بالفندق
فتح عيونه بصدمة، واهو يشوفها منهاره تحته، توه يستوعب اهو شقاعد يسوي، شلون يسوي فيها جذي، يبي يخوفها منه، يبي يخليها تخاف منه من اول ليلة لهم
قام بسرعه ومسك ايدها: ريماس
ضمت نفسها بخوف، ودموعها تنزل
ضمها بقوه له: اسف اسف حبيبتي، اسف
دفنت ويهها بصدره واهي تبجي، كانت حيل خايفه، ومن هجم عليها خافت أكثر
سعود: اشش خلاص قلبي اسف لا تخافين
رفعت رأسها وللحين الدموع بعيونها
رق قلبه حيل ولام نفسه، مسك ويهها بايده وباس راسها: اسف حبيبتي، صدقيني م قدرت اقاومج، بس مستحيل اغصبج ع شي
ريماس همست: سعود اخاف
ضمها: اشش قلبي لا تخافين، خلاص م راح اسوي شي
ريماس بندم، يمكن ردة فعلها تزعله، واهي تدري ان هذا حقه: ااا سعود لا تزعل انا.....
سعود قاطعها: حبيبتي والله مو زعلان، مستحيل ازعل منج ادري انا الغلطان م خليت لج فرصه تستوعبين
ريماس ارتاحت حيل ودفنت ويهها بصدره وتشهق بخفيف، وتحس بحيا منه من ردة فعلها وتصرفها
قعد يبوس شعرها وأهو يردد بهمس: اسف اسف حبيبتي، خلاص لا تخافين اشش
حس بانفاسها انتظمت، ودرا انها نامت، مددها بحنان ع السرير وباس راسها، قعد يتأمل ملامحها الحلوه واهو يلعب بشعرها، بعدها لف ايده ع خصرها ونام واهو قريب منها
الصباح
ببيت الفارس
( بيت مكون من دور واحد، مرتب ونظيف حيل، لان فارس يحب يشوف كل شي نظيف>> عسكري موو،، وبالبيت حديقة كبيره فيها كل أنواع النباتات)
فزت من النوم، واهي تشوف الساعة ٧، شهقت بقوه واهي تنط ع اختها التوأم اللي معاها بنفس الغرفه: لمى لموووي قومي
لمى تحركت بانزعاج: اففف شتبين
سما بخوف: قومي الساعه ٧، الحين فارس راح يرد
لمى بدون اهتمام: افف شنو يعني الواحد م يرتاح بنومه حتى بالعطلة
سما: قومي بسرعه، انا بروح اجهز الريوق
طلعت سما، ولمى ردت تنام ومو هامها شي
سما دشت المطبخ، وسوت بيض بالخضار، وقعدت تسوي شاي وقهوة،
ارتجفت واهي تسمع صوته الجدي: صباح الخير
لفت عليه: صباح النور اخوي
فارس عقد حواجبه: لمى ويين
سما ارتبكت: ااا راحت تسبح وراح تيي الحين
هز راسه وراح يبدل ملابسه، وسما راحت بسرعه غرفتهم، وشهقت: لمووه قوومي فارس يسأل عنج
لمى فزت: شنوو
سما خايفة: والله بسرعه، قلتله انج تتسبحين
قامت لمى ودشت الحمام بسرعه، وسما طلعت تشوف القهوه
لمى بدلت ملابسها، وطلعت واهي م تشوف الدرب من النوم اللي بعيونها، وفجأة شهقت: هئ
فارس عقد حواجبه: شنو م تشوفين
لمى خافت وباست راسه: اسفه م انتبهت لك
فارس رفع حاجب: شنو هذا
لمى خافت واهي تطالع المكان اللي يأشر عليه، وشافت اكياس شيبس طايحه من سهرتها امس ع الفيلم: هاا
فارس بجدية: لمى
لمى ارتجفت: كنت قاعده هني ونسيت اشيلهم
فارس بعصبية: مابي اشوف جذي مره ثانيه
لمى هزت راسها: إن شاء الله، راحت بسرعه ورتبت المكان ونظفته وبعدها ركضت المطبخ وقلبها يدق قووه من الخوف
سما اخترعت: هئ شفييج شفيج
لمى واهي تشرب الماي: اففف اخوج شنو رعب
سما: هههههه شسوا لج
لمى واهي تقعد: تصدقين امس قطيت الزباله بالصاله لاني مو قادره اشوف من النوم واهو صادني
سما شهقت: هئ حلفي، مو انا قايله لج امس
لمى: افف خلاص سمووه، يلا خلصتي
سما طالعتها بنص عين: شيلي الصحون والقهوه والبيض، علما أجهز الشاي
لمى واهي تقوم بكسل: اووكي
