سبايكر جريمه العصر

البارت ٤

الحلقه الرابعة ✡
"سبايكر جريمه العصر"
"بقلم الكاتبه حنين الموسوي"
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،.

علي حمزه::٠٠ اول ماوصلنه السيطره هاذه الولد ابو السياره يعرف طريقتهم وشلون يتعامل وي داعش حته يخلصني منهم كام يهوسلهم
الدواعش من هوسلهم كيفوو
هوه خطيه ضل يهوسلهم علمودي في سبيل يخلصني ومحد يشك بينه والحمدلله گدرنه نعبر اول سيطره عادي محد شك بينه
ضلينه نمشي بالسياره  لحد ما لاگتنه السيطره الثانيه اني كام كلبي يدك سريع خفت خاف بهاي السيطره  يلزمونه باوعت شفت بالسيطره  دواعش هواي واكفين وذوله  مجرمين ماعدهم رحمه ابد مايرحمولهم واحد اني  خفت
المهم من وصلنه هم السايق هوسلهم في سبيل يخلصني منهم وصدك  من وصلنه السيطره الثانيه  كدرنه نعبر منهة وخلصنه ضلت كدامنه بس وحده ونأمن عله رواحنه ونخلص من داعش.
مشينه هم مسافه وصلنه للسيطره الثالثه هم لكينه دواعش هواي واكفين ضلو يباوعولنه وسئلو السايق عنه بس الحمدلله ماشكو بلأمر انو اني جندي
لان  لابس دشداشه والجهال
كاعدين بصفه عبرناهم من عكبنه السيطره الثالثه السايق كال  هسه راح نوصل المنطقتنه
صدك ولله وصلنه المنطقتهم ودخلني البيته وضليت يمهم والرجال ابد ماقصر جزا الله الف خير ضليت يمه وهم بقيت  عله تواصل وي اهلي بقيت يمه هاذه الرجال  ٤ ايام بيوم الرابع
اجاني الوليد الكاعد يمه بيته كال

ابو البيت::٠٠ علاوي خويه تره لاوضاع جاي تسوء يوم عن يوم والوضع مو زين خاف الطرق تنسد وانته تنحصر هنا يخوي وبعد ماتكدر تطلع.
علي حمزه::٠٠چا خويه شلون والحل.
ابو البيت::٠٠ شوف  اكو سياره واحد يريد يروح البغداد ويريد
٥٠٠ الف وانته بعد بكيفك شدكول.

علي حمزه::٠٠زين ميخالف  اني انطي بس كون اكو ظمان يوصلني سالم لأهلي
ابو البيت::٠ ولله ياخويه هوه كال ماكو ظمان شيصير مايصير هو مو مسؤل.

علي حمزه::٠٠اني ماقتنعت وكلت خل اخابر اهلي واكللهم خابرت اهلي هم ماقتنعو بالفكره
وره شويه اتصلو اهلي بيه كلولي اكو صديق عدهم تركماني بكركوك مخابرينه والرجال كايللهم عادي بس يجيني اخذه اخلي يمي خابروني وكلولي انطينه ابو البيت خل نحجي ويا حاجو اهلي  وكلوله

_ خويه انريد منك هاذه الزلمه اطلعه النه وانته ماتقصر وندري بيك سبع وخوش زلمه ماقصرت ويا
ابو البيت::٠٠ من عيني بس اني اكثر شي اكدر اوصلو المنطقه داقوق.

علي حمزه::٠٠ اهلي تشكرو منه واتفقنه عله انهو الصبح ابو البيت ياخذنه المنطقه داقوق هاي المنطقه تابعه الكركوك..
احس اني نحلت جزء بسيط من مشكلتي وبعد اكو امل اوصل لهلي بس بالي يم جماعتنه الطلعو ويانه من القاعده وين صفه بيهم الدهر...

عايد شاكر::٠٠ من لزمونه داعش وكعدونه بالشارع وكتلو ثنين من جماعتنه كدامنه بعد مانكدر نضل كاعدين وننتضر موتنه بأبشع الطرق
من الخوف كمنه شردنه ركضنه عله جهت العشاير اطشرنه كلمن شرد من جهة ضلينه نركض يمكن مسافه اقل الكيلوين عنهم همه متحظرينه قسم منهم عله السطوح وقسم بالشارع لازمين واجبات من شافونه كامو يرمون علينه  احنه ضلينه نركض ابد ماوكفنه طلعت النسوان من ابيوتهة كامت تكاطف علينه ب  الطابوك  وتغلط وتصيح وتشتمنه  احنه بقينه نركض بس داعش هواي حاصرونه من كل الجهات ولزمونه وجمعونه كلنه عله الشارع العام احنه من الخوف ضلينه واكفين بعد حاصرونه داعش  همه أجو علينه فتشونه شكو واحد مطبر راسه طلعو ويذبحو كدامنه ويصيحون
_ هاذا رافضي من الشيعه.
عايد شاكر::٠٠ من شفنه هيج الوضع خفنه كلش و نرعبنه كمنه وشردنه مرت الثانيه اني كمت اركض كدامهم وهمه يضربون بينه طاحولنه دك رمي علينه اني اركض و اشوف جماعتي الشردو وياي كلهم يوكعون ورانه كتلوهم همه الدواعش أفترو علينه وداورونه حاصرونه مرت الثانيه لزمونه وضلو يمشون بينه وطايحلنه دك شبعونه كتل لان شردنه
وصلنه للشارع لكينه جماعتنه اهل السيارات الطلعو بسياراتهم لكيناهم حاطيهم مسطريهم عله الشارع ويذبحون بيهم احنه من شفناهم ذبحو جماعتنه اگبال عيونه حتارينه شرده بعد مانكدر نشرد وهمه كلهم واكفين ومداورينه الدواعش وبعض العشائر وصلونه للشارع تقريباً صرنه مسافه عن قاعده سبايكر ب ٨ كيلو شويه اجه شيخ عنده سنتافيه بيضه وعنده سماعه وكام يحجي بيهة كال