نطقت ليالى بهدوء قائله : انا عندى المكان المناسب ليكى يا اشجان هانم ومتوفر فيه كل المواصفات اللى قال عليها الدكتور بالضبط
سالها ادهم بدهشه قائلا : فين المكان ده يا ليالى؟؟؟؟؟
اجابته ليالى بثقه قائلة : ايه رايكم فى شقه الزوجيه بتاعتنا مكانها رائع وبتطل على البحر وكمان بعيد عن كل الضغوط النفسيه اللى فى الفيلا
نظرت اشجان اليهم بحرج قائله : لا طبعا انا ممكن اخد جناح كبير فى اى اوتيل وكمان علشان الخدمه والنظافه والاكل اكيد حيكون افضل من الشقه بتاعتكم.........
ابتسمت ليالى لها بلطف قائله : بس انتى من خمس دقائق بس رفضتى الفكره وقلتى مش حبقى مرتاحه فى الاوتيل .......
هز ادهم راسه مؤمنا على كلام ليالى قائلا : فعلا يا جدتى ليالى عندها حق الشقه فعلا حل مناسب جدا لحالتك وانا كمان حقعد معاكى فيها
اجابته اشجان معترضه قائله : بس دى شقه الزوجيه بتاعتكم وانتم فرحكم قرب وكمان صالح كلها اسبوعين ويجئ وانتم اكيد عايزين توضبو شقتكم قبل معاد الفرح بتاعكم
ابتسمت ليالى لها بلطف قائلة : على فكره احنا اشترينا فعلا اوضه نوم جديده وفرشناها كمان وانا حغير اماكن العفش بس هو ده كل اللى حيتعمل فى الشقه وده ممكن يحصل فى يوم او يومين قبل الفرح بالكتير قوى ووقتها حتكونى خفيتى ورجعتى شغلك كمان
نظرت اشجان اليها معترضه وهى تقول : طيب والاكل والنظافه حنعمل فيهم ايه؟؟؟؟؟؟
اجابتها ليالى بمرح قائله : بالنسبه للاكل حيكون ابسط حاجه فى القصه دى كلها
لان حضرتك حتكونى هدف فى المنافسه بين اشطر طبخاتين عندنا في العيله هما خالتو عواطف وطنط ثريا اللى حيعلموا كام صنف كل كام يوم وكل اللى عليكى انك تختارى عايزه ايه منهم ونحطهم فى المايكرويف ويتاكلو علطول
واكمل ادهم كلام ليالى مقترحا : اما بالنسبه للنظافه انا حخلى منيره تجيب الشغالين ينظفوا الشقه مرتين فى الاسبوع
واكملت ليالى كلامه مكمله بمرح قائله : وان كان على التسليه انا حعمل لحضرتك برنامح مكون من افراد عائلتى اللطيفه اللى حيحبوا قوى انهم يقعدوا معاكى لما ادهم ينزل الشغل وتبقى قاعده لوحدك
وانا واثقه انهم حيكونوا السبب فى شفائك السريع ورجوعك بسرعه للعمل وهروبك من الشقه كمان
ضحك الجميع بمرح وابتسمت اشجان لليالى وهمست لها بحنان : انت فعلا جوهره حقيقه يا ليالى
فابتسمت ليالى بفرح لكلامها الحنون
ولكن الابتسامه اختفت من على وجهها عندما استعادت اشجان صيغه ربه العمل وسالتها بفضول قائله : ودلوقتى نرجع لشغلنا المهم يا انسه ليالى ممكن بقى تشرحى لى ازاى سعر المجوهرات حيكون رخيص كده زى ماقلتى عن سعرها فى الاعلان وكده حتكون التكلفه اكثر من ثمنها يعنى حيكون نصيب الشركه خساره مش ربح لينا ابدا
أنت تقرأ
من٩الى ه ( مكتمله )
Humorمن 9الى 5 ده يبقى مواعيد العمل الرسميه فى شركه الماس العالميه لتجاره الحلى والمجوهرات وخلال تلك الساعات يحدث الكثير بين افراد المؤسسه صراعات مؤمرات مشاكل وانتقامات ولكن وسط تلك الارض الملغمه يضرب كيوبيد سهم الحب وفى ليله الاحتفال بعيده يتم تتويج...
