سبايكر جريمه العصر

البارت ٧

الحلقه السابعة ✡
" سبايكر جريمه العصر "
" بقلم الكاتبة حنين الموسوي "
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،.

علي جبر::٠٠ اني طلعت من الكراج من طلعت  شفت بيت مقابيل  الكراج بي باب چبير وباب زغير مشيت شويه تقربت يمه شفت باب الزغير بي فتحه زغيره الباب مامطبوك كلش رحت يم الباب دفعته وطبيت لكيت ولد بالحوش حاط سيارته ويمسح بيهة من شافني نز طفر من مكانه صاح كال
_ شنووو أنت
_ اني دخيل خويه
_ لا بألله عوذه انه ما احمي الدخل عوذه غوح من هين.

علي جبر::٠٠ شوف خويه اني من لأخير اني بالنسبه الي طلعه منا ما اطلع ولا اريدك تحميني اني ما اريد ابقه يمك اني أصلا اريد اطلع من هاي المنطقه كلهة  بس اذا تريد اطلع من بيتك بشرطين اولا اريد ملابس مثل لبسكم دشداشه وشماغ واعكال وثانين من اطلع من بيتك لا تعلم اعليه للدواعش.

اني من  طلبت منه ملابس لان اريد البس مثلهم اعايش المنطقه حته محد يشك بيه هوه كوه عليه بس يريد يخلص مني راح جابلي دشداشه وشماغ واعكال  اني اخذتهن منه لبستهن من لبست مثل لبسهم واني اعرف احجي مثلهم ومثل لهجتهم كلت محد يشك بيه كملت وطلعت من البيت من طلعت للشارع اذكرت تليفوني الثاني مانطيته اخذته خابرت اخويه
ابوعلي وسولفتله كلشي صار وياي وسديته مشيت شويه رجع خابرني ابو علي  كال.

ابو علي::٠٠ اكلك خويه لاتخاف لكيتلك الحل  خويه اني اعرفلي واحد من التاجي هسه خابرته وراح يدزلك جماعه  ويصير خير ان شاءلله  خل نشلون شيصير.

علي جبر::٠٠ هاا خير ان شاءلله الله كريم هايهة خويه ماقصرت شنسوي خليهة والله.
نهيت لأتصال وي اخوي بس كلت هاي سالفه طويله چا اني وين اروح هسه بس ابقه بالشارع خاف يشكون بيه الدواعش  ويعرفوني باوعت شفت الدواعش گبالي يحملون بالجنود بالوريات ويعدمون بيهم  والمتفرجين واكفين هواي يباوعون للدواعش شلون يعدمون ويذبحون  بجماعتنه الجنود والناس تباوع عدهم شي طبيعي 
اني كلت شسوي وين اروح خل امشي يمهم بلكت محد يشك بيه مشيت يمهم شفت رجال جبير عنده بسطيه كعدت يمه بس الخوف والرعب ما كلني عله لحظه اكول راح يشكون بيه ويعرفوني ويجون يلزموني من كعدت يم هاذه ابو البسطيه ضل يباوعلي شويه وحاجاني كلي
_ منين أنت يلأخوو
_ انه من اهل المنطقه
علي جبر::٠٠ من كتله اني من اهل المنطقه سكت عبالي صدك بيه واقتنع بحجي اخذله شويه واجه تقرب عليه كال
_ تعلمني منين أنت لو اصيحهم عليك بصوت واحد المهم كلهم عليك.
علي جبر::٠٠ اني من كالي هيج خفت منه لان الدواعش بصفنه قريبين علينه يصعدون بالجنود بالوريات بس ايصيح يسمعونه اني كتله
_ اني من بغداد
_ وش عندك جاي هين 
_ اني صاحب سياره جبيره مال حبوب شلب وحنطه وطابك سيارتي عله السيالوو
_ وش جابك هين
_ تحاصرت ورايد اطلع
_ شو السانك بدوي مثل لهجتنه
_ اي اني خوالي هنا بالقادسيه
_ هاا يعني خوالك هين