Fleurs du mal | بالدارجة المغربية [مكتملة]

•• الجزء الثاني ••

سؤال ثاني تبادر لذهنو و خلاه يعقد حجبانو بإنزعاج: كيفاش ممكن قريبة بزاف و فنفس الوقت بعيدة كثر مما كايتخيل؟
استحالة الإجابة على هاد السؤال خلاتو يرجع خطوة للور ساد معاه الباب!

قفزات من بلاصتها فاش سمعات صوت الباب اللي تسد بانفعال مفيّقها من شرودها، دارت ما بانليها حد... ردات البال لقميصها المتسخ ناضت بعدها توجهات لإحدى الغرف فاش علماتها المساعدة باللي قرّب وقت العشاء.
•••
طاولة طويلة مصنوعة من خشب البوبينگا ذات شكل كلاسيكي محطوطين فوقها أطباق كثيرة و متنوعة التقديم كاتنباعث منها روائح و نسائِم شهيّة، قنينات الشاپّوتييه مونييه Chapoutier Monier للخمر الفرنسي الفاخر موضوعة فالجناب بالإضافة لمزهريات زجاجية رقيقة طويلة فيها أزهار بيضاء للزّينة و شمعدانات هازين شموع متباينة الحجم ضفاو الدفء على هاد التجمع السنوي للعائلة و الأصحاب.

جلسات السيدة سارا في مُقدمة الطاولة في حين يمينها بقا خاوي، أما باقي الحاضرين تفرّقو على بقية المقاعد وهما كادويو في شتى المواضيع، شافت السيدة سارا على يمينها و للساعة الحائطية الدائرية ذات الإطار الذهبي...

شافت للدكتور لويك اللي جالس حدى ختو آگنيس كا يشوف جيهة الدروج دورات راسها للنقطة اللي متبع بانتليها أوديلا نازلة بخطوات تابثة بفستانها الترابي اللون الطويل و انضمت للطاولة بعدما ألقت تحية قصيرة تبّعات ليها إيماءة خفيفة و ابتسامة أخفّ، قبل ما تجلس بهدوء على يمين السيدة سارا اللي حنحنات وشافت في الحاضرين بابتسامتها المعتادة و قالت مادّة يدها لشقيقتها اللي جالسة على يسارها و بعدها لأوديلاّ...

السيدة سارا: أش بانليكم نبداو بصلاة الشُكر ؟

بدات بعدها كاتردّد الصلاة بتخشّع...

السيدة سارا : Bénissez-nous, Seigneur, bénissez ce repas, ceux qui l'ont préparé, et procurez du pain à ceux qui n'en ont pas ! Ainsi soit-il !
( بارِكنا يا رب، بارِك هذه الوجبة، و باِرك من أعدّوها، و ارزق النعمة لمن هو محروم منها ! آمين !)

الكل كان سادين عينيهم مركزين و متخشعين، إلا هو اللي استغل هاد الوقت باش يتأمل ملامحها الهادئة على خاطرو... الحاجة الوحيدة اللي كاتستاهل يشكر عليها الإله بكل جوارحو فهاد اللحظة هي كونهم تحت نفس السقف و كونو جالس مقابل معها.