بالليل
ببيت العلي
تحديداً بالمطبخ الخارجي
قرب منها أكثر وطالع عيونها: رزان انتي تخافين مني
طالعته بسرعه، ورجعت ع ورا وهزت راسها بلا
رفع ايده وحطها ع خدها ومسح عليه برقة: امبلا انا حاس انج تخافين مني من صار لج الموقف
توترت من قربه ولمسة ايده: رائد بروح انام
مسك ايدها: لا لازم نتفاهم، نهال نامت؟
هزت راسها بايه، واهو مشاها معاه، طلعوا برا وتوجه للغرفة اللي بالحديقة
دش ودشت معاه، غصب عنها غمضت عيونها واهي تتذكر كل اللي مرت فيه بالغرفة واحساس الخوف
حست الدنيا تدور فيها وهزت راسها بلا
كان قاعد يراقبها من اول م دشوو، يبيها تتخلص من شعور الخوف من اللي صار لها، حاس فيها
راح لها بسرعه ومسكها قبل لا تطيح: رزان
طاحت بحضنه، واهو قعد بسرعه وحط راسها ع ريله، وقعد يطق خدها بخفيف: رزان تسمعيني
فتحت عيونها، وتحس نفسها مكتومة، قعدت تكح واهي تحط ايدها ع صدرها
خاف عليها وقعدها: رزان شفيجج، رزاان
قعدت تكح بشكل متواصل، واهي تبي تقوله عن البخاخ بس مو قادرة: اااا ب.... كح كح.. بخخخ....
رائد مرتبك حيل ومو فاهم: شنو رزان شنو تبين
خذت نفس وتحاول تتنفس عدل: ابي كح كح... ب خخخ... ااخ
قام رائد بسرعه بعد م استوعب: زين وينه، وين حاطته
رزان واهي ماسكة صدرها: اااه بالغ ََ.... غرفة
قام بسرعه واهو محتار، شلون بيخليها، والطريج لغرفتها بعيد، طلع بسرعه وفكر يدش من ورا البيت
صعد السلم اللي بالخلف، ودش من بلكونة غرفته، طلع من جناحه وراح بسرعه لغرفتها، قعد يدوره واهو حيل متوتر، لقاه بالدرج، شاله بسرعه ورجع من نفس المكان
وصل للغرفة اللي برا، وأول م دشش
شافها طايحة وعيونها فوق، وجسمها صاير احمر
راح بسرعه مسك راسها، وبخ من البخاخ
ارتخت رزان وغمضت عيونها براحة
بس رائد زاد خوفه، وشال رأسها واهو يطق خدها: رزان ردي عليي تكفيين، رزاان قوميي
فتحت عيونها وهمست: انا بخير
ارتاح حيل وتنفس بقوة، وقومها، قعدت واهي تتنفس طبيعي، وقعدت تشوف الغرفة وغصب عنها نزلت دموعها
قرب منها، ومسك ويهها بايدينه: رزان طالعيني
حطت عينها بعينه وواهي تتنفس بقوة
مسح دموعها باصابعه: ابيج تنسين كل اللي صار لج، وتأكدي محد راح يتعرض لج بعد
رزان: م اقدر انسى، كنت بضيع لو م ييت انت
رائد: اشش لا تقولين جذي، م راح اسمح بهالشي، م ابيج تخافين من اي شي، انسي خلاص
هزت راسها بايه، واهي تحاول صج تنسى ذاك اليوم
رائد واهو يشوف نظراتها البريئة وقربها منه: ااه مادري شسويتي فيني انتي
رزان ببراءة: ليش شسويت
ابتسم: قولي شما سويتي، خذيتي قلبي
رزان للحين عيونها بعيونه، وتحس مو مستوعبة شي
رائد: تدرين اني اول م شفتج وانتي رايحة لحفل اختج، وصورتج م راحت عن بالي
رزان تطالعه وتسمعه بدون اي كلمة
رائد يكمل: من ذاج اليوم وانا افكر فيج، ومن سوالف نهال، ