احببته متكبرا

البارت العشرين

اياد : مهو مينفعش تشوفني معاكم اول مره خليها تكون باسلوبي وغمزلها ومشي
الهام بفحيح افعي : بايله شاطر وهيلعبها صح..
في اللحظه دي دخلت فاطمه : هوا مين يماما اللي هيلعبها صح
الهام اتخضت وبصتلها حاولت تغير الموضوع : اي يحبيبتي انتي جيتي امتا
فاطمه وهيا داخله : لسه جايه اهو
الهام : طيب تعالي سلمي علي صحبتي...ابتسام
فاطمه : هاااي ازيك ياانطي
ابتسام وهيا بتسلم عليها : بنتك بقت عروسه يالومي
الهام : هههههه مش اوي كدا يابوسي دانا لسه في عز شبابي خليتي بنتي عروسه
فاطمه استاذنت لانها كانت فاصله من جامعتها ومكنتش اصلا شايفه قدامها
وفضلوا هما يتكلموا .....
تاني يوم
فاطمه نازله ع السلم شافت مامتها بتفطر
فاطمه : good morning mun
الهام بابتسامه : حبيبتي good morning تعالي افطري معايا
فاطمه :حااضر
الهام بتفكير وخبث : انتي لابسه دا ليه ؟!وشاورت علي التشيرت الرياضي
فاطمه وهيا بتبلع : اوووو نوو نسيت اقولك هروح النهارده اقضي اليوم في النادي
الهام :ماشي يحبيبتي
وفاطمه خلصت وراحت النادي وقعدت مع صحابها

فاطمه لاحدي صديقاتها : هروح اجيب عصير وجايه
رنا بعدم اهتمام: تمم
فاطمه جابت ولسه بتدير فخبطت في حد ووقعت العصير ع الشخص اللي قدامها
فاطمه بخضه :ohnoooo I'm sorry
اياد : لا مفيش حاجه عادي ولا يهمك
فاطمه باستغراب : ايه دا انت مصري
اياد وهوا بيمسح العصير بابتسامه : ايوا يستي مصري
فاطمه بابتسامه : وانا كمان مصريه بس عيشت هنا فرصه سعيده
اياد بضحك وبيبص ع القميص بتاعه: هيا مش سعيده اوي يعني
فاطمه بخجل : امممم
اياد : طيب انا عندي فكره
فاطمه بتركيز : ايه
اياد : انك تطلبيلي عصير وتقعدي معايا شويه ودا اعتبره اعتذار ايه رايك
فاطمه : شوور دقيقه هطلبلنا عصير واجيلك

وقعدوا يتكلموا واتعرفوا علي بعض واخدته عرفته علي صحباتها  وطبعا هو مقلهااش انه يعرف مامتها
واتفقوا انهم يتقابلوا تاني ....
بعد حوالي شهر ولم يخلوا من مقابلاتهم واهتمامه بيها في مره رن عليها متاخر.....
فاطمه بصوت نائم: الو دا وقت حد يرن علي حد فيه
اياد بصوت جد : انزلي تحت بسرعه عايزك
فاطمه باستغراب وبدات تتعدل : ليه في اي
بس اياد قفل فقررت تنزل تشوف في ايه
وهيا نازله من ع السلالم خايفه اووي لان النور كله مطفي وحست بحاجه غريبه لان دايما بيسيبو النور ...
فجاه لقت صوت عالي فصوتت والنور كله قااد مره واحده
اياد : Surprise
فاطمه فتحت عينها اللي قفلتها اول ما سمعت صوت لقت مامتها وصحابها وناس اول مره تشوفهم وفي النص اياد لابس بدله والبيت كله متزين
اياد طلع مسك ايديها ونزلها : ايه رايك في المفاجاه دي
فاطمه مش بترد لسه مصدومه من اللي بيحصل وقالت : اقرصني
اياد باستغراب : ?what
فاطمه بسرحان : ازغط بط ياخويا
ايااد بصوت عالي نسبيا : فااااطماااه انتي بتقووولي ايه
فاطمه بخضه : ايييه مابرااحه ايه دااااا عاااااا
اياد : اي يبنتي في ايه
فاطمه وهيا بتبص حواليها : اي دا كله
اياد وهوا بيصفر وفي الوقت دا كل الموجودين وقفوا حواليهم وصوت موسيقي بدا يملا المكان
اياد نزل علي ركبته
وقال بابتسامه : تقبلي تتجوزيني ؟!
فاطمه في اللحظه دي دموعها بدات تنزل وهزت راسها بمعني انها موافقه
اياد وقف وهوا بيضحك والكل بيسقف ولبسها الخااتم
وكملوا الحفله و اليوم عدا وطبعا اليوم مسلمش من نظرات الحقد وعيون مليانه كره
وكالعاده فاطمه طلعت كتبت مذكراتها اللي مش بتفارقها من صغرها وكتبت قد ايه هيا فرحاانه وحاسه ان الدنيا مش سايعاها بس هيا حاسه ان مش دا الاحساس اللي كانت بتقراه ولا حاسه بالامان وهيا معاه يمكن اتعودت علي وجوده مش اكتر
وخلصت وناامت ....
مر اسبوع ولم ينفذ من مكالماتهم وخروجاتهم  ....
في مره كانو متفقين انهم يخرجوا بس هيا رنت عليه وقالتله انها تعبانه ومش هتقدر تنزل النهارده وعرفت انه في البيت بس في الحقيقه ان اليوم دا عيدميلاده وهوا كان قايلها انه عمره مااحتفل بيه فحبت تعمله مفاجاه وحضرت الهديه ولبست فستان واصل للركبه هو متفتح وعمره ما علق علي لبسهاا
وصلت البيت ولسه طالعه لقت باب الشقه مفتوح استغربت بس مفكرتش كتير ودخلت بتتسحب ومره واحده وقفت مصدومه وقالت لنفسها : الصوت دا مش غريب عليا
وقربت ع الاوضه اللي طلع منها الصوت وتفاجئت من رنا صحبتها وهيا بتتكلم معاه ..
رنا : بس انا مش فاهمه طالما مبتحبهااش ليه بتعمل كدا متقوليش انها شهوه ههههه
ايااد بضحكات شر : اومال انتي موجوده ليه تؤ تؤ انتي تعرفي دي مين
واكمل :دي ابوها واخوها اغني اغنياء مصر ورغم انهم بعاد عن بعض بس ابوها مش ناسيها فاتحلها حساب في البنك مبيخلص منه الفلوس هااا برايك هستفاد ايه منها ههههه
بس مقولتليش انتي ليه بتساعديني من اول ماشوفتك في النادي مع ان عرفتك انك اقرب واحده ليها وبتحكيلك علي كل صغيره في حياتها وليه عرفتيني ماضيها كله
رنا بعيون ملياانه شر وحقد: طول عمرها رقم وتحد في كل حاجه الاولي دايما ع الكليه حاولت كتير اقلدها في المذاكره بس عمري ما وصلت للي هيا وصلتله دايما معاها فلوس ومبتخلصش وباخد منها فلوس كتير ومحدش بيلاحظ اصلا انهم قلوا عندها كل حاجه انا بتمناها وقربت عليه بشهوه وقالت : حتي انت عيني عليك من قبل ماتتقابلو كنت بشوفك في البار بس عمرك ماخدت بالك مني حاولت معاك ان الفت انتباهك ومكنش في طريقه غير كدا وبكدا ادمرها واحصل عليك ...عصفورين بحجر وااحد
كل دا وهيا عيونها مش راضيه تبطل تنزل دموع وعقلها مش قاادر يفكر وقلبها في وجع اقسمت انه لو طلع بصوت لاصبحت الارض صمااء من قوة الوجع الذي يحمله
جت تتحرك لورا بس وقعت فازا رنا واياد انتبهوا للصوت
وطلعوا لقوها واقفه و الدموع علي خدها
فعرفوا انها عرفت كل حاجه
ولسه جايه تمشي محتسش غير بقبضه وقعت علي راسها واغمي عليها وكانت الضربه من رنا ...
اياد بصدمه:؟!!!!
بقلم : فاطمة الزهراء