بعد مرور شهر
ـــــــــــــــــــــــــــــــــــــــــــــــــــــــــــــــــــــــــــ
يوم الخميس
ببيت العلي
شالت جنطتها وجم ورقة، وطلعت كانت لابسة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نهال: زين رزوون شنبي بعد من الكتب
رزان: اممم شوفي انتي ييبي كتاب هالمادة عشان الاختبار جريب، والباجي راح نشوفه بعدين
نهال: اووكي والملخصات اهم شي
رزان: اييه، بس عاد لا تتأخرين مابي اقعد بروحي
نهال: شفيج اصلا م راح اطول، وبعدين المكتبة تقفل بعد ساعتين، لا تخافين بسس
رزان: اووكي يلا روحي
قطع عليهم دخول رائد، واهو يتكلم بالفون ومبين عليه معصب: شنوو يعني لاعب بالحسابات، ييب لي اسم هذي الشركة وكل الموظفين فيها ساااامع
نهال ورزان خافوا من صراخه
رائد بصراخ: اسمعني زييين اليوم ابي كل شي موجود عندي، ومابي اسمع شي ثاني
سده بويهه واهو معصب
نهال: رائد شفيك شصاير
رائد: فيه شركة لاعبة بحسابات شركتنا، بس م راح اخليهم بحالهم وين بيروحون مني، وصعد جناحه
رزان بلعت ريجها اول مرة تشوفه جذي
نهال تنهدت: يلاا انا بروح
رزان ابتسمت لها: اووكي حبيبتي
طلعت نهال، ورزان رفعت عيونها فوق، تذكرت اعترافه لها، ومن يومها واهي تتهرب منه وتتحاشى شوفته
حست تبي تشوفه وتوقف معاه، بس حيل مترددة
صعدت السلم، وتحس بتوتر، وصلت يم جناحه وزادت انفاسها ودقات قلبها، تنهدت وكانت بتفج الباب
بس تراجعت وغيرت رايها، رجعت من طريجها
بس رجعت مرة ثانيه يم جناحه، واهي تتذكر كل وقفاته معاها وشلون دافع عنها
طقت الباب، وفجت الباب ودشت
رق قلبها حيل واهي تشوفه قاعد وماسك راسه ومبين عليه معصب ومتضايج
بلعت ريجها وراحت له وبهمس: رائد
رفع راسه واهو مو مستوعب الصوت اللي يسمعه، التقت عيونه بعيونها وطولوا حيل واهم يشوفون بعض
اخذت نفس وقعدت يمه: صاير معاك شي
رائد بهاللحظة يحس يبي يتكلم عشان بتخلص من الضيجه اللي فيه: احد متسلط ع شركتنا، ويبي يفلسنا، مو قادر شلون اتصرف، مستحيل اضيع تعب ابوي فيها
سكتت واهي تسمعه
رائد: راح اعرف منوو هذا، وراح يكون حسابه معاي انا
رزان: رائد فكر عدل ولا تورط نفسك، اكيد اكو حل
قام من مكانه بعصبية: شلوون اكو حل، وانا م اعرفه ولا ادري شيبي عشان يسوي كل هذا، انا بحياتي م ضريت احد، منو هذا الحين اللي ياي يبي يضيع كل شي
تفاجأت من صراخه، وقامت بخوف
رائد حس فيها، واخذ نفس عميق واهو يمسح ع ويهه
قرب منها: رزان ابوي كانت اول وصية له اني ارفع هالشركة وتكون لها سمعة الكل يفتخر فيها، بس شوفي شصار وانا للحين بأول طريجي
طالعت عيونه واهي مو عارفه شتقول له
بس تفاجأت وشهقت حيل، واهي تشوفه يحضنها بقوه، وجنه يبي يتخلص من اللي فيه معاها وبقربها
بعدها ابتعد بسرعه واهو يمسح ع شعره: اسف رزان
رزان سكتت واهي تطالعه وترتجف
مسك ايدها: اسف رزان صار غصب عني، بس انا حيل محتاجج وابيج
بلعت ريجها وضغطت ع ايده عشان تهديه
حط عينه بعيونها: رزان خلاص لا تعذبيني اكثر معاج، انا ابييج والله ابيج احتاجج معاي كل وقت لا تبعدين عني
رزان بهدوء: رائد انا للحين خايفه، انت اخو رفيجتي، ما ابيها تنصدم مني او شي
رائد قرب منها أكثر: اشش لا تقولين جذي، وبعدين انا راح اقولها عن علاقتنا، بس ابيج تكونين اقرب لي
هزت راسها بايه: راح احاول
مسك ايدها وباس باطنها بوسة عميقة
سحبت ايدها بحيا، بس اهو مسك خصرها وقربها منه
رزان وايدها ع صدره: بنزل الحين بتيي نهال
رائد: خليج معاي شوي، م تدرين شكثر ارتاح معاج
نزلت رأسها وابتسمت واهو م صدق وقربها منه اكثر واهو يدفن ويهه بشعرها ورقبتها ويتنفس
زادت دقات قلبها، وحاولت توخر: ااا رائد
بعد عنها وقلبه يدق حيل، ابتسم لها، واهي طلعت من غرفته وايدها ع قلبها اللي يدق بسرعة
