القاسي احبها🖤

الخامس عشر💃

اللهم انك عفو تحب العفو فاعفو عنا✨
~~~~~~~~~~~~~~~~~~~~~~~
ميكال وقف وقال:هيييي وتاني هي اقيفي بعيد واعملي شخيت(امزح😭😭😂)
في الحقيقة قال: يا استاذة دا لو بتستحقي اساسا ينادوك بالاسم د.. دا م اسلوب تتكلمي بيهو معانا د اسلوب ناس من الشارع م متعلمين اصلا خليه يكون اسلوب مديرة مدرسة كاملة وانا مدرسة فيها ادارة زي دي م تلزمني + كوني متأكدة انك م حتقعدي في مكانك د كتير الظاهر انتي م بتعرفي بتتكلمي مع منو يا.... استاذة ...
وطلع ميكال واشر لي مؤمن نظام الحقني ومؤمن كتح بي وراهو 😂😂.. فضلت رنيم بتعاين لحدي م مشى قبلت على المديرة لقتا زي الصابا فيها مطرة عاينت ليها من فوق لي تحت  وقالت ليها حتى انا مدرسة بإدارة بالمستوى د م بتقرا فيها اختي😏 وساقت رتاج من يدها وطلعت وسماح جرت بي وراهم 😂😂 ..
عند باب المدرسة طلعت رنيم ورتاج وسماح لقو ميكال واقف ومتكي على عربيتو لمن شافهم جا عليهم ...
ميكال: احم المديرة دي م حتقعد في المدرسة دي كتير ف بعد تنطرد المدرسة بزات نفسها حيبعتو لي اختك تجي مع اعتذار كمان🌚
رنيم : ودا كيف دا🤨
ميكال : لبس نضارتو الشمسية وقال ليها : دي حاجة بعرفا انا ... وذهب كما اتى🍃
خلا رنيم مصدومة وسماح فاتحة خشمها ورتاج بتعاين ليهم الاتنين ...
رنيم بعد مسافة: يلا ارح .... ومشو
~~~~~~~~~~~~~~~~~~~~~~~
في عربية ميكال
مؤمن ساااكت وبعاين لي ميكال كل شوية وكان خايف شديد من ردة فعلو ساكتين الطريق كلو لحدي م وصلو البيت ميكال نزل بعدين مؤمن دخلو البيت ... مؤمن بدا يتسحب برااحة براحةةة وطلع السلم البوصلو غرفتو فجأة ميكال ناداه
ميكال: مؤمن
مؤمن بقى متصنم واتلفت لي ميكال..
مؤمن : ايوةة🙂
ميكال : تعال هنا
مؤمن : لي في شنو🙂
ميكال : بصوت عالي : قلت انززل
مؤمن جاهو جاري😂😂😂😂
ميكال : بتعرف البت دي انت ؟
مؤمن : أأنا ياتو ياتو بت😨
ميكال : م تتغابى علي البت الكانت واقفة جنبك
مؤمن : ااا لالا م بعرفا
ميكال : طيب دخلت الشكلة بتاع شنو يعني🤨
مؤمن : لالا هناي ما هو انا شفت انو المفروض يعني زول يفض الشكلة وكدا شخص صالح يمنع الفارغة 😊
ميكال : لالا وانت صالح جدا الصراحة😏
مؤمن : احم ممكن امشي عندي مزاكرة انا😊
ميكال : امشي
وطلع مؤمن ...
ميكال Whith ميكال
انا لي في كل مكان البت دي لاااازم تظهر لي ولي اتعصبت لمن سمعت المديرة بتتكلم معاها كدا ...... لالا اساسا اتعصبت عشان المديرة أسلوبها زفت عادي يعني م شي... ميكال ركز ركز انت عندك هدف لازم تصل ليهو وبس....
~~~~~~~~~~~~~~~~~~~~~~~
في بيت محمود ....
سعاد ( ام رنيم ): يعني اسا نشوف مدرسة تانية ولا كيف
رنيم : ما بعرف قال لي رتاج بترجع نفس المدرسة كيف م بعرف ( طبعا رنيم حكت كل شي لي امها وابوها)
سعاد : عجيب لكن الولد ده قلتي لي اسمو منو ؟؟
رنيم : اسمو ميكال
محمود(ابو رنيم) : ميكال منو
رنيم : ميكال عوض تقريبا
محمود : ميكال عوض متأكدة😳؟؟؟ وبتعرفي من وين انتي؟؟؟
رنيم : بقرا معانا في الجامعة مالك يا بابا ؟؟
محمود: ميكال عوض من اهم رجال الاعمال في مجالنا+ شركتو تعتبر اكبر شركة استيراد وتصدير حتى الان انا وابوهو الله يرحمو كنا أصحاب شديد وكان بيناتنا شغل كتي
ر قبل م اهاجر امريكا معاكم ... اخخخه‍ الله يرحمك يا عوض كان راجل بمعنى الكلمة والله وكان اعز صديق بالنسبة لي الله يرحمو ...
سعاد : بالله بكون هو ولد عوض الله يرحمو يا محمود
محمود : اي هو يا سعاد .. اكيد بتتذكري عوض صاح
سعاد : طبعا بتذكرو هو ومرتو والله كانو ناس طيبين شديد كانو طوالي معانا هنا لكن ميكال د كان صغييير الوقت داك
محمود : اي كان عمرو سنتين بس تقريبا لكن ميكال ما شاء الله عليه لمن ابوهو اتوفى كان عمرو ١٦ سنة قدر يمسك شغل ابوهو د كلو وينميه ويطورو لحدي م بقت شركتو من اقوى الشركات الان نحن كنا يادوب وصلنا امريكا وسمعت بالخبر متأخر وم قدرت اجي تاني لحدي اسي
سعاد : عاد ماشاء الله راجل ود رجال...

رنيم كانت مصدومة في الكلام القالو د كيف يعني ابوي بعرف المتعجرف د .. اهااا انا كدا فهمت عشان كدا هو شايف نفسو زيادة مسوي مهم استااااغفرو الله
محمود : رنيم ... رنيم ... وين انتي؟🤨
رنيم : اي اي يا ابوي
محمود : معاك رقمو
رنيم : شنو لالا طبعا م معاي رقمو
محمود : محتاج رقمو شديد يا بتي لازم نجيبي لي باي طريقة
رنيم : اجيبو ليك من وين لكن ي ابوي
رتاج ( وهي بتلعب بيتلفونها وراقدة في الكنبة ): عندكم قروب في الواتس للدفعة جييي الرقم من هناك ايزي😊
رنيم حمرت ليها شديد قربت تمشي تقتلها🙂
محمود : اي اسي دي جيبي الرقم
رنيم : يا ابوي انت داير بيهو شنو بعد الزمن د
محمود : عوض كان اكتر من اخ بالنسبة لي وانا م حضرت العزا حقو حتى بسبب الظروف الوقت داك على الاقل اعزي ولود
رنيم : بس يا ابوي....
محمود : من غير بس طلعي الرقم اسي دي
رنيم طلعت تلفونها وسالت عن رقمو ادوهو لسها وادتو لي ابوها ...........

~~~~~~~~~~~~~~~~~~~~~~
نمشي حتى طولنا منها.. جامعة وضاح
وضاح هو هزاع واقفين مع بعض بتونسو جات وعد خاشة فيهم
وعد : هلا شبااااب
ماف زول ردة ( صوت الصرصور 😭😭😂)
وعد : مشششم تقول لاقين اسمع يا اخي الغزيز هزاع انا م راجعة معاك اليوم 🤭
هزاع : ولي ان شاء الله
وعد : ماشة لاحقة سحباااتي في شارع النيل اشم هوا😊
هزاع : شمي هنا نفس الهوا عادي
وعد : هزااااااع يااااخ خليني امشيييي😖
هزاع : م تكوركي في راسي مااااف مشي ماف زول بوديك وانا عندي مشوار وم بتمشي براك
وعد : عاينت لي وضاح بخبث 😏 بعدين عاينت لي هزاع وقالت : اااا وضاح بوصلني مش معاه عربية؟؟
هزاع : والقال ليك منو هو فاضي ليك امشي يا شافعة العبي بعيد
وعد : ماااااااام ماااااااام يا هزاع ح امشي قلت ليك
هزاع : م تصرخي قلت ليك
وعد : اببببببييييت بصرررخ قلت ليك خليني امشيييييي
هزاع عاين لي وضاح بنظرات استعطاف نظام ارحمني من زنها عليك الله وسوقها وديها ... وضاح هز ليه راسو بس بمعنى بوديها
هزاع : خلااص خلاص اخرسي وضاح بوديك  بس قفلي😤😤
وعد : اوكي م بطال يلا ..ومشت قدامهم
هزاع : اسف يا وضاح والله لكن عندي مشوار مهم لازم امشي وانت شفتها بتصرخ كيف م كانت حتسكت اختي وانا عارفة + م بقدر اخليها تمشي براها كمان
وضاح : دا كلام شنو يا هزاع الموضوع عادي وهو مجرد توصيلة يعني م تكبر الموضوع ساي يلا شوف مشوارك وانا بوديها وبرجعا
هزار : شكرا ليك بالجد ... مع السلامة .. ومشى لي محل وعد
وعد : وينا عربيتك يالخو
وضاح م رده عليها😏 واكتفي انو يمشي محل العربية ويفتح التأمين ويستناها وعد لحقتو وفتحت الباب القدام وقعدت ...
وعد : عربيتك حلوة الغريبة ... بالله دي عربيتك؟
وضاح اكتفى بي انو يعاين ليها نظرة بارد ويدخل المفتاح ويحرك العربية ... طول الطريق وعد د ابت تسكت بس نق نق ونق نق ونق ونق اساسا م بتعرف تسكت دقيقتين ورا بعض😭😭😂😂..
وعد : بالله شوف شوف عان الوسخ د غايتو استغفر الله انا لو كنت ....
فجأة وضاح وقف العربية لمن هم الاتنين مشو لي قدام ورجعو تاني ووعد اتصدمت بقت تعاين ليهو بس ...
وضاح طبعا كان معصب شدددييييد وعيون لمن حمر حتى وشو قلب احمر وعد لمن خافت منو
وضاح بصوت عالي مليان غضب : اسسسسسكتييييييي انتي شنو ؟؟؟ م بتعرفي تسكتتي ؟؟؟ لي انتي كائن نقناق للدرجة دي قفلي خشمك دا م داير اسمع صوتك فاهههمة ؟؟ قال اخر حاجة بصوت اعلى خلى وعد تشهق ... (وضاح اساسا بطبعو بارد جدا لكن وعد وصلتو الحد وهو اساسا م بحب الجوطة وكدا بحب الهدوء😴)
وضاح هدا نفسو ودور العربية تاني وكملو الطريق لكن المرة دي الجو كان هادي  الا من شهقات وعد الكانت بتبكي😭😭 كان بعاين ليها وبشوفها وهي بتمسح دموعها 🙂... هو كان مستقرب انو البت دي عندها احساس يعني وبتبكي زي الناس العادين .. في نفس الوقت كان حاسي بتأنيب الضمير لانو خلاها تبكي .. كملو الطريق كدا لحدي وصلو ... وعد سرعة فتحت الباب من غير تقول ولا كلمة وجرت وهي بتمسح بقايا دموعها محل صحباتا كانو قاعدين... وضاح عاين ليها لحدي م وصلت مكان اصحابها ودور العربية وفااات✨

# كسرة
اجبرو الخواطر يا جماعة راعو للناس اكتر يعني ممكن حاجة انت تكون قلتها بمعنى الهزار او كدا لكن تجرح الزول التاني دا ويفضل يتزكرا سنين لي قدام  ويمكن م ينسى الكلام الانت قلتو على انو هزار  حياتو كلها يفضل مأثر فيهو  عشان كدا حاولوا هزاركم م يكون جارح م بكلمات تكون قاسية على السامعها 😊⁦❤️⁩

يتبع 🔥⁦❤️⁩👄⁦❤️⁩
ها كيف وانا واعظة وناصحة😭😭😂😭😭😭😂؟
ودعتكم الله🌚