THE REINCARNATION OF THE PROPHETIC TWINS

CHAPTER 49

WHO ARE YOU?

PRINCE GLENN'S P.O.V

Nandito kami ngayon ni Kuya Rhys sa Holder Class at hinihintay pa ang mga bagong makakasama namin sa aming klase.

"Woi! Babe!" Sigaw ng isang babaeng naka-agaw ng aking pansin, at nang lumingon ako ay nakita ko ang isang babaeng naka-pony tail ang buhok, may pabilog at may kaliitang muka, may matangos na ilong, at pointed na baba, na nakasuot ng white na dress at boots. Hindi ako pweding magka-mali na si Nirvana nga ito ang babaeng unang nagpatibok sa puso ko– ang anak ng Duke sa kaharian nila Kuya Rhys.

Ginantihan ko naman siya ng pagkaway bilang pagtugon sa kanyang pagtawag pansin sa amin, lumapit naman ito agad saakin at tinapik ang aking balikat.

"Aba, Prince Glenn lumaki ata ang katawan mo ah. Grabe ka siguro kung mag-work out ano?" Nakangiting saad nito saakin habang tinatapik tapik ang aking balikat.

"Hindi naman."  Nahihiyang saad ko naman dito habang kinakamot ang batok ko. Gusto ko lang i-flex mga muscle ko na pinagtrabauhan ko ng matagal, pagdating talaga sa babe kong 'to tiklo pagiging snob ko.

"Oh babe bakit wala kang kibo riyan?" Biglang saad naman ni Nirvana kay Kuya Rhys, akala niyo ba ako sinasabihan ni Nirvana nang babe? Hiling ko nga na sana ako na lang iyon pero gaya nang narinig niyo si Kuya Rhys ang tinawag niyang babe, dahil fiancè niya lang naman si Kuya Rhys at isa pa hindi niya naman alam na may gusto ako sa kanya dahil nga torpe ako, 'di ko maamin ang tunay kong nararamdaman para sa kanya.

"Tss bakit ba kasi sinusundan mo ako hanggang dito? Pwede ka namang mag-aral na lang sa mundo ng mga tao tutal naroon naman ang iyong ama." Walang ganang sagot ni Kuya Rhys. Hays ang hirap makita na yung taong mahal mo binabasura lang ng iba – paano ko nasabing binabasura lang ni Kuya Rhys si Nirvana? Noong mga bata pa lang kami mga seven years old siguro ay hinabol-habol na ni Nirvana si Kuya Rhys, kaso si Kuya Rhys lagi niyang inaayawan si Nirvana. Kung magtatanong naman kayo kung paano sila naging mag-fiancè ay hindi namin alam, basta isang araw bigla na lang sinabi ni Nirvana sa amin na fiancè na raw niya si Kuya Rhys at tagos sa buto yung sakit noong nalaman ko 'yon.

"Ihh! Ayaw ko ng umuwi roon, may mga ala-alang ayaw ko nang balikan doon, pero 'di ka ba masaya na makakasama mo sa iisang paaralan ang mapapangasawa mo?" Nakangiting tanong ni Nirvana kay Kuya Rhys. Binigyan lang naman ni Kuya Rhys ng nakakatamad na itsura si Nirvana, What the heck? Ang ganda kaya kapag ngumingiti si Nirvana tapos bibigyan niya lang ng ganitong itsura hays.

"Alam mo naman ang sagot ko, Nirvana." Walang ganang saad ni Kuya Rhys kay Nirvana, What the — bakit 'di na lang kasi ako Nirvana?

"Hays bakit 'di ka pa kasi umamin hindi yung nagkakaganyan ka Glenn." Sabat bigla ni Reflection, ang aking Hold being.

"Aba himala sumagot ka yata ngayon?" Tanong ko dito dahil suplado at ' di pasalita ang hold being na ito, pero ngayon biglang sumsabat.

"Hay bahala ka nga riyan!" Inis na saad niya sabay putol ng Telecom saakin, Tss bastos.

"Bakit ka ba ganito sa akin?! Ginagawa ko naman ang lahat para magustuhan mo ako Rhys!" Galit na sigaw nito dahilan para mapunta sa amin ang tingin ng mga Fantasian.

"Nirvana ikalma mo ang sarili mo, pinag-titinginan na tayo." Sabat ko naman para kumalma at tahimik si Nirvana, pero bigla namang sinagot ni Kuya Rhys si Nirvana.

"Alam mo na ang sagot diyan." Walang ganang sagot ni Kuya Rhys kay Nirvana dahilan para mapaiyak si Nirvana, What the — lagi na lang ganito. Ang hirap makita yung taong mahal mo na umiiyak dahil sinasaktan ng iba, hays wala man lang akong magawa para mapagaan ang nararamdaman niya.