سبايكر جريمه العصر

البارت ١٣

الحلقه الثالثه عشر ✡
"سبايكر جريمه العصر"
" بقلم الكاتبة حنين الموسوي "
،،،،،،،،،،،،،،،،،،،،،،،،،،،،،،،،،،،،،،،،،،،،،،،.

علي الجوراني::٠خطيه الرجال هوه وعائلته وجهاله من الصبح لسه واكفين ويانه احنه سلمنه عليه وتشكرنه منه وانطانه رقمه كال خاف تحتاجون شي وتشكرنه منه وراح اخذ عائلته ورجع التكريت اني ومالك نزلنه وضلينه واكفين يم السيطره.

ضلينه  واكفين يم السيطره لل ٥ العصر مايقبلون يدخلونه السامره انتضرنه شويه وضلينه كاعدين يم السيطره شفنه اجو المنتسبين والضابط  البديل مال السيطره اخذنالنه اشويه وكمنه حاجيناهم وشرحنالهم وضعنه وحاجينه الضابط الرجال تفهمنه وقبلو ندخل المهم من دخلنه صعدنه سياره وطلعنه مشينه مسافه لاكتنه السيطره الرئيسيه هم ضل الضابط يحقق ويانه منين انتم ومنين جايين احنه كنالهم هاي السالفه وهاي حجينالهم كلشي صار ويانه الضابط كال اكيد كنالهم ولله عمي اكيد بس  احنه هاذه الحجي كله  عله اتصال وي اهلنه وجماعتنه منتضرينه بالامام بسامره تقريباً صارت الساعه ب ٦ ونص الضابط اقتنع ودز واحد ويانه يوصلنه للأمام المهم اخذانه للامام
وهناك من وصلنه للامام لكيناهم كلهم منتضرينه جماعتنه واهلنه واهل الكوت الي همه من الدجيل
والشيخ سعد اني من طبيت وشفتهم اله ارتاحيت ورجع الدم بوجهي أمنت هم ونزاح من گلبي احس من دخلت سامره وكأنهو داخل البيتي أمنت لأن جنه كلش خايفين و تعبانين وعطشانين وملابسنه بعد بيهن اثار دم اهواي همه خطيه جابولنه اكل وملابس احنه سبحنه وبدلنه ملابسنه واكلنه وارتاحينه شويه
ابد ماقصرو ويانه ضلينه بالامام بسامره ١١ بذني لأيام محد قصر ويانه بشي ونعم منهم وجزاهم الله الف خير بقينه الحد  ما اجه رتل كوسترات شكو واحد محجوز بسامره اخذوه وياهم احنه تشكرنه منهم اهل سامره والدجيل ورحنه  وي ذوله اهل الكوسترات مشينه  وياهم اخذونه البغداد نزلنه بكراج النهضه ومناك صعدنه للكوت ورحنه لهلنه والحمد الله وصلنه لهلنه وشفناهم وشافونه بس جنه بعدنه مصدومين وصايره ويانه خوفه وهبطه من الي صار اني مامصدك نجيت وخلصت من الموت وطلعت عايش ورديت سالم لهلي الحمدلله والشكر الي نجاني من الجرذان داعش ونجيت من سفينه  الموت الي راحو بي الالاف من الشباب لأبرياء.
والحمدلله وصلت لهلي بعد رحله طويله من المشقه والخوف كدرت اوصل لهلي جانت لحضات صعبه مريتهة بيهة بكل حياتي واني طالع من حلك الموت وجنت امأيس ارجع واشوف اهلي والتقي بيهم لان جنت كل لحضه الموت يمر يمي
بس الشكر لله رجعت لهلي بعد كل الصعوبات الواجهتهة وخلصت من داعش ونجيت من بين الالف الشباب الابرياء الراحو ظلمو ونقتلو عله ايد تنظيم داعش التكفيري بدون رحمه وابأبشع الطرق..

اني الناجي من مجزرة الموت
« علي الجوراني»

بس بعد  ما اعرف شصاير وي الجنود الي بألاف الي طلعو ويانه من قاعده سبايكر كلمن عاش قصه صعبه ومحاولات الفرار من الموت اله لان........