احببته متكبرا

البارت الرابع

البارت الرابع
(احببته متكبرا)
نور لحياه : هوا في ايه اي اللي بيحصل دا
حياه باستغراب : مش عارفه والله بس اكيد في حد سرق طالما في تفتيش
نور: لما يخلصوا اكيد هنعرف ...
بعد مافتشوا المدرج وجيه الدور علي نور
حياه للدكتوره : هو ممكن افهم في اي
الدكتوره : اهدي وهتفهمي لما نخلص
جت تفتش حياه ملقتش حاجه بتفتح الشنطه كااانت المفاجاه ....
في الشركه في مكتب جاسر :
سكرتيرة ادهم بتدق الباب
جاسر: اتفضل
السكرتيره حنان : مستر جاسر حضرتك انا هقدم استقالتي
جاسر باستفسار : اي اسبابك ي آنسه حنان
حنان: حضرتك لاني مخطوبه وفرحي قرب وخطيبي رافض اني اشتغل بعد الجواز
جاسر: طيب انا ممكن اكلمه اقنعه انك تكملي معانا لان صعب نلاقي حد في اجتهادك وشطارتك
حنان : اولا ميرسي علي الشهاده دي بس لا ي مستر جاسر انا كمان تعبت من الشغل والافضل اني اخد بالي من بيتي وجوزي
جاسر بقلة حيله : اللي يريحك ممكن تتفضلي تروحي لمحاسب الشركه هتاخدي مكافئتك وربنا معاكي
حنان : ميرسي مستر جاسر
جاسر محتار لان مش هيلاقي في شطارتها ولو لقي هتاخد وقت تتعلم الشغل فقرر يكلم ادهم علي الموبايل ......
ادهم : اي يزفت عايز اي علي الصبح كدا
جاسر: ههه يجدع احترمني شويه عيب دانا قد ابوك حتي
ادهم : هه خفه اخلص يبني
جاسر: انت فين ؟!
ادهم : في البيت بلبس ورايح الجامعه
جاسر : عايزك في موضوع هعدي عليك في الكليه ماشي
ادهم : اشطاات هستناك هناك بس بقولك اتاخر شويه كدا
جاسر بضحك : لي يشبح هتعمل اي
ادهم : انجز اقفل عشان مش فايقلك ع الصبح
جاسر محاول استفزازه  : هههه ماشي يحبيبي سلا...
ادهم قفل في وشه وكمل لبس ونزل
حسام والد ادهم : ادهم استني عايزك في موضوع مهم
ادهم : خيير
حسام : تعالي اقعد بس مش هاخرك
ادهم : قعدت اهو ي بابا في اي
حسام : بقولك امك واختك هينزلو مصر بعد اسبوع
ادهم بغضب : انا للمره الالف اقولك دي مش امي انا امي ماتت في اللحظه اللي سابتني فيها
حسام بحزن : يبني انسي بقي عشان تعرف تعيش
ادهم وقد سيطر عليه الغضب: انسي اي ولا اي انسي ان هيا كانت بتضربني وبتحبسني في اوضه ضالمه لحد ماخلتني قاسي ولا انسي ان هيا سابتنا ومشت في وقت كنت محتاج حنانها انسي ان هيا السبب اني بكره الصنف كله ولا انسي اني كنت ماسك رجليها وقت ماكانت بتمشي انت ازاي تقولي انسي انا لااا يمكن اسامحها حتي بعد انت ما رجعتها واتجوزتوا تاني اخدت بنتها وسافرت بقالها ١٨ سنه فهمني لي قررت ترجع دلوقتي هيا اكتر واحده بكرهها علي وجه الارض
حسام والدموع في عينيه علي الحاله اللي ابنه وصلها بسببها : رجعتها لاني فكرت انها اتغيرت وهتحبك وهتبقي حنينه عليك والله اعلم حالة اختك معاها
ادهم :اللي زي دي مستحيل تتغير وبنتها  مش اختي انا مليش عيله غيرك 
انا رايح الشغل وياريت سيرة الهانم دي متجيش في البيت دا
حسام يحزن ربنا يهديك يابني
عند بطلتناا
حياه بصدمه :اي داااا؟! وايه اللي وصل الساعه دي شنطتي
ايمن وهو يدعي الغضب: كلنا لازم نسالك السؤال دا
اي اللي وصل ساعه دكتور ادهم في شنطتك دكتور ادهم مقدم بلاغ باختفاء ساعته الدهب اللي هيا كانت في شنطة حضرتك ممكن تشرحيلنا ازاي دا حصل ؟!!!!!!
حياه ومازالت مصدومه : بجد انا معرفش ازاي دا حصل اكيد دا سوء تفاهم انا لاا يمكن اسرق
ايمن : تعالي اتفضلي علي مكتبي
في نفس الوقت دخل ادهم
ايمن بابتسامة نصر : دكتور ادهم عرفنا مين اللي اخد الساعه بتاعت حضرتك اتفضل علي مكتبي وانا جاي وراك
بعد ما دخلو التلاته المكتب
ايمن لحياه : هااا قوليلي لي سرقتي الساعه
حياه بدموع : انا ماخدتش حاجه والله اكيد دا سوء تفاهم
ادهم اتعصب لما شاف دموعها
ادهم بصوت عالي : ممكن تطلع وتسيبنا لوحدنا حاالا
ايمن بخوف : ط...طبعا
ايمن خرج وفضلوا لوحدهم
.......
بقلم: فاطمة الزهراء