احببته متكبرا

البارت التاسع

حياه بشجاعه مزيفه : عايزه اشتغل
شهااب بغضب : ودا لي بقاا ألا يكون مش قادرين نصرف عليكي
حياه : انت ازااي تفكر كدا أنا أصلا مش عايزه اشتغل عشان فلوس انا هشتغل عشان أنا عايزه كدا
خالد بهدوء: طيب مفيش شغل غير لما تخلصي جامعتك
حياه باستفزاز : انا اصلا قدمت عليه واتقبلت ازاي هرفض
شهاب بزعيق : يعني انتي كمان جايه تبلغينا مش تاخدي موافقتنا
خالد : بصي يبت انتي مفيش شغل وورقك يرجع تاني
حياه بزعيق : انا مش هسحب حاجه وهشتغل برضاكم او من غصب عنكم
في اللحظه دي لقت قلم نزل علي وشها من مامتها
وفاء بتحذير : أول وآخر مره تكلمي اخواتك بالطريقه دي دا الظاهر اني دلعتك زياده  وطالما قالو مفيش زفت يعني مفيش سامعه
حياه والدموع علي خدها جرت برا وخرجت في الشارع وفضلت تعيط لان دي تعتبر اول مره مامتها تضربها وكل دا بسبب ادهم
في الوقت دا نور رنت عليها
نور : حياه صحيتي ولا لسه
حياه بنبرة عياط : انا تحت في الشارع بصي هروح اقعد ع البحر لحد ماتجهزي وتعاليلي هناك
نور بقلق : طيب صوتك ماله
حياه : لما اشوفك هحكيلك
نور : ماشي يحبيبتي مش هتاخر عليكي.....
ادهم بعد ماكلمها افتكر كلام باباه فاتخنق وفضل يفكر ازاي هيقابلها بعد مادمرت حياتهم
فوقف بالعربيه جمب البحر شويه...
كانت حياه بتعيط بحرقه علي اللي حصلها بسببه وبتقسم في نفسها لتنتقم منه علي كل الاذي اللي قدمهولها
شافها وهيا بتبكي فحصله نغزه في قلبه فنزل بدون تفكير عشان يشوف مالها وراح عندها
ادهم : حياااه
حياه وهيا بتبص علي مصدر الصوت: انت؟!!!
ادهم اتصدم لما شاف شكلها وانها كانت منهاره
حياه بزعيق: انت اي اللي جابك كل مشاكلي ووجعي دلوقتي بسببك من يوم ماشوفتك وانا مشوفتش يوم كويس ...
انت عارف اول مره ماما تضربني بسببك انا بكرهك ساامعني بكرهككك ومش طايقه اشوف وشك امشي من قدااامي امشييييي ووهيا بتزقه اتكعبلت ووقعت في حضنه
ادهم بحنان: شششش انا آسف
حياه بين عياطها :اب...ع...د عني ا..انا م..مش م...سا...محا..ك انا بكك..رهك(ابعد عني انا مش مسامحاك انا بكرهك)
دقايق وفاقت لنفسها وان هيا في حضنه
حياه بغضب زقته : قولتلك متقربش عليا اي معندكش دم مش كفايه القهره اللي انا فيها بسببك وبسبب غرورك انت بجد عاله ع المجتمع
ادهم وخلاص فقد اعصابه مسكها من دراعها جاامد: هو انتي يبت محدش عارف يلمك انا اللي غلطان اني اتاسفتلك وانتي تستاهلي كل اللي بيحصلك ولو رجع الزمن هوجعك اكتر
حياه : ااه سيب دراعي وجعني
ادهم سابها وكان ماشي بس لفلها وقالها : فاضل يوم وتكوني في شركتي وهعرف اعلمك الادب ي حلوه وابتسملها باستفزاز
حياه لنفسها : والله لانتقم منك ياادهم ياشافعي
وركب عربيته وساق وهوا متعصب
ادهم لنفسه : غبي انت ازاي تتاسف ليها دي متساويش حاااجه ازااي خلاتك يحصل فيك كدا فووق... وفضل يعاتب نفسه
وبعدها جت نور
نور : حيااه في اي صوتك كان ماله وليه عينك منفخه كدا
حياه حكتلها اللي حصل
نور : طيب هوا هيستفاد اي هموت واعرف
حياه اتنهدت : مش مهم بقاا يلا بينا عشان اتاخرنا
وراحوا الكليه وخلصوا اليوم
وهما مروحين شافوا جاسر
جاسر : ازيكوا يابنات
حياه : وانت مالك
جاسر : مش بسالك انتي هوا انتي معتبره نفسك بنت لسمحالله
حياه : انا بنت غصب ع...
نور حطت ايدها علي بوق حياه : بس اسكتي حصل خير
حياه : انتي مش شايفاه بيقول اي
نور : مهو كان بيتكلم بالذوق وانتي اللي بداتي
جاسر : ياخلاصي ع العقل وغمزلها
حياه : متبصش لصحبتي كدا يااض الا والله  عينك اللي بتغمز بيها ماهتلاقيها
نور بضحك: كفايه مش قادره هتموتوني
جاسر بحنيه : بعيد الشر عنك انشالله هيا وشاور علي حياه
حياه لسه هترد وتشتم نور قاطعتها:
طيب حضرتك عايز اي
جاسر بجديه : ممكن تيجي معايا
حياه : ودا ليه ان شاء الله
جاسر : هوا حد كلمك
حياه :دي صحبتي واللي يخصها يخصني
نور : خلاص ياحياه روحي انتي وانا هاجي وراكي

