سبايكر جريمه العصر

البارت ٦

الحلقه السادسه ✡
" سبايكر جريمة العصر "
"بقلم الكاتبة حنين الموسوي "

""""""""""""""""""""""""""""""""""''''''.

زين العابدين::٠٠ من لزمونه الدواعش بالشارع وكعدونه بالكاع وبهلأثناء شفنه النسوان كامت تهلهل ضلينه خايفين حيل مانعرف شنسوي شويه الدواعش جابولنه لوريات وكالونه علساس راح ياخذونه البلد
ومناك يطلعونه البغداد همه الدواعش  كامو يصعدون بينه اني هم صعدت وي مجموعه ب الوري
مشه بينه الوري مسافه احنه مخبوصين وخايفين ما نعرف مصيرنه شنو وين راح ياخذونه
مشه بينه الوري مسافه كيلوين
تلكتنه سياره سنتافيه صاعد بيهة
لأمير مالتهم نزل حجه وي ابو الوري الصاعدين بي وراح
احنه ضل يمشي بينه الوري لحد ما وصلنه للأقواس أقواس مال تكريت
شفنه همرات تلاثه عارضات بالشارع اني جنت اباوعلهن من شفتهن احنه كلنه فرحنه عبالنه الجيش مالتنه كلنه بلكت يخلصونه منهم بس من وصلنه يمهم وتقربنه أكثر عليهم شفتهم الدواعش والعشاير ( البعض) متلثمين اني أيست من شفتهم باوعت شفت أكو كدامنه جنود حطوهم الدواعش وعدموهم عله الشارع احنه شفناهم لو تخبلنه خفنه حيل صارت رجه بالوري  نخبصنه خبص ونوبه السياره المدنيه السنتافيه الشفناهة بالبدايه رجعت علينه والدواعش البيهة طلعو بيكيسي وكامو يرمون علينه  وابو الهمر الكدامنه الواكف يم لأقواس سدد لأحاديه علينه وكام يرمي بينه طاوقونه وبدو يعدمون بينه هواي ماتو من جماعتي الي بالوري احنه تلايشنه خفنه حيل اني من الخوف والرهبه طفرت من الوري واكو جماعه هم طفرو وياي والضلو بالوري كلهم عدموهم وماتو من طفرنه من الوري توجهنه الجهت البستان ضلينه نركض طبينه للبستان واحنه نركض والهمرات ورانه لحكونه الدواعش يرمون علينه وابو الهمر بلأحاديه يرمي علينه واكو واحد يم لأقواس كام يرمي علينه صواريخ اني خايف واركض حيل وجماعه وراي هم يركضون  واني اركض والتفت ليهم اشوف جماعتي يضربهم ابو الهمر والي يصوب ويوكع يجي عليه ب الهمر يسحكه يمرده مرد جواه ضلينه نركض اني وجماعه وياي شفنه بيت يم البستان رحنه عليه چفتنه
عله ابو البيت لكينه رجال واكف گناله دخيلين عندك هوه شافنه تخبل من عدنه ماستقبلنه راح جاب بندقيه
وكام يرمي بينه هواي من جماعتي ماتو كتلهم ابو البيت اني شردت اني ركضت وركضو وياي جماعتنه البقو طلعنه نركض بسرعه شفت بدي مال لوري طبينه جواه اني وياي واحد وي ماختلنه رمو الدواعش علينه هاذه الولد الوياي  نكتل مات لاحته طلقه مات كدامي اني خفت طلعت اركض كل ماعندي سرعه ركضت وصلت البحيره جبيره چيتت بيهة خايف بس اريد اختل من چيتت شفت جنود كدامي
هم شاردين وخاتلين بالبحيره تقريباً  بيهم بالعشر جنود بقينه بالبحيره خاتلين ومحتارين نطلع لو نبقه خوف وقلق وصارت بينه رهبه كلنه ازغار المهم بعدين كالو خل نطلع گمنه كلنه طلعنه من البحيره من طلعنه اكو دواعش واكفين يم البحيره وي ماشافونه وسمعو صوتنه گبل رمونه كامو يعدمون بينه شتغلت علينه البيكيسي احنه ركضنه ضلينه نركض سوه ركضنه مسافه  وكفنه يم بيت واكف يمه رجال وعائلته
رحنه يمه حاجيناه كناله.
_ عمي احنه دخيلين عندك طببنه يمك
الرجال::٠٠ لا ماتطبون بالله بس تطبون اعدمكم.