني سحلوني سحل شمروني بصف بي ثلاث اشخاص ثنين لابسين دشاديش واحد بنطرون وقميص شمروني يمهم وارحو اني صرت رابعهم شويه ضليت كاعد بمكاني بس منتهي من الكتل طب أبو هاجر
اجه وكف يمنه طلع من جيبه دفتر مثل السجل وسجل أسمائنه احنه لأربعه هوه لابس قميص طويل ولحيته حيل طويله كاللهم للدواعش الويا كال
ابو هاجر::٠٠ ياهوو منكم يطلع ذباح عليهم
الداعشي::٠٠ شيخنه أنه
واثق شاكر::٠٠ احنه كاعدين ونباوع وهمه يختارون واحد يذبحنه ويطلع ويا مصور وفعلا اختارو واحد الذباح اليذبحنه واحد مصور وكأنهو احنه مو بشر كانهو راح  يذبحون دجاج جنت مدنك واشوف شلون يرسمون مصيرنه بأبشع طريقه راح يموتونه
أبو هاجر باوعلي وكاللهم

ابو هاجر::٠٠ باجر الساعه ٥ الفجر اخذو ذوله لاربعه تاخذوهم لمنطقه الجزيره و تذبحوهم.

واثق::٠٠ عافونه وطلعوو اني من سمعت هيج كلت يعني هاي اخر لحظات بعمري گبل اجو اهلي كدام عيوني أمي وابوي وأخوتي وأخواتي وجهالي كلت شلون  بعد ما اشوفهم هايهيه بعد ما اشوف ابتسامت امي وملكاهة الي بعد ما اشوف جهالي حسيت غصه وكفت بصدري ختنكت ضليت گاعد مانمت ضلينه كلنه كاعدين مانمنه ويايه ثنين ولد عم من اهل الدجيل خطيه جاين يشتغلون بكيات حمل يجيبون طماطه وداخلين السامره ولازميهم الدواعش عله الشارع ضلينه كاعدين واحدنه كلمن يحسب الساعات ينتضر موته بس اني بهاذه الوقت ضليت احرك بأديه اريد افك الخيط المجتفين بي اديه حركت اديه منا ومنا نفك صار حيل راخي
طلعت اديه بس اديه مخلعات ما اكدر اطبكهن سوه صارلهن خمس ايام مشدودات ومعلك بيهن اديه مفصخات حيل يوجعني  مشت الساعه واحنه عايشين بخوف ورعب صارت الساعه با ٥ اني رجعت الديه بالشداد الجانو رابطيني بي حته ميشكون بيه شويه  اجه واحد  اجو علينه كومونه اربعتنه اخذونه صعدونه بكيه حمل اجو ثنين دواعش ويانه واحد يسوق واحد واكف يمنه احنه نشوف لان عيونه مجانت مشدوده بس ادينه واني الشداد فاتحه بس شكل مخلي حته مايعرفون اني فاله باوعت ورانه صعد بسيارتي الاجو بيهة صعد بيهة الذباح والمصور مشت بينه السياره اخذونه من المدرسه المنطقه الجزيره اليذبحون  بيهة  ضلت تمشي بينه مسافه تقريباً قبل لانوصل لمنطقه الجزيره اليذبحون بيهة ب كيلو تلكتنه الريحه حيل قويه مال الجثث الميته اليذبحوهم
متحلله الجثث وطالعه منهة ريحه مثل الچيفه المنطقه چول بس الريحه تكتل كتل اني من شفت هيج كلت اني هم مثل هاي الجثث هيج نهايتي اني هنا نهايتي راح تصير وصلنه يم غرفه طين بنص المنطقه هاي نزلونه من السياره  كعدونه بهاي الغرفه الطين من كعدت شفت بيهة ماطور ماي الجبير بس متروك قديم البوري مال المي مهدم يعني الواحد يكدر يطلع منه كعدونه اربعتنه واحد بصف الثاني واحنه الرعب ماخذنه بس كاعدين ونشاهد عله رواحنه اجو اول ما اخذو ذوله الولد العم خطيه من اهل الدجيل
سحلوهم واني احس روحي راحت من شفتهم اخذوهم سحل مسافه عنه احنه نشوفهم بقيت بس اني واحد وياي همه من اخذوهم جرو اول واحد صاحو تكبير ذبحو اول واحد اني فقدت كلت خل اشرد علمود من اشرد ويرموني اموت   احسن من ما يذبحوني عله اقل اهلي يعرفوني من راسي موجود
اني اديه فال الشداد مالهن بس وخرته وردت اكوم الولد الوياي كال
_ خويه مروتك خلصني وياك لاتعوفني هنا يذبحوني 
واثق شاكر::٠٠ اني كمت بسرعه قبل لايجون ويشوفونه همه مسافه قريبه  عنه اني كلبي يدك عله ساعه وكف كمت للولد الوياي فتحت اديه وركضنه طلعنه من مكان البوري المهدم ركضت گبل السيارتي لان عايفيهن السيارات يشتغلن من طبكوهن  وهاذه الوليد يركض وياي اركض وانخه لأمام علي عليه السلام ابو الحسن ماقصر صعدت بسيارتي والولد وياي بس همه ماحسو بينه لان غبشه فجريه والمنطقه كلهة كصب همه  مأمنين منطقه صحراء ومچتفين احنه عبالهم منكدر نشرد بس الله خلصنه اني ماصدكت صعدت بالسياره همه شافونه رمو عليه اني شغلت السياره وطلعت طاير امشي سريع
أسمع بس صوت الطلق وراي يدك بالسياره اني امشي وخايف مامصدك اكول عله ساعه يكمشونه امشي واباوع واشوف بس التراب وراي ضليت امشي بالسياره سريع
واني افكر واكول جماعتي الي ب لألف واحد  شصار بيهم وراي.