سبايكر جريمه العصر

.البارت ١٥ ولأخير.

الحلقه الخامسةعشر ✡
"سبايكر جريمة العصر"
" بقلم الكاتبة حنين الموسوي "
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،.

علي حسين::٠٠ من كمت اسبح بنهر دجله وعبرت المرحله لاولى بالنهر چان المي زين مو كلش سريع
بس من وصلت نصف النهر تقريباً المي صار كلش سريع ويجرف بيه زين اني خفت دنيه ليل وخطر عليه وهمه عله الجسر فوكاي خاف يشوفوني وشلون اذا جرفني الماي خاف يوصلني ليهم
ضليت بالماي اسبح بمعاناة
وتبهذلت تبهذل اله كدرت اعبره الحمدلله عبرت نهر دجله وخلصت
من عبرت النهر ضليت امشي ابمزرعه چبيره مشيتلي مسافه لكيتلي غرفه ازغيره من كصب
دخلت لكيتهة فارغه واني تعبان جسمي متكسر اليل كله اسبح بالماي ومانايم نعسان وخايف وجوعان گبل حطيت راسي بهاي الغرفه ونمت مافزيت اله ثاني يوم الصبح كعدت وطلعت  من هاي الغرفه طلعت وضليت امشي صرت مقابيل منطقه فرحت من شفت اكو ناس بس گبل اجه ابالي كلام عباس
من كال
. دير بالك ادكول اني جندي
كول اني عامل جنت اشتغل بكركوك واجيت هنا متيه ما اندل
واحذر ادكول اني جندي لان يكتلوك گبل ولا ادكلك بيت زناگيل
دك باب ناس فقره.
المهم اني مشيت بهاي المنطقه
بس حالي كلش متبهذل لابس نص ردن والدم يجري من اديه وحافي
وصلت يم كل باب ادكه محد يطلعلي  العالم بعدهة نايمه والشمس بعدهة  ماطالعه.
شفتلي مره واكفه يم بابهة اشرتلهة دزتلي ولد ازغير اجه يمي كتله
_ عمو اني كلش جوعان
راح خطيه جابلي خبزه وطماطه
من رجع كتله
واني حافي انعال ماعندي ( تكرمون)
خطيه راح ركض جابلي نعال (تكرمون)  ورجع انطانيا
اني لبسته وكتله
_ عمو ماتكدر اتخليني عدكم بيتكم

الولد::٠٠ لا بألله عمو يچتلونه ويچتلونك.

_ چا اني وين اروح

_ غوح دك الباب عله هاي الناس بلكت اكو واحد يقبل ويدخلك البيته
اني من سمعته هيج كال هم صدك رحت امشي وادك بالبيوت بيت بيت ماكو محد يطلعلي وصلت يم بيت كلش قريب عله القصور الرئاسية دكيته طلعلي رجال كتله اريد ابقه يمك بس استراح
طلع الرجال زين من اهل الله دخلني بيته
طبيت استراحيت وضيفني الرجال وانطاني دشداشه لبستهة وغطيت بيهة اديه المجرحه من چتفوني ونطاني شحاطه « تكرمون»  لبستهة وانطاني فلوس الله يوفقه خوش رجال ابد ماقصر وياي بشي     لا هوه ولا ابنه مع العلم هوه الرجال دليمي بس خوش أزلمه
بقيت ب ٣ ساعات بعد ما اكدر ابقه اكثر من هيج لان القصور الرئاسية  كلش قريبه علينه لدرجه اني اشوف الدواعش من الشباك  شلون يعدمون بالجنود الوضع ايخوف واني هيج كلش قريب عليهم
بعدين طلعت من بيت الرجال  هاذه الرجال الجنت گاعد يمه دز وياي ابنه وصلني بسيارته الرجال يعرفو
علمود ابقه يمه صدك ونعم منهم وكفولي وكفه بحياتي ما انساهة
المهم طلعنه اني وابنه وداني الرجال مرسومي
ولله هاذه الرجال المرسومي هم ونعم منه ابد ماقصر وياي قام بضيافتي وضليت يمه معزز مكرم
حته من عرفو الدواعش اكو جندي شارد بهاي المنطقه الي اني كاعد بيهة يم هاذه الرجال المرسومي بس ما عرفو اني كاعد بيت هاذه الرجال المرسومي
حته من اجو الدواعش يدورون عليه هوه كال هاذه الولد امانه يمي ما انطي لو عله كص ركبتي
يدافع عني وضحه بنفسه وبأطفاله علمودي في سبيل مايسلمني بيد داعش ضليت يمه ب ٣ ايام ماخله شي ماسوى الي حته اخذني الطبيب محلي وعالجني وعالج اديه
وحته حب طلع بوجهي الطبيب انطاني علاج وكريمات ودهونات
خلصن ذني ٣ ايام هيج لمين طيبني الرجال يم الرابع الصبح
اخذني وداني لناحيه العلم يم
ال الجباره يم شيخ خميس أجباره والشيخ جاسم أجباره من وداني يمهم ولله احسن ناس شفتهم استقبلوني ذاك الاستقبال وضليت يمهم وبضيافتهم
وماقصرو بشي وياي جابولي تليفون وخط وضليت اخابر اهلي واتواصل وياهم وضليت يم ذوله الشيوخ ب ١٦ يوم
اني بضيافتهم وقامو بيه بالواجب
وجنت بذني الايام يوميه اطلع وي الشيخه أميه ناجي الجباره
الي هيه مثال للبطوله والشجاعه
ونعم المره