القاسي احبها🖤

الرابع عشر 💜

استغفرو ⁦☝🏼⁩✨....

~~~~~~~~~~~~~~~~~~~~~~~~~~~~
وقفنا لمن رتاج استحمت بالمنقة🤭
.. قبلت وراها ببطء .. وهي لسة في حالة صدمة ..
انتي متخلفة ولا حاجه د شنو العملتيه دا ؟؟؟😡
البت البلتها🤭= اوببس سوري م اخدت بالي انو في كائن قاعد هنا😏
رتاج = كائن.. كائن في عينك يا وهمية وكيف يعني م اخدتي بالك دايرة مشاكل صاح؟ مالك يابت 😡
ميار = انا شفتك وانتي بتكبي العصير لا كنت ما منتبها لا شي مالك يا سما دي شنو الحركات دي😏
سما = انتي اطلعي منها يا ميار انا كلامي مع الحاجة دي ( وعاينت لي رتاج نظرة دونية 😏😂😂😂)
رتاج = حاجة ؟؟ اوكي براك جنيتي على روحك Come here baby
وبدت الحرب شي شلاليت وشي جر شعر وميار دي دخلت وبقت تشلت وتعضعض ورتاج بس ماسكة ميار من شعرتها اللونها اصفر دي بييد 😂😂😂واليد التانية عافصة بيها وشها 😭😂😂وسما برضو ماسكة رتاج من شعرها وميار تخبت في ضهر البت والنبز شغااال😂😂⁦☝🏼⁩( الدنيا رمضان م بقولو🙊) لمن المدرسة كلها اتلمت فيهم 😂😂😂 واحد فكر يفك الشكلة ماف البشجع بشجع والبصور بصور والميت من الضحك( انا مع اخر تيم😂😂😂⁦🖐🏼⁩) ..
مؤمن وشلتو ماشين في اتجاه الكافتيريا بس شافو التجمع الجماهيري دا😂😂⁦
خالد ( واحد من الشلة ): اوبااااااا الحق دي شكلها شكلة ارحح نشجع 😂😂😀
لوئي : نشجع شنو يا متخلف 😡 دقيقة افتح الكاميرا دي بعدين نمشي😂😂😂⁦🖐🏼⁩( وانا قايلاك ⁦ عاقل😔)
مؤمن : ارح نكشف ⁦🏃🏽‍♂️⁩
... مؤمن وشلتو جو داخلين طبعا الناس زحت ليهم من الطريق عشان يخشو 😎 .. جو خاشين مع بعض ولا اكبر مافيا فيك يا دنيا😎 .. لقو رتاج فوق سما شغالة فيها خربيش وميار ماسكة سما من شعرها
مؤمن : رتاج 😳
خالد : هههه بتعرفها من وين الشرسة دي
مؤمن : اا لالا بتبقى لينا من بعيد بس
مؤمن مشا ومسك رتاج قوما من فوق سما الكانت منتهية ورتاج نهاااائي ما دايرة تخليها بقت تحاول تتفكى بأي طريقة من مؤمن عشان ترجع تكمل طحن في سما 😂😂😂😂
رتاج: فكني فكنيييي خليني انتهي منها التافهة دي
مؤمن : اكتر من كدا ؟؟ عايزة تقتليها يعني؟؟🙂
رتاج : ما ليك شغلة بي فكني قلت ليك 😤
مؤمن : ابيت😏
فجأة الناس سككت لي ؟؟ لانو كتمت😂😂... المديرة جات في نص الموضوع وبقت تعاين للوضع البت المرمية في الارض دايرة تموت وميار لسة ماسكاها من شعرها😂😂😂⁦ ومؤمن الماسك رتاج ورتاج البتشلت في الهوا عشان تتفك من مؤمن😂😂😂
المديرة : كلكم وراي على المكتب يلااا😡⁦☝🏼
( البس😏)
في المكتب ....
اقيفو هنا لحدي م استدعي اولياء اموركم 😡
مؤمن : اولياء شنو😳؟؟؟ لالا يا استاذة انا م😨..
المديرة : اسسس ولا كلمة لحدي م اولياء اموركم يجو😡
مؤمن : الله يرحمك يا مؤمن كنت طيب والله 🙂✨
رتاح : احححسن عشان تاني اقول ليك فكني تقول لي ابيت😛
