احببته متكبرا

البارت السابع

ادهم بصوت عالي :اتفضلي ي آنسه
حياه بخوف : حا...حاضر ب..بس متت...متتعصبش ممكن
ادهم حس بخوفها : طيب هديت اهو اقعدي هنا
بعد ما قعدت قدامه
حط رجل علي رجل بتكبر
ادهم : اظن كان اتفاقنا انك تسمعي كلامي وتنفذيه عشان مسجنكيش
حياه : اه في اي ؟!
ادهم : انتي تعتبري الاولي علي دفعتك يعني مستواكي ممتاز وكل اللي في الجامعه عارفينك انك متميزه
حياه بغرور: ايوا طبعا يبني انت مفكرني اي هيييح بس لي بتقول كدا ؟
ادهم بضحك : تبا لغرورك
دي كانت اول مره تشوفه بيضحك فسرحت في ضحكته
ادهم انتبه لدا فحب يكسفها: انا عارف اني حلو بس مش للدرجادي
حياه بعد ماانتبهت لنفسها : احم حضرتك عايز اي مني بردو
ادهم بجديه : عايزك سكرتيرتي في شركتي
حياه بصدمه: عايزني اي ؟!!!!!
ادهم : سكرتيييره
حياه بعصبيه : وانا مش موافقه انا لسه بدرس ومش بفكر في الشغل مش معني اني وافقت علي طلبك اني اكون مساعده اني كدا هسمحلك انك تتحكم في حياتي
ادهم باللامبالاه : انا قولت اللي عندي ودا امر
حياه : مش موافقه واعمل اللي تعمله
ادهم : بس هتحطي في بالك لو رفضتي اخواتك الاتنين هيترفدو من شغلهم ويقعدو جمب امك يواسوها علي حسرتها علي بنتها المسجونه
ادهم بعد ما وقف : هدمر حياتكم فاهمه تقدري تتفضلي
حياه بعصبيه ووقفت قدامه : انا مش فاهمه ...انت يستحيل تكون بني ادم زينا جايب القسوه والانانيه دي كلها منين انا بقرف منك وبكرهك ولاخر يوم في عمري هفضل اكرهك
مشت من عنده وهيا بتعيط
بس مفيش في ايديها حل غير انها توافق راحت قعدت علي النيل شويه ودا مكانها كل ماتضايق تروح تعيط عشان تستعيد طاقتها....
ادهم لاحد رجالته : حياه احمد المنشاوي ...دا تعرفلي عنها كل حاجه من يوم مااتولدت لحد دلوقتي وتراقبها
.....: حاضر يافندم تؤمر بحاجه تانيه
ادهم شاورله بايده بمعني اخرج
في المساء
نور : الو حيااه هااا خلصتي
حياه : ايوا يلا اطلعي
نور راحت لحياه البيت
نور : ازيك ياطنط
وفاء : كويسه والله يابنتي تعالي ادخلي
حياه: تدخل فين احنا يادوب نلحق
نور : اه والله ياطنط مره تانيه
وفاء : ماشي ياحبيبتي وتبقوا تكلموني اول ماتوصلوا
الاتنين في نفس واحد:
حاضر
(كانت حياه لابسه فستان احمر قصير لحد الرقبه كدا وكان ضيق ونور فستان طويل بس قط لتحت الرقبه بشويه لونه مسترده)
وراحوا الحفله كانت في بيت ريما كانو كل صحاب ريما الوحشين هناك
والغريب ان هناك خمرا وبيشربوا عادي
نور بخوف : حياه انا مش مطمنه
حياه بتحاول تطمنها : متخافيش احنا اصلا مش هنتاخر
حياه : نور استني هنا هكلم ماما وراجعه
نور : تمام بس متتاخريش
حياه راحت تكلم مامتها
في مكان بعيد عن الدوشه....
ونور واقفه خايفه لقت اللي حاطط ايده علي كتفها اترعبت
جاسر : اهدي اهدي داانا محصلش حاجه
نور : في اي يبني ادم انت حد يخوف حد كدا دانا كنت قطعت النفس
جاسر : هههههه طالما بتخافي كدا لي جايه بارتي زي دي ياقطه
نور : عشان صاحبة البارتي دي صحبتي
جاسر بصدمه : انتي تعرفيها !!
نور : ااه بس مش بطيقها
جاسر : دي مش سهله ياريت تتجنبيها خاالص
نور مستفهمه : لي هيا بتعمل اي
جاسر مرتبكا : لا...ولا حاجه المهم هتشربي اي
نور : ولا حاجه مش عايزه شكرا
جاسر : طيب ممكن بقا افهم انتي كنتي بتعيطي ليه امبارح علي البحر انتي مشيتي بسرعه ومتكلمتيش
نور بتوتر ملحوظ : لا مفيش دي كانت مشاكل في البيت فاتضايقت
جاسر: متاكده
نور : ااه
جاسر : طيب ممكن نكون صحااب لو معندكيش مانع
نور : طبعا دا يشرفني
وفضلوا يتكلموا......
