القاسي احبها🖤

اهتمام

البارت العاشر🦇 ..

استغفرو ⁦☝🏽⁩
..........~~~~~~~~~~

يوم الرحلة .. في جامعة رينم .. واقفين في مكان وقوف الباص الماشي المزرعة ..
سماح : والله حماس
رنيم : اممم
ركبو كل الطلبة في الباص واتحركو .. بعد فترة  م قليلة وصلو المزرعة المقصودة.. نزلو واي واحد فيهو مشى مع شلتو وبدو فعاليات .. البلعبو طائرة ..  .. وفي ناس مسؤولين عن الاكل... وناس مسوولين عن الدي جي ... الهم كانو عبارة عن تجمعات. ..
في شلة وليد ..
وليد : ح امشي
صاحبو= ان شاء الله تحرجك بس 
وليد : ه تحرج منو انت م بتعرف وليد ولا كيف ..
وليد مشى للمكان الواقفه فيهو رنيم وسماح معاها مشى ووقف جنبها ..
وليد: رنيم ⁦☺️⁩
رنيم : نعم ..انت منو🤨
وليد : وليد ⁦☺️⁩
رنيم : طيب يعني داير شنو
وليد : دايرك😀
رنيم:نععععم
وليد : قصدي يعني نبقى أصحاب وكدا😀
رنيم : من وين لي وين نبقى أصحاب
وليد : باعتبار نحن زملاء وكدا😁
رنيم : عاينت ليهو من فوق لي تحت وجرت سماح من يدها ومشت خلتو🤭..
*صاحبنا داير يموت من الغيظ كييييف بت ترفض ليهو طلب وهي قايلة نفسها منو ووالله م اخليها ورجع لي شلتو وقال ليهم ماف حمار يفتح خشمو معاي وبقى يعاين لي رنيم بس😷😂..
سماح = واااشري احرجتي الولد لكن يستاهل وليد د اساسا قليل ادب وتافه ساي 😂👊..
رنيم : واشري في عينك د واحد حيوان ساي خلينا منو ارح ناكل انا خلاص حموت من الجوع
سماح : اي اي ارح ارح... مشو اكلو وقاعدين تحت شجرة كدة وبتونسو حسو بي ظل فوقهم رفعو راسهم لقوهو وليد ..
وليد : هاي
سماح ورنيم :😒🤨
وليد : انتي يا بتاعة انتي قايلة نفسك منو عشان ترفضي طلبي انا.. انتي ما عارفة انا منو😮
رنيم : دي مصيبة شنو دي ياربي يا ود الناس مالك انت عليك الله شوف ليك موضوع تاني 😒
وليد : انا الليلة م عندي موضوع غيرك لحدي ما توافقي تديني رقمك على الاقل ..
هنا رنيم عصبت بالجد وقامت عليهو .. انت واحد تافه وحيوان ومتخلف كمان د شنو العوارة البتعمل فيها دي ياخ امشي غور شوف تفاهة تانية .. وليد مسك رنيم من يدها وقال ليها بس انا عاجباني دي 😻.. طوالي رنيم لصقت ليهو كف في وشو لمن لف😂👊.. الولد اتحول وبقت عينو حمرا وظاهر على وشو انو عصصصب وخلاص ح يهجم عل رنيم ورنيم دي خلاص دايرة تموت من الخوف  وخلاص هو قرب عليها وهي ماشة لي ورا فجأة لقت حاجة وقفت قدامها بينها وبين وليد ..د كان ميكال طبعا😻💔💔.. ميكال عاين لي وليد كدااا وليد طوالي لملم باقي كرامتو ورجع لي شلتو التافهه زيو .. ميكال قبل لي رنيم= مالو معاك
رنيم : ماف شي
ميكال : كيف يعني ماف شي اديتي كف لي عمل ليك شنو
رنيم : قلت ماف شي بعدين انت الدخلك شنو اصلا
ميكال: مسح وشو بي يدو بي زهج .. استغفر الله العظيم يا بت الناس انتي لسانك د متبري منك ولا حاجة
رنيم : مالك بيهو شغلة امشي شوف شغلتك بي وين😁
ميكال : اساسا انا غلطان م كان مفروض اعبرك .. ومشى
سماح : يابت حرام عليك مالك معاهو اسا هو عمل ليك شنو ساعدك وخلى التافه داك يمشي
رنيم : ما طلبت منو يساعدني
سماح : 😀
رنيم : انا زهجت من ام الرحلة زاتو ياخ حنرجع متين
سماح : هناك شايفة الناس قاعد يلمو في الحاجات معناها راجعين ارح
✨✨✨✨✨✨✨✨✨✨✨✨
ميكال : بت ما ينفع معاها اي شي
وائل : ياتو بت اااا مالك جنيت بقيت تتكلم براك د الحب ولا كيف😉..
ميكال : عليك الله اتلهي حب في عينك⁦☺️😒
براك: طيب البت دي منو😉
ميكال : ام لسان رينم يعني حتيكون في غيرها منو معكنن لي يومي
وائل : اهااا رنيم قلت لي 😉
ميكال :😒
وائل: في شنو يعني مالا
ميكال: ماف شي ارح بس أساسا م كنت عايز اجي كلو بسببك انت قدامي...
ومشو ورجعو الخرطوم وكلو زول شتت بيتو وانتهى اليوم على كدا ..
✨✨✨✨✨✨✨✨✨✨✨✨
يوم جديد بالصباح في الجامعة  رنيم مستنية سماح جنب المسجد حق الجامعة عشان يطلعو مع بعض جات عليها بت لابسة كيف كيف وبتلك في اللبانة لابسة ليها اسكيرت اقل ما يقال عنو ضيق وشفاف وبلوزه قصيرة ونص كم وفاكه شعرها والميكب اووفر
البت : وهي بتلك في اللبانة: انتي رنيم
رنيم : اي في حاجة؟🤨
البت : اي صحبتك وقعت هناك واغمى عليها وما قادرين نصحيها
رنيم : شششنو وين هي وين اسا وديني ليها😭😱
البت : اي ارح معاي تعالي سرعة ..
رنيم بقت ماشة مع البت بس وما كانت منتبها هم ماشين وين اساسا لانو بالها كلو مع سماح والحاصل ليها لحدي م دخلو قاعة محاضرات كدا مهجورة ماف زول بستعملها قي الحامعة اساسا
رنيم= وين سماح وينا😟
البت عاينت لي رنيم بحقد ومع ضحكة خبثه وسرعة سرعة جرت بره وقفلت الباب بس ورها ..
رنيم يا دوب انتبهت هي وين بقت تصرخ وتنادي على البت لكن ما كان في رد وهنا خلاص الخوف اتمكن منها وبقت تدق الباب وتصرخ فجأه حست بي حركة وراها واتلفت وكانت الصدمة لمن شافت.....
بتبع 😁
ودعتكم الله 🐌✨