ببيت العلي
كان قاعد ينطرها، اهي قالتله انها راح تتأخر، بس حيل حيل تأخرت، قاعد يحاتيها
دشت فرح بهاللحظة: مساء الخير
رائد قام لها: مساء النور، فرح ليش تأخرتي جذي، قاعد احاتيج
فرح بهدوء: رحت اتمشى ع البحر شوي
رائد بحنان: فييج شي
فرح هزت راسها بلا وقلبها معورها حيل
مسك ايدها وصعد معاها للغرفة، قطت جنطتها وفصخت شوزها، وراحت تبدل ملابسها واهي ماسكه نفسها لا تبجي الحين، تحس بضيج بقلبها، بدلت ولبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
طلعت شافت رائد قاعد ع السرير ومبين انه ينطرها، اخذت نفس واهي تتمنى لو انه نام، لانها م تبي تتكلم
رائد شاف هدوءها وتأكد ان فيها شي، مسك ايدها وقعدها يمه ع السرير: اسمعج
طالعت عيونه باستغراب
رائد: ادري ان فيج شي، وانا ناطر اسمع منج
ابتسمت وتجمعت الدموع بعيونها: رائد تدري اني آحبك
ابتسم بهدوء: ايه ادري
فرح تكمل: أحبك واعشق وجودك بحياتي، وابيك دايم تكون سعيد ومرتاح لو على حساب سعادتي
رائد مسك ايدها بابتسامة: وانا مرتاح معاج
حطت عيونها بعيونه بابتسامة: خطبت لك
رائد كان يطالعها، وللحين مو مستوعب اللي قالته، تلاشت ابتسامته وسحب ايده وهمس: شقلتي
فرح بابتسامة ومبين انها مستانسه، بس الدموع تحكي الف قصه وقصة: ايه حبيبي خطبت لك، ابيك تكون مرتاح ومستانس.....
قاطعها بحدة: فرح انتي شتقولين
نزلت دموعها انهار ع خدها: ادري انك مو مرتاح معاي، وهم ادري ان هالشي مو بكيفك، قلبك يحبها وما راح يستانس غير معاها، وانا اموت لما اشوفك جذي اموووت باليوم الف مره وانا اشوفك مو معاي، م اقدر رائد م اقدر
رائد كان يشوف انهيارها جدامه ومو قادر يسوي شي
فرح هدت وطالعته: خطبت لك اللي تحبها، خطبت لك رزان
انصدم وما صدق اللي يسمعه: شنوو
فرح مسكت ايده: ايه حبيبي، اخيراً راح تجتمعون
رائد سحب ايده بعنف: انتي شنوو ينيتي، واعيه للي تقولينه، اكو وحدة تخطب لريلها
فرح ردت بنفس العنف: ايه اكوو، اللي تحبه وتموت فيه وتتمنى سعادته وراحته بس تدري ان راحته مو معاها، هذي اهي اللي مستعده تسوي اي شي عشانه
رائد هز راسه وقام من السرير: ومنو قالج ابي اتزوج، او ابيها انسي الموضوع وطلعيه من بالج
فرح بقوة: مو كيفك انا كلمتها وخطبتها، وقلت لها بأقرب وقت راح ايي رائد يخطبج
رائد: فرح لا تيننيني، وبعدين رزان مستحيل توافق
فرح بهدوء: لااا وافقت
طالعها بصدمة: مسستحيل
فرح هزت راسها بايه وبدون لا تذكر الشرط: امبلا انا كلمتها بنفسي واهي موافقه
كان يطالعها بصدمة مو مصدق ان رزان وافقت، شلووون! اكيد براسها شي
فرح بابتسامة: هاا شقلت
رجع يقعد ع السرير وقال بتعب: فرح ليش تسوين جذي
فرح بعيون تلمع: عشانك حبيبي، ابي اشوفك مرتاح
غمض عيونه لثواني: بس انا مرتاح معاج
فرح: لا تقص على عمرك بهالحجي، انا فاهمة كل شي حبيبي، واذا تبي ترضيني واافق
طالعها بنظرة غامضه، وتمدد ع السرير بدون م يرد عليها وافكاره كل مالها تتعمق اكثر
