من٩الى ه ( مكتمله )

🥂20/بدايه النهايه 🥂

نظر ادهم الى فاتن بمرح ولاحظ كيف كانت تتجنب النظر اليه فهو اليوم يشعر بالسعاده والمرح فعلاقته باليالى تحسنت جدا فهو عندما ذهب لاخدها من امام منزلها هذا الصباح نظر اليها باشتياق وقال لها : وحشتيني........

وكاد ان يغمى عليه عندما همست بصوت خجول وهى تدارى ابتسامتها الخجوله عنه قائله : وانت كمان وحشتنى

فلهذا هو يشعر اليوم بالسعاده فنظر الى فاتن بمكر قائلا : ازيك يا مدام فاتن وازاى الاستاذ محسن بقى كويس الحمد لله انهارده

اجابته فاتن باحراج وقد صارت حمراء اللون قائله : اه جدا حضرتك كويس جدا شكرا

سالها ادهم بفضول قائلا : هى ليالى قالت ايه بالضبط خلت محسن بيه تيجي له هستريا ضحك بالشكل ده يا فاتن؟؟؟؟؟؟

اجابته فاتن ضاحكه رغما عنها وهى تقول : حقيقى محسن من حقه يضحك بالشكل ده وعلى فكره لحد انهارده الصبح لما شاف صور الحفله فى المجله ضحك برضه حقيقى اللى عملته الانسه ليالى فى داليا هانم ودولت هانم مكنش شويه برضه يا مستر ادهم؟؟؟؟؟؟

نظر ادهم بفضول اليها قائلا : شوقتنيى جدا يا مدام فاتن....... !!!!!!؛

وظل ادهم يستمع الى ما تقوله فاتن عن ما قالته ليالى عن اهلها لداليا ودولت وهى تهددهم بساديه اهلها اللطفاء اصلا بعيون متسعه وعند الانتهاء اصابته هستريا ضحك هو الاخر حتى دمعت عيونه وشاركته فاتن لحظاته المرحه بسرور

وعندما تمالك نفسه اخيرا مضى الاوراق التى احضرتها له فاتن وتركها تمضى بعد تبادل الابتسامات المتسعه بينهم

🍷🎀🍷

فى الواحده قرر ادهم زياره الورشه ليسلم تصميمات ليالى والتى ظلت تحلم بها طوال عمرها الى سعد كبير الصنايعيه فى الورشه

واخبر سعد بالتزام السريه مما جعل الرجل يضحك بمرح وهو يقول له : من كتر الاسرار والتزام السريه فى المكان ده اليومين دول حاسس انى شغال فى جهاز مخابرات مش فى ورشه لتصنيع المجوهرات يا ادهم بيه

فضحك ادهم لكلامه وقال له بلطف هامسا : هانت باذن الله وكل حاجه حتكون بخير

نظر سعد للتصميمات باعجاب قائلا : تصميم الانسه ليالى صح؟؟؟؟؟

اجابه اادهم بدهشه قائلا : وعرفت منين يا عم سعد ؟؟؟؟؟

اجابه سعد بفخر قائلا : لانى بقالى فى الصنعه دى يجئ ثلاتين سنه وعارف ان كل مصمم بيكون له بصمه فى كل تصميم بيعمله بس حقيقى التصميم ده يشبه فى فخامته تصميمها الاول بتاع المسابقه حقيقى كان مبهر جدا

اجابه ادهم بلطف قائلا : عارف لو ليالى سمعت الكلام ده منك حتفرح قوى اصلها معجبه بيك جدا بس هى متعرفش انى اخدت التصميم ده من وراها علشان اعمله لها مفاجاه واقدمه ليها يوم جوزانا