مؤمن : ررتاجج احسسن ليك اختيني دا كلو بسببك اسا اسكتي مني بس 😡
رتاج : 😛😛😛
~~~~~~~~~~~~~~~~~~~~~~~~~~~~
العمورة .. بيت محمود ( محمدو د ابو ناس رنيم عارفاكم تشيطو😁)
حبوبة سيدة راقدة في السرير و وسعاد جنبها قاعدين بتونسو .. تلفون سعاد ضرب قطع ليهم ونستهم ..
سعاد : الوو يا محمود سلام عليكم
محمود : وعليكم السلام يا سعاد .. اسمعيني مديرة مدرسة رتاج اتصلت علي قبل شوية قالت لازم تجو المدرسة .. بتك عملت مصيبة جديدة🙂
سعاد : ووب علي انا البت دي حتقتلني يوم .. اها حتمشي؟؟
محمود : انا والله ما بقدر لانو عندي اجتماع مهم بعد ربع ساعة كدة .. امشي شوفيها عملت شنو
سعاد : م بقدر اخلي ماما سيدة براها انا يا محمود كمان
محمود : اها نسوي شنو المديرة دي قالت لازم زول يجي
سعاد : خلاس بكلم رنيم تمشي لانو وضاح الليلة قال برحع متأخر
محمود : خير يلا مع  السلامة
سعاد : مع السلام
حبوبة سيدة : خير يا بتي في شنو
سعاد : الخير حيجي من وين مع رتاج لكن
حبوبة : ههههههه البت دي ما نصيحة قلتا ليكم انا
سعاد : اصلا م نصيحة ... وشالت تلفونا واتصلت على رنيم ..
~~~~~~~~~~~~~~~~~~~~~~~~~~~~
في الجامعة
رنيم : الوو يا امي كيفك
سعاد : انا بخير الحمد لله .. رنيم اسمعيني انتي بتنتهي متين ؟
رنيم : خلاص خلصتا محاضرات جاية راجعة
سعاد : لا لا امشي شوفي اختك دي هببت شنو في المدرسة
رنيم : مصيبة جديدة اكيد🙂
سعاد : اي .. ضربو لي ابوك قال م بقدر يمشي عندو اجتماع وانا قاعدة مع حبويتك
رنيم : ووضاح د بعمل في شنو 😐
سعاد : وضاح م برجع اسا عارفاهو انتي .. امشي شوفيها عملت شنو
رنيم : حاضر يا امي بمشي. .... يلا مع السلامة
سماح : ماشة وين😮
رنيم : ماشة مدرسة رتاح اشوفها هببت شنو 😒
سماح : ارح ماشة معاك م عندي موضوع هيا بنا😁
رنيم : هيا بنا يختي😂
~~~~~~~~~~~~~~~~~~~~~~~~~~~~
في المدرسة
وقفين صف قدام المديرة والمديرة تشيل وتحمر ليهم وتاني ترجع تعاين في الورق القدامها😂 .. كانو مبهدلين ومنكوشين غايتو حالة..... ومؤمن كل دقيقة يحمر لي رتاج نظام انتي السبب ورتاج تطلع لهو لسانا😛😛
عند بوابة المدرسة .. سماح ورنيم وصلو كانو راكبين ركشة سماح نزلت ورنيم وقفة تحاسب بتاع الركشة .. في نفس الوقت وقفت سيارة برادو سوداء جنبهم .. رنيم لفت نظرها صوت فتح باب العربية .... التفتت ... لقت الطلع من العربية ميكال ... بقت تعاين كده 😳... وتتكلم مع نفسها .. دا الجابو هنا شنو 😳... بقا يطلع في أي حتى زي القدر .. سلاما قولا من رب رحيم 🙂
سماح : هيي سرحتي وين يا بت
رنيم : شفتو🙂
سماح : منو هو ؟😮
رنيم : ميكال
سماح : يحليلك يا رنيم بقيتي تتخيلي ميكال البجيبو هنا شنو يا بت ارح😂😂😂

