هز عنيف لكتف ميساء جعلها تستيقظ من نومها العميق وهى تصيح بدهشه وهى تنظر الى ليالى التى ترتدى ملابس الخروج قائله : ايه اللخبطه دى بقى هو احنا الصبح ولا بالليل؟؟؟؟؟
اجابتها ليالى بغضب قائله : طبعا ما حضرتك مغيبه فى عالم الخيال اللى عايشه فيه بالنهار على النت بتحبى فى البشمهندس حسام
وبالليل عايشه فى مناجم الذهب والالماس وسيبانى انا اغرق فى المصايب لوحدى
اعتدلت ميساء فى سريرها ونظرت اليها بضيق قائلة : مصايب ايه على الصبح يا زفته انتى؟؟؟؟؟ مش سيادتك كنتى فى حفله مع اثرياء القوم امبارح بالليل و تلاقيكي اكلت من البوفبه الفاخر لحم النعام والغزال وشوربه الخيل يعنى الحاجات اللى بنسمع عنها بس
وما دقننهاش فى حياتنا كلها وسالت ليالى بلهفه قائله : احكى يا ليالى فعلا الاصناف دى كانت موجوده فى البوفيه؟؟؟؟وكان طعمها ايه؟؟؟؟؟
واكيد طبعا اكلتى منها يا بنت المحظوظه؟؟؟؟ وعلشان كده قايمه على الصبح فايقه جدا وعندك قوه كبيره وخرجتنى من قلب المنجم بتاعى بمنتهى العنف
نظرت ليالى اليها بحقد واجابتها باختناق قائلة : خلاص كده انا عرفت المصايب اللى كل شويه بتحط على دماغى بتجيء منين؟؟؟؟؟
نظرت ميساء اليها بفضول وسالتها قائله : منين يا ليالى؟؟؟؟ عرفت المكان؟؟؟؟؟
اجابته ليالى بسخريه قائله : اه طبعا عرفت من عنيك المدوره يا ميساء هانم
ردت ميساء عليها بحزن مصتنع قائلة : كده برضه يا لياليو انا ححسدك على لحم النعام والغزلان وشوربه الخيل والحفله الجنان اللى حضرتيها امبارح مع المز ادهم القاضى
صاحت ليالى برعب ما ان سمعت اسم ادهم وقالت لها بقلق : ايوه يا ميساء وصلنا للى انا عايزه اقوله ليكى ادهم القاضى اتجنن خلاص يا ميساء
اجابتها ميساء بسخريه قائله : لا حول ولا قوه الا بالله طبعا يا حبيبتى ده شئ كان متوقع مهو لازم يتجنن هو انتى تعرفيه بقلك اد ايه ده الطبيعى بتاعك هو انا بحلم بالمناجم من شويه يا اختى؟؟!؟؟؟
نظرت ليالى اليها بضيق وصاحت قائلة : بطلى هزار يا ميساء الموضوع بجد فعلا...................... امبارح بعد الحفله اتخانقنا مع بعض بس ايه خناقه محترمه جدا
قلنا فيها كل الاهانات لبعض بمنتهى الوقاحه وقله الادب
صاحت ميساء برعب قائله : يالهوي هى وصلت كمان للاهانات وقله الادب ها كملى وبعدين يا حبيبتى؟؟؟؟!!
شعرت ليالى بضيق للذكرى واكملت كلامها بضيق قائله : اه يا ميساء انا شتمت كل عائلته ماعدا جدته وابوه طبعا وقلت له انهم كلهم عقارب وتعابين وانفجرت فيه وقلت له رايى فيه بصراحه وانه بارد وسخن وعنده انفصام فى الشخصيه وطلبت منه ننفصل عن بعض ونلغى الجواز كمان وانى حاقدم استقالتى انهارده من الشغل علشان مش عايزه اشوف وشه تانى ابدا
أنت تقرأ
من٩الى ه ( مكتمله )
Humorمن 9الى 5 ده يبقى مواعيد العمل الرسميه فى شركه الماس العالميه لتجاره الحلى والمجوهرات وخلال تلك الساعات يحدث الكثير بين افراد المؤسسه صراعات مؤمرات مشاكل وانتقامات ولكن وسط تلك الارض الملغمه يضرب كيوبيد سهم الحب وفى ليله الاحتفال بعيده يتم تتويج...
