القاسي احبها🖤

ثم ماذا ...

ماذا ولا ببسي ؟🤨🤣🤣🤣🙂
المهم ..
******************* ******* *********
الجمعة المنتظرة .. الصباح في تمام الساعة السادسة صباحا.. منزل حاج محمود المتواضع  .. التجهيزات على قدم وساق علشان منو؟ المبجل ميكال عوض سيداتي سادتي .. وطبعا د كلو واقع في رنيم😂😂😂.. رنيم حاسة انها ممكن ترتكب جريمة من الصباح امها رنيم نضفي دا  .. رنيم اعملي د ميكال بحبو كان .. رنيم الصالون بخرتي؟؟ رنيم .... 
رنيم : يا الله😭😭😭😭😭 يا الله لي الزول دا بظهر لي من العدم كدا 😭😭لي بستمر يظهر في حياتي بالشكل دا 😭😭..
سعاد ( ام رنيم ) : رنيم ال..
رنيم:اي اي بخرتو يا ماما والله بخرتو😭😭😭
سعاد :طيب 🤨
رنيم : اخخ بس اخخ ميكال ميكال ميكال تقول جاينا رئيس دولة ولا حاجة ياخي استغفر الله 😡...
.. ... ...
رن ترن رن ...
محمود :يا سعاااد ميكال دا شكلو جا ..
سعاد :اي طيب امشي افتح الباب
رنيم : مشششمم😒 .
فتح الباب .. طبعا لازم سلام الملاكمة حق السودانين دااك والخطاب حق كيف ان شاء الله كويس الله يسلمك الله يبارك فيك الله يسلمك ....
2000 years later...
حاج محمود وميكال استقرو في الصالون ..وبدو الونسة..
محمود :والله كبرت يا ميكال ياخي .. خليتك شافع صغير ..
ميكال : ههههه السنين بتمشي سرعة لكن انت لسة شباب يا عمي ( كسير تلج شديد🧊)

محمود :اهههههههههههههه يا دو يا بكاش 😂😂  انا خلاص عجزت ..
ميكال :لالا ياه م تقول كدا لسة شباب
محمود : اها الشغل ماشي كيف معاك .. سمعت انكم مسكتو صفقة جديدة مع شركة ...
ميكال :اي ال....

.****** ********************
في المطبخ .. سعاد ل رنيم
سعاد :يا بت امشي ودي العصير د قلت ليك!
رنيم :ماما خلي وضاح يمشي انا لي امشي؟؟ لي ؟؟😭😭
سعاد :قلت ليك وضاح مرق التمرين  امشي يلا .. م صاح
رنيم :طيب رتاج..
سعاد :هه رتاج دايراها تصحى ليك اسي؟ امشي يا رنيم ياخي الله يرضى عليك خليني اتم الحلة دي ..
رنيم : طيب حاضر حااضر😭😭😭
رنيم to  رنيم ..
دي مصيبة شنو دي ما دايراهو يشوفني ياخي .. اسا لو قال لي ابوي بتك كبت فيني العصير ولا الف ليهو قصة😭😭   ماهو حقير ويعملا😭😭😭 ..... اوكي لقيت فكرة ...

