فى صباح اليوم التالى لحادثه ادهم ركبت ليالى السياره مع ادهم للذهاب للشركه كالمعتاد
واستمعت طول الوقت لكلامه الوقح وتهديداته الخارجه عن المالوف فى قلق ممتزج بالاثاره
وعرفت ان الشخصيه الوقحه تمكنت من الاستيلاء على جسد ادهم وقامت بالتخلص من شخصيه ادهم ابن الذوات المؤدب اللطيف للابد
وكم اغاظها بشده شفاء عينه السريع تاركا اثرا داكنا خفيفا اضاف عليه وسامه محببه
ولكن الشئ المؤكد فى كلامه بان هذا اليوم هو يومها الاخير لها فى العمل قبل الزواح به
فاليوم هو الاخير من شهر يناير وتبقى فقط اربعه عشره يوما فقط على موعد زفافهم المقرر عقده فى الرابع عشر من الشهر القادم وهو يوم عيد الحب
صاحت ليالى بتذمر وهى تنظر لادهم قائلة : وانا حاعمل ايه فى البيت كل الوقت ده لحد معاد الفرح يا ادهم؟؟؟؟؟؟
اجابها ادهم ساخرا : اعملى زى كل العرائس مبتعمل يا حبيبتى ............. اعملى ماسكات لشعرك لوشك اتسوقى واشترى هدوم بيت مغريه وحلوه تعجبنى او روحى شقتنا شوفى ناويه تعملى ايه فيها ؟؟؟؟.............. اظن انك لم تنسى الشغل ومشاكله و تبدئي تهتمى بترتيبات جوازنا شويه حتعرفى ان ال 14 يوم دول ولا حاجه اصلا................ وانك عايزه زيهم كمان علشان تعملى كل اللى وراكى وتخلصى كل حاجه قبل يوم الفرح
سالته ليالى بلطف قائلة : طيب توضيب الشقه مش حيزعج جدتك وخصوصا انى حاغير مكان العفش وده حيعمل ازعاج كبير لها ودوشه عاليه قوى
اجابها ادهم مبتسما بمرح قائلا : اعملى ازعاج براحتك خالص يا حبيبتى........ لان انهارده اخر يوم لاشجان هانم فى شقتنا بابا انهارده راجع من السفر خلاص............. وبالليل حتقعد العائله كلها مع بعضها علشان ننهى كل حاجه ونخلص بقى من المشاكل والمكايد نهائيا قبل ما نبدا انا وانتى حياتنا الجديده مع بعض
سالته ليالى بفضول قائلة : وجدتك حتستحمل تقعد معاهم اليومين دول فى الفيلا لحد مايمشوا منها يا ادهم؟؟؟؟؟؟!
اجابها ادهم مطمئنا اياها قائلا : لا ما هما كمان اخر يوم ليهم فى الفيلا انهارده وحيمشوا علطول بعد الاجتماع الاخير......... لان اشجان هانم من اول الاسبوع ده وهى عطيتهم انذار باخلاء الفيلا لانها مش عايزه تشوف وشهم فيها وهما وافقوا طبعا غصب عنهم وفهمت من منيره مديره البيت انهم اخدو حاجتهم فعلا فاضل بس حاجات بسيطه حياخدوها انهارده وهما ماشيين
تنهدت ليالى بارتياح قائلة : يعنى كل الامور استقرت تقريبا فى بيتكم خلاص يا ادهم؟؟؟؟؟!
اجابها ادهم ساخرا : اه تقريبا بس لسه الحدث الاهم و المواجهه الكبرى حتبقى الليله وخصوصا انهم بيحاولوا ياثروه على بابا علشان يقف معاهم................. بس طبعا بيحلموا لانه هو كمان مصدوم منهم ومش مصدق لحد دلوقتى اللى عملوا مع اشجان هانم ومعاكى......؟؟؟!!!
أنت تقرأ
من٩الى ه ( مكتمله )
Humorمن 9الى 5 ده يبقى مواعيد العمل الرسميه فى شركه الماس العالميه لتجاره الحلى والمجوهرات وخلال تلك الساعات يحدث الكثير بين افراد المؤسسه صراعات مؤمرات مشاكل وانتقامات ولكن وسط تلك الارض الملغمه يضرب كيوبيد سهم الحب وفى ليله الاحتفال بعيده يتم تتويج...
