THE REINCARNATION OF THE PROPHETIC TWINS

CHAPTER 6

GENDERLESS...

AURELIA'S P.O.V

Makalipas ang Isang linggo na itinanim ko ang mga binhi ng purgatoryo na ibinigay sa akin ng Supreme Dea Justo, naging isang magandang halaman na ngayon ito, may mayabong na mga dahon na rin ito at may dalawang bubot ng bulaklak o yung bulaklak na hindi pa bumubuka, pero alam kong ilang oras na lang ay bubula na ito at magkakaroon na ako ng kambal.

Masaya ko lang pinagmasdan ang bubot na bulaklak dahil parang isang maliit na adromeda ang aking nakikita, siyempre nasasabik na rin akong tuluyang bumuka, hays kaytagal kong pinangarap na maging ina, ngunit dahil sa tungkulin na ibinigay sa akin ay mas pinili kong maging mag-isa, at isa pa, iisa lang ang Fantasian na nasa puso ko, ang nag-iisang lalaking nagpatibok ng puso ko.

Biglang Nagdilim ang buong lupain ng Floresta Encantada, Ang bayang pinamumunuan ko. Nagsanhi ito ng pangamba sa aking nasasakupan, dahil alam nilang imposibleng magkaroon ng bagyo o simpleng ulan dito sa Floresta Encantada dahil sa pananggalang ginawad ng Deus Ficcar Terro at ng Sampong Anciaos Santos sa lupaing ito.

Biglang may nakakabinging kulog at nakasisilaw na kidlat ang gumuguhit sa kalangitan, sinabayan din ito ng napakalakas na ulan at hangin na tila ba'y makatatangay isang tahanan.

Nagsigawan ang lahat, kaya naman gumamit na ako TeleCom upang ipaalam sa lahat ang nangyayari at pakalmahin sila gamit ang pakikipag usap sa isip.

"Aking mga mamayan, huwag kayong mabahala dahil ang bagyong ito ay basbas ng Deus Mar Fluindo ang Deus ng tubig at Deus Relampago ang Deus ng Kulog at Kidlat sa aking mga anak, at isa din itong tanda na ano mang oras ay isisilang na sila. Ito ang sinabing palatandaan sa akin ng Supreme Dea Justo, na ang basbas ng dalawang Deus ang magiging tanda na nalalapit na ang kanilang pagsilang." Paliwanag ko sa aking nasasakupan, pangiti naman ako sa isiping ano mang oras ay magiging isa na akong ina.

Kaya naman kumalma na ang aking mamayan at nagsibalik sa kanilang kanya-kanyang mga tahanan upang sumilong at hintayin ang pagsilang ng aking mga anak.

FLASH BACK~

Tatalong araw bago ang pag-ulan na sinamahan ng kulog at kidlat sa Floresta Encantada...

Gabi noon at mahimbing na ang aking tulog aking tahanan nang biglang may napakakasilaw na liwanag ang nagpagising sa akin.

Nagmulat naman ako ng mata at tumayo ng makita ko sa aking harapan ang Supreme Dea Justo.

"Ano pong ginagawa nyo dito, mahal na Supreme Dea Justo?" Tanong ko sa Dea habang pinupunas-punas pa ang aking mga mata.

"Naparito ako upang sabihin sa'yo ang mga palatandaan ng pagsilang ng iyong mga anak Aurelia." Malumanay na saad ng Supreme Dea Justo sa akin, bigla ko namang naramdaman ang pagkasabik.

"Ah, ganoon po ba? Ano naman po ang mga magiging palatandaan ng kanilang pagsilang mahal na Supreme Dea?" Tanong ko naman sa Supreme Dea, sakto namang bukas ang bintana at kitang-kita ko ang nagnining-ning na halaman ng purgatoryo, ngitian ko naman ito.

"Kapag may bubot ng bulakalak sa halaman, at biglang kumulog at kumidlat na sinabayan ng napakalakas na ulan ay iyon na ang palatandaan na ano mang oras ay isisilang na ang magkapatid." Saad naman sa akin ng Supreme Dea Justo na kinabahala ko dahil siguradong magdudulot iyon ng pangamba sa mamayan ng Floresta Encantada.

"Bakit na man po uulan na sinamahan ng kulog at kidlat, hindi po ba napaka imposibleng pumasok ang isang bagyo sa aming lugar dahil sa basbas ng Deus Fecar Terro? At baka maging sanhi po ito ng pagkabahala sa mga nasasakupan ko." Nag-aalalang saad ko naman sa Supreme Dea, hays baka magkagulo pa kapag ganon ang nangyari.