سبايكر جريمه العصر

البارت ١١

الحلقه الحادي عشر ✡
" سبايكر جريمة العصر "
" بقلم الكاتبه حنين الموسوي"
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،.

واثق شاكر::٠٠ من اخذونه داعش المنطقه الجزيره ورادو يذبحونه هناك  حطونه بغرفه من طين اجو اخذو اول ثنين يردون يذبحوهم من سمعنه صاحو تكبير اني كمت بسرعه قبل لايجون ويشوفونه اني فال الشداد مال ايدي بس  همه مسافه قريبه  عنه اني گلبي يدك سريع من الخوف عله ساعه ويوكف كمت للولد الوياي فتحت اديه وركضنه اني ويا طلعنه من مكان البوري المهدم ركضت گبل السيارتي لان السيارات عايفيهن  يشتغلن من طبكوهن  وهاذه الوليد يركض وياي  اني اركض وانخه لأمام علي عليه السلام ابو الحسن ماقصرويانه صعدت بسيارتي والولد وياي بس همه الدواعش ماحسو بينه لان غبشه و فجريه والمنطقه كلهة كصب همه  مأمنين منطقه صحراء ومچتفينه  عبالهم منكدر نشرد بس الله خلصنه منهم  اني ماصدكت صعدت بالسياره همه شافونه رمو عليه اني شغلت السياره وطلعت طاير امشي سريع
أسمع بس صوت الطلق وراي يدك بالسياره اني امشي وخايف مامصدك اكول عله ساعه يكمشونه امشي واباوع واشوف بس التراب وراي ضليت امشي بالسياره  بكل سرعتي
بس اني أمشي بالسياره واني كلشي ما اندل بالطرق كل شويه وطابلي بطريق المهم اني طلعت گبل واني أمشي  سريع طبيت بطريق بي بساتين وبيوت مطشره بس اني بعدني بمنطقه لاسحاقي  اني خايف ومرتبك من الخوف كلشي ما أندل ما اعرف حته وين رايح ضليت امشي بهاذه الطريق والناس واكفه يم بيوتهة وتباوعلي لان امشي بسيارتي سرعه مو طبيعيه عبالهم اني من داعش بس اني اخاف انزل واسئلي واحد منهم لان ما أمن وهاي المنطقه تابعين الداعش كلهم صايرين وياهم 
ضليت امشي وصلت يم مدرسه خففت سرعتي شويه وصلت يم المدرسه وكفت شفت جهال واكفين باب المدرسه نزلت سئلتهم كتلهم

_ عمو اريدلي طريق يوصلني البغداد لو السامره منين اطلع.

_ اطلع منا بصف المدرسه يذبك عله الشارع العام مال الدجيل.

اني من كلولي هيج بقيت مصدوم ما صدكت اني شوكت وصلت للدجيل وما ادري بروحي لان امشي سريع وما حسيت المهم اني صعدت سيارتي ومشيت وياي هاذه الولد الساعدته وشردنه سوه طلعت بالسياره مشيت مسافه وصلت التبليط من بعيد شفت الجيش العراقي منتشر بالشارع اني من شفتهم فرحت كلش وحسيت بالأمان كلت راح اخلص بس هاذه الحجي اني امشي بدون فكر من الخوف والرعب المريت بي
مشيت بالسياره عليهم كلت علمود يساعدوني واخلص وصلت مسافه قريبه عليهم وهمه طاحولي دك رمي عله السياره كامو يرمون عليه الجيش العراقي.
عبالهم اني وي داعش اني وكفت السياره نزلت منهة باوعت الدشداشتي عباره عن قطعه حمره  من الدم كلهة دم من كد ما عذبوني داعش المهم اني نزعت دشداشتي كمت اهوس بيهة اصيح يمعودين _اني عراقي من عدكم اني اخوكم عراقي وجندي لا ترمون عليه ساعدوني.
ما يسمعوني بس يرمون عليه انوبه كامو يرمون عليه بالبيكيسي اني خفت كلت چا اني ما متت عله ايد داعش اموت عله ايد جماعتنه
  بس همه عبالهم اني وي داعش لهاذه السبب كامو يرمون عليه اني  رجعت السيارتي صعدت بيه وشغلتهة ديورت ورجعت مشيت بالسياره هم امشي سريع وصلت يم هاي المدرسه شفت نفس الجهال السئلتهم اول مره كتلهم.