حياه بتافف : ماشي انا ماشيه يلا سلام ولو البأف دا عمل حاجه تضايقك رني عليا وخمس دقايق وهكون عندك
نور :ههه ماشي يحبيبي يلا باااي
بعد ماحياه مشت
نور بجديه : هااحضرتك عايز اي
جاسر : طيب ممكن نقعد في كافيه عشان نعرف نتكلم
نور: تمام تعالي في كافيه قريب من هنا ....
جاسر: كنت برن عليكي امبارح بالليل مردتيش ليه ؟!
نور بتهرب : ك..كنت نايمه
جاسر : لا طبعا بتكذبي اكيد يعني ملحقتيش تنامي في المده دي انتي مخبيه اي ؟
في الوقت دا نور افتكرت اللي حصل فعيونها اتملت بالدموع
جاسر :ممكن اعرف الدموع دي سببها اي
نور فعلا كانت محتاجه تحكي لحد وحست بحنانه عليها : طيب بس بلاش حد يعرف
جاسر : هاا سامعك
نور :انا اهلي صعايده بس لما بابا جيه يشتغل هنا شاف ماما وحبها وهيا حبته اووي ولما حب انه يتقدملها جدي رفض فهوا خالفه واتقدملها ويوم فرحهم ابوه جه وقاله انا غضبان عليك من اللحظه دي ومشي هوا وعمامي رجعوا الصعيد طبعا بابا فضل متضايق ولما عرف ان ماما حامل فيا قرر انه هيرجع الصعيد ويعيش هناك وماما مرضتش تعارضه عشان متكسرش فرحته ولما جدي عرف انها حامل فرح جدا وسامحه بس مكنش حد طايق وجود ماما ومفكرين انها هيا اللي اخدته منهم وفضلت معاهم في مشاكل دايمه لحد ماجيه معاد الولاده واتولدت هناك ولما عرفوا اني بنت قرروا لما اكبر هتجوز ابن عمي ودي تعتبر عادات لو متجوزتش لازم اتجوز ابن عمي وطبعا ماما وقفتلهم وموافقتش وقررت انها هترجع هنا ومش هتفضل في الصعيد وجدي قرر انهم يمشوا وبابا كان متضايق من ماما ولما رجعوا هنا بدات معاملته تتغير معاها وبدا يهينها وطول عمره بيعاملني بقسوه لانه كان يتمني ولد يشيل اسمه ولما كبرت بابا كلمهم تاني وقال انه مستعد يجوزني لابن عمي وجدي سامحه وعمي وابنه جايين بكرا عشان يشوفوني وانا خاايفه اووي كل دا وهيا دموعها علي خدها
جاسر بحنان : طيب ممكن تهدي وان شاء الله هتتحل متخافيش وانا هساعدك والله
نور : انا خايفه من بكرا اووي وانا اسفه لو كنت ضايقتك واخدت من وقتك
جاسر : وقتي كله ليكي اقصد لا ولا يهمك
نور بصتله وسرحت في عيونه وهوا كذلك وبعد وقت
.....: تطلب اي يفندم
الاتنين اتخضوا وارتبكوا
جاسر : اتنين قهوه
وقعدوا يتكلمو شويه وشربوا القهوه ووصلها ....
عند حياه لما وصلت البيت
دخلت بصمت ودي كانت اول مره تكون هاديه كدا معاهم وفاء لما شافتها بصتلها بعتاب ودخلت اوضتها
فاتنهدت ودخلت هيا التانيه اوضتها فشويه لقت الباب بيدق
حياه : اتفضل
خالد : اي يا يويو مالك زحلااانه ولا اي ؟!
حياه بضحك : اااه زحلاانه اووي ياخويااا
خالد بجديه : طيب هوا حد يتكلم مع اخواته الاكبر منه كدا
في الوقت دا دخلهم شهاب : اي ضااه في اجتمااع من غيري يااخااينين بتخوني ياوااد مع اختشي
خالد :ياخي اتلهي وتعالي نشوف اختك المكتئبه دي
شهااب: لا انا سحلان منها
خالد بكوميديا : انت اي لمؤاخذه ياخويا
شهاب مد شفايفه : سحلاااان
حياه بضحك : بس بس انتو الاتنين
شهاب : ههه ضحكت
خالد: يعني قلبها ماال
وشغلو الاغنيه دي وفضلو يرقصوا وحدفوا بعض بالمخدات
فامهم سمعت الاصوات فطلعت تجري بخوف فبصت من فتحت الباب لاقتهم بيضحكوا ويرقصوا فضحكت
فشافتها حياه فراحتلها وحضنتها : انا آسفه يماما
وفاء بدموع انا اللي اسفه يروح ماما دي اول مره امد ايدي عليكي
خالد وشهاب مع بعض : ماكفاايه محن بجاااا
وفضلوا يضحكوا
حياه ببراءه: طيب اطلب طلب
خالد: انا موافق يروحي عليه
شهاب : وانا كمان يسطااا
حياه بفرحه : بجد
وفاء : طالما خواتك موافقين يبقا وانا كمان معنديش مانع
حياه فرحت اووي وفضلوا طول الليل يضحكوا ويهزروا وتاره تانيه يزعقوا ويضربوا بعض
عند بطلنا روح بيته فسمع صوت بيكره يسمعه
..... : مبسووطه اني شوفتك بعد السنين دي ياا...ها ابن جوزي
ادهم بصدمه:....
بقلم: فاطمة الزهراء