عند حياه بعد ماخلصت مع مامتها
لقت حد حط منديل علي مناخيرها وفجاه اغمي عليها.....
احد رجالة ادهم شوقي : ايوا ياباشا في حد طلع بيها من البارتي وباين مغمي عليها
ادهم مستفهم : طيب راح فين
شوقي : هوا ركب عربيه وماشي علي طريق ..... بس هوا شايلها والولد دا مش مظبوط
ادهم وقد بان عليه القلق : خليك وراهم وانا جاي ......
عند حياه فاقت لقت نفسها مربوطه في اوضه مهجوره
حياه بخوف : مين هناااا فكوووووني
دخل حد من الباب
....... : اميرتي صحت
حياه بخوف واضح : انت مين وليه رابطني كدا وجيت هنا ازاي
....... : اهدي يا اميرتي بس اي الجماال دا كله يخربيتك ههههه المهم انا طارق اللي معاكي في الجامعه الصراحه عيني عليكي من يوم ماشوفتك ودخلتي دماغي اكتر لما جيب اتكلم معاكي ولما غلطت معاكي في الكلام ضربتيني بالقلم وسط الجامعه كلها فاكره
حياه بشجاعه مزيفه : ايوا افتكرت ولو رجع الزمن هديك بالجزمه فوق راسك مش قلم بس لانك حقير
طيب ياسي طارق جايبني هنا لي اوعي تفكر اني هخاف منك لاعاش ولا كان اللي يخوفني
طارق : هههه دانتي لسانك طول وبقيتي تخربشي بس وربي لا ندمك علي كل كلمه قولتيها
ولسه هيضربها لقي اللي اداله بوكس في وشه
ادهم : دي مش رجوله لما تاخد بنت كدا وتعوز تضربها
طارق : وانت مين بقااا الا تكون حبيبها وهيا عامله فيها دور المحترمه
في اللحظه دي انقض ادهم عليه كانه فريسه لاسد جعاان
حياه بعيااط : كفايه هيموت في ايدك
تدخل شوقي واخده من ايده
ادهم لشوقي : خده سلمه للشرطه
شوقي : امرك يباشا
شوقي مشي ومعاه طارق
ادهم راح يفك حياه واول مافكها جرت في حضنه
حياه وهيا بتعيط كانها طفل : انا كنت خاايفه اووي منه دا....ك..كان هيضربني
ادهم بحنان : شششش اهدي محصلش حاجه ومحدش يقدر يلمس شعره منك
في اللحظه دي حست حياه بالاحراج وخرجت من حضنه
حياه بخجل : بس انت عرفت مكاني ازاي
ادهم بارتباك : امممم....كنت معدي من هنا وسمعت صوت فدخلت اشوف في ايه
حياه : طيب وانت ليه معدي من هنا دا مكان مهجور !!!
ادهم محاول التهرب : ممكن تبطلي اسئله ونمشي
بس قبل مايمشي خد باله من الفستان
ادهم بعصبيه : اي الزفت اللي لابساه دا
حياه بغباء : اي ماله وحش
ادهم بغضب اكبر : مش شايفه انه ضيق ولا عاجبك اللي حصلك دا
حياه : اولا مالكش دعوه بلبسي او حياتي وانا البس اللي يعجبني
ادهم مسك دراعها جاامد ولفه ورا ضهرها
ادهم بصوت واطي وحده: قايلك قبل كدا صوتك ميعلاش ودي اخر مره الفستان دا يتلبس او حد يشوفك بيه
حياه بتوتر من قربه ووجع : ااااه ايدي سيبني بقااا
ادهم بصوت عالي : سمعتي انا قولت اي
حياه بخوف : ا...ايواا سمعت
ادهم سابهاا وركبوا العربيه
عند جاسر ونور
نور : هااا لقيتها
جاسر : لا والله دورت في كل حته ملقتهااش بس لي حاسس اني شايف البنت اللي في الصوره دي قبل كدا
نور : مش وقته الكلام دا هتكون راحت فين وكمان مش بترد علي موبيلها
جاسر : طيب حاولي تاني
في اللحظه دي والدة حياه كانت بترن علي نور
نور بخوف : الو ايوا ياطنط
وفاء : ايوا يانور هيا فين حياه
نور بكذب : اممم...راحت تجيب حاجه نشربها تيجي
وفاء بقلق : مش عارفه قلبي قلقان عليها ليه طيب يحبيبتي لما تيجي خليها تكلمني
نور بتوتر: حاضر ياطنط
نور بتحاول ترن علي حياه فردت عليها
نور بتسرع : حياااه انتي فييين واتاخرتي كدا ليه كل دا عشان تكلمي مامتك لفيت عليكي المكان كله وملقتكيش و...
حياه : بااااااس انا جايه اهو وهحكيلك كل اللي حصل
نور بدموع : طيب متتاخريش هستنااكي
حياهو: ماشي يحبيبي خلاص خمس دقايق واوصل
بعد ماانهت
ادهم : ....
بقلم :فاطمة الزهراء