الحلقه الخامسة ✡
"سبايكر جريمه العصر "
" بقلم الكاتبه حنين الموسوي"
""'''''''''''''''''''''''''''''''''''''''''''''''''''''''''''''''''''''''''''''''''''''''٠
عايد شاكر::٠٠ هاي المره ضلت تنصحنه شلون نطلع ودلتنه منين نطلع دلتنه بسياجه مرشات مالت ماي وكالت
_اعبرو بهاي السياجه بس كله ازحوف لاتمشون مشي ازحفوو لامنا ولامنا ولاترفعون روسكم ابد حاولو اليوم بليل تعبرون القصور.
عايد شاكر::٠٠ احنه من سمعنه حجيهة صدك اشكرنه منهة وهيه راحت واحنه ضلينه منتضرين لليل
دعينه ام البنين عليه السلام ونخيناهة ونخينه علي بن ابي طالب عليه السلام وعلي الهادي عليه السلام گبالنه ندعي ونبجي نخيناهم احنه ميتين وخايفين كلش ويانه ولد خطيه مصوب بطنه حيل متأذي منهة
ولله لليل وبدينه طلعنه توجهنه طلعنه نزحف زحوف كوه نسحل برواحنه سحل ضلينه نزحف
وين مسافه وهم رجعنه نزحف الحد ماوصلنه النهايت قصور صدام حسين عبرناهن القصور الحمدلله
وصلنه للعوجه كعدنه متنه من التعب هلكنه بعد مانكدر نمشي خطوتين بعد مانكدر نمشيهن ختلنه ضلينه خاتلين ب الجله( الحشيش)
باوعنه شفنه بيتين بالعوجه بيت بي ناس وبيت مبين مهجور البيت البي ناس طابكات يمه لوريات هواي وحلال عنده حالته زينه مبين الرجال احنه عدنه ويانه جندي ابو سجاد هاذه جندي قديم تحركاتنه كلهة هوه المسؤل عنه المهم احنه كاعدين ابوسجاد كالنه.
ابوسجاد::٠٠ احنه مانتحرك منا يولد ولانروح لهاذه لبيت منا ل ١١ بليل نشوف الوضع منو اليجي الهاذه البيت منو يطب منو يطلع يجونه عشاير داعش دخل نشوف وعود بعدين نروح لبو البيت.
عايد شاكر::٠٠ كناله هايهة خوش وفعلاً ضلينه كاعدين ونراقب هاذه البيت بس ماشفنه احد اجه يمه ولا واحد طلع بس هوه الرجال راح صله ورجع ضلينه ننتضر تقريباً ل ١٠ ونص كلنه يله خل نروح نطبله واتفقنه علساس انهو احنه عمال نشتغل بيجي خاف يلزمونه يكتلونه لو يكطعونه احنه نضل عله هاذه الحجي احنه عمال من بيجي
ضلينه احنه اربعه خاتلين وثنين راحو من جماعتنه لبو هاذه البيت
دكو الباب طلعلهم ابو البيت نفسيته
ويحجي وياهم ويا جماعه كلمن رشاشته بيده رمو طلقات لفوك لزمو جماعتنه الثنين الراحوله
احنه من شفناهم خفنه وحتارينه وين نروح اذا شردنه ورجعنه للقصور يكتلونه وذا صعدنه للشارع العام يكمشونه ضلينه خاتلين كلنه بلكت مايشوفونه جماعتنه لاثنين واحد اخذو واحد ابو البيت جابه ولازم سلاح نص اخمس وجاب صاحبنه واجه علينه تقرب يمنه وكال
الرجال::٠٠ ليش ما غحتو لجامع صدام حسين الكبير اتوبون
الجنود::٠٠ شلون نروح عمي مو اذا رحنه الجامع صدام حسين الكبير هناك يكتلونه جماعتنه كلهم كتلوهم هناك ويدفنوهم عدلين احنه صارلنه ست ايام نمشي عمي احنه بشارب الله وشاربك واحنه عمال نشتغل بيجي.
الرجال::٠٠ بالله انتم تچذبون انتم جنود وشاهدكم هاذه
عايد شاكر::٠٠ أشر عله بسطال مال جيش جان لابسه واحد من جماعتنه لكيناه بزباله مال تكريت.
أنت تقرأ
سبايكر جريمه العصر
General Fictionمجزره سبايكر الأليمه لاتنسى ابد الذي راح ضحيتها ألاف الضحايه من الشباب لأبرياء مثل الورود قتلو غدرآ على أيدي عصابات " داعش " ألارهابيه؟