رنيم دخلت لقتهم مترصين بالجنبة كدا .. حمرت لي رتاج وقعدت في الكرسي قدام المديرة وجنب ميكال الكان مديها ضهرو ..  وسماح قعدت في كرسي قصاد ناس رتاج وبقت تشاغل رتاج وتكاويها وتقول ليها الليييييلة اللييييلة 😛😂😂😂😂....
رنيم : خير يا استاذة عملو شنو
ميكال سمع صوت رنيم حساهو مألوف اتلفت وعاين ليها وهو مستغرب نظام انتي هنا بتعملي شنو وهي زاتا عاينت ليهو .. قعد يعاينو لبعض ( ربابيييي ربابي ربابي راابابييي😂😂😂)(م بقدر اخلى الموسيقى التصويرة دي معليش يشبب😂😂)

المديرة عاينت ليهم كدااا قالت :  احم انتو مافي اكبر منكم ولا شنو ويت الابو او الام
الاتنين اتلفتو عليها
رنيم : مشغولين والله اسا انا محلهم اختها الكبيرة في شنو؟؟
المديرة : وانت يا استاذ
ميكال (ببرود شديد): افتكر دي ما حاجة بتخصك طلبتي ولي امر واسا هو قدامك وياريت تنجزي في الكلام ما قدامي اليوم كلو انا( اخخخ براحة م كدا😂😂😂)
المديرة : احم اخوك يا استاذ دي م اول مرة يعمل مشاكل واساسا م قعد يحضر الحصص وحتى الاساتذة عندو معاهم مشاكل + عانو البت القاعدة هناك دي اي الوشها وارم دي رتاج العملت فيها  كدا يا استاذة ومؤمن ساعدا كمان
مؤمن : حيلك حيلك دا شنو الطلس دا انا ما.😀... سكت لانو ميكال حمر ليهو نظام اخرس😒😂😂😂
ميكال : اها وبعدين كدا خلاص؟
المديرة : اي وسوقو معاك لاني عاقبتهم بفصل اسبوع
رتاج : انا م عملت شي قلت ليك البت الوهمية دي هي ال ...
رنيم : رتاج اسكتي ... اسفة يا استاذة على تصرف اختي .. لكن انتي م حكيتي الحصل شنو يعني لحدي وصلو حتت الضرب دي
؟
المديرة : حيكون حصل شنو اكيد رتاج بدت وضربت البت المسكينة دي
رنيم : كيف يعني اكيد ؟ انتي سمعتيهم اول ؟
المديرة : م يحتاج انا بعرف رتاج ومؤمن وشغبهم
رنيم : رتاج تعالي
رتاج جات وقفت قدام رنيم
رنيم : احكي لي حصل شنو
رتاح : والله يا رنيم البت التافهة دي 😀هي..
رنيم : رتااج م تنبزي واتكلمي براحة  واحكي لي من لاول😐
رتاج : حاضر .. كنت قاعدة انا وميار وو.....حكت ليها كلل شي
رنيم : قبلت للمديرة... اختي م غلطت وما تستحق انك تعاقبيها  وحتى صحبتها بتدافع ليصحبتها كانت والبت ديك هي الغلطانة من الاول لي تكب فيها العصير وهي قاصدة + الولد كان بفصل بيناتهم احسن من الكانو واقفين يتفرجون ليه تعاقبيه بدون سبب؟؟😡( طبعا رنيم زعلانة   شديد لانها م بتحب الظلم خاصة لو كان واقع على زول من اهلها وحتى م بتحب زول يختا عليهم )
المديرة :  اخر الزمن شافعة جاية توريني اعمل شنو وما اعمل شنو وانتي واختك قليلات ادب واختك حتتفصل اسبوعين بدل واحد
رنيم عصبت شديد ووقفت عشان تتشاكل لقت ميكال وقف قبليها وقال ......

يتبع .....😂💜

رايكم شنو في الغلاف الجديد😁✨ اا؟؟؟؟؟

م تنسو تصوتو وتكتبو رايكم في البارت شجعوني شوية😐💜

ودعتكم الله⁦🏃🏽‍♀️⁩✨