🧸🧸🧸🧸🧸🧸🧸🧸🧸🧸🧸🧸🧸🧸🧸
في الصالون.. ميكال ومحمود بيتكلمو عادي ...
فجأة الباب دقة ..
محمود : اتفضل ...
جات داخلة حاجة كدا متلفلفة بحاجات كتير كدا بس رموشها ظاهرة ويدينها الشايلة بيهم صينية العصير 😭😭😭😭  .. دي كانت رنيم متلحفة بي التوب وغاتة بيهو وشها زي النينجا 😷 فهمتو مش؟😭😭😂  ..
رنيم :السلام عليكم..
محمود :رنيم ؟ مالك يا بت عاملة كدا ؟؟
رنيم : ااا نزلة نزلة .. مزكمة ما دايرة اعاديكم يا بابا
محمود : طيب سلامتك .. ختي العصير هنا قدام ميكال دا ..
رنيم : اها .. كويس😈..  
رنيم عملت نفسها بالتوب وفي لحظة العصير ادفق في ميكال 😂😂😂تاني😂😂😂 
محمود قام  على حيلو: يا ساتر يا ساتر.. يابت رنيم م تحاسبي ياخي دا كلام؟
رنيم :اسفة يا بابا التوب طويل😈😈😈😈
ميكال وهو بنفض في قميصو.. حصل خير حصل خير.. الحمام بوين بس اغسلو قبل ينشف.
محمود : انتظر.. رنيم وديهو غرفة وضاح خليهو يغسل في الحمام وطلعي ليهو ملابس من الدولاب..
ميكال: لالا ماف داعي والله بس بغسلهم بفوق فوق وبنشف سرعة
رنيم: بالضبط كدا ماف داعي 😏   
محمود : لالا كلامي يتسمع رنيم يلا خديهو فوق ..
رنيم : م هنا في حمام وو
محمود :رنيم😡 .. اسمعي الكلام
رنيم : اوففففف .. وعاينت لي ميكال كدا 😒  ارحح
ومشت أو بالاحرى جرت على السلم وميكال ماشي وراها لحدي غرفة وضاح .. دخلت الغرفة بعدين دخل ميكال ..
رنيم : الحمام هدا  خش غسل على بال م اطلع الملابس😒
ميكال: اوكي🤨
  رنيم بدت تفتش ليهو هدوم وهي  بتنقنق: غايتو ابوي دا اسا في داعي  .. الحمد لله بس .. دا الكان ناقص والله ... وقبلت عشان تخت الهدوم في السرير..لقت ميكال واقف بعاين ليها ..
رنيم : والله هو ... واااععععععع .. بسم الله الرحمن الرحيم  .. مالك يا ود الناس؟؟ خلعتني..😭
ميكال بس بقى يعاين ليها بنظرات غامضة 😭😭😭😂 ويقرب ويقرب .. ورنيم تبعد.. مشهد هندي بس اتخيلوهو😂😂😂😭😭😭  .. لحدي م مد ايدو  وشال التوب من وشها.. رنيم دي بتعاين كدا😳..
ميكال : ههههه انا زاتي قلت دلقت العصير واللامضة دي م غريبين علي..
رنيم : ....................
ميكال : سرحانة وين يا بطة 😏
رنيم : اخير ا فاقت .. بطة في عينك م تقول لي بطة دي تاني.. وبعدين ابعد كدا خليني امشي ..
ميكال زحا ليها ورنيم جرت مشت ...
ميكال  : عويرة ..😯
******   *********** **************
حان الآن موعد الفطور الجمعاوي السوداني .. كل الاسرة متجمعة في السفرة ما عدا وضاح لسة م رجع(جمعاوي دي من جمعة اا😁) ......
رتاج : هي مش انت الجيت المدرسة اليوم داك
ميكال:اي انا 😂😂
رتاج : wow لكن اديت المديرة دي كلام اسي رجعتنا وحاساها دايرة تجي تستسمحنا كمان😂😂😂
ميكال: 😂😂😂 م عملت شي والله😂😂😂😂
رتاج :م عملت شي كيف المديرة الحقي....
سعاد : 😒 ( تحميرت الام ديك😂😂😂)
رتاج :المديرة ديك قصدي قربت تموت من الخوف ..😪
ميكال:😅
رنيم : تكون خافت رئيس المدرسة يسألها لي فصلتيهم عشان كدا .. يعني م الا عشان كلامو هو😒
ميكال :😏
......  وضاح جا خاشي.. السلام عليكم.. كلهم :وعليكم السلام ..
محمود : وضاح تعال سلم على ميكال .. ميكال عوض صحبك الزمان داك تتذكرو؟ لمن كنتو ١١ تقريبا ...
وضاح :كيف م بتذكرو ياخي معقول .. ولف عشان يسلم عليهو ...
سلمو باليد  .. بعدين وضاح لمن   ركز فيهو اتذكرو.. اتذكر يوم شارع النيل لمن ضربو .. واتذكر هو عمل شنو ..
وضاح بصوت واطي :انت...
ميكال : 😉..
وضاح : .........
 
يتبع ...
ودعتكم الله🦋😙...

#كسرة
سؤال يحيرني يعني لي الاولاد م بنضفو البيت مثلا؟؟ يعني لي انا عشان بت مكتوب علي النضافة وغسيل العدة والامور دي ؟؟ عشان هو ولدوهو ولد بس بقى استثناء؟؟ لو نضف محل قاعد مكانتو العالية الرفيعة ح تتأثر؟؟  اقدم شكوى للزول البوزع المهام دي بين الرجل والمرأة..يا "سيدي" لانو بالتأكيد الخلق القانون دا رجل اين العدل انا لا اراه؟؟🌚💔