يوم الجمعة
عرررس دانة وفارس
ـــــــــــــــــــــــــــــــــــــــــــــــــــــــــــــــــــــــــــ
الصباح
ببيت البدر
بجناح دانة
قامت من النوم واهي تمسح ع ويهها من الحلم اللي شافته، بلعت ريجها بخوف وتوتر من الايام اليايه
أخذت نفس عميق، وقامت دشت تاخذ شاور، ولبستنزلت تحت شافت خالها ورفيف قاعدين يفطرون، ابتسمت راح تفقدهم حيل: صباح الخير
هاني بابتسامة: صباح النور يالعروس
رفيف قامت بحماس وحضنتها: عمتو دانة انتي اليوم عروس
دانة باستها: ايه حبيبتي
هاني ابتسم ومسك ايدها: تعالي فطري
قعدت معاهم واهي تسمع سوالفهم وتبتسم، تحس نفسها بمكان غير وبعيد، معاهم بس بالجسد
قطع عليها حبل أفكارها، صوت فونها، شالته بابتسامة: هلا نهال
نهال: احنا بالطريج انا ورزان يايين لج
دانة: أوكي حبيبتي، ناطرتكم، سدت الفون
هاني: بتطلعين من الحين
دانة: ايه بخلص جم شغله، وبعدها بروح الصالون
هاني بحنان: الله يوفقج حبيبتيببيت الفارس
الكل قام بحماس، واهم حيل مستانسين بهاليوم
سمعوا الجرس وراحت لمى تفتح الباب: هلا عمتوو
طيف: صباح الخير، شلونكم
قعدوا يسولفون وبعدها طيف راحت غرفة فارس، طقت الباب ودشت: فارس قايم
فارس: ايه عمتي دشي
دشت وقعدت يمه: الحمدلله اني شفت هاليوم، شفتك معرس
فارس ابتسم لها بهدوء
طيف: يا ليت امك وابوك معانا يشوفون هاليوم
فارس: الله يرحمهم
طيف: آمين يارب، فارس مثل م تدري انت راح تصير بذمتك مرة، واهي بعد مثلك م عندها ام ولا ابو، صج ابوها للحين عايش بس مو يمها، عشان جذي م ابيك تظلمها معاك
فارس ساكت ويسمعها
طيف: دانة طيبه وتستاهل كل خير، وانت بعد
فارس: إن شاء الله عمتي
قامت طيف بابتسامة وباست راسه: الله يوفقكم يارببالليل
الكل كان جاهز، وكاشخ ومتحمسين لعرس فارس ودانة
راحوا الكل القاعة بعد م جهزوا نفسهمبالقاعة
تحديداً _ بغرفة العروس
كانت قاعده وتحس برجفه بكل جسمها، من شوي وقعت على عقد قرانها، حست برجفه واهي تذكر توقيعه، مبين انه جدي بكل شي، حست بهيبة واهي تقرأ اسمه يم اسمها
اليوم راح تكون معاه، ف بيته، بنفس الغرفة تحت سقف واحد،
م يفصل بينهم اي شي،
ارتجف جسمها مجرد م تخيلت هالشي
ريماس اللي كانت منتبه لها، كانت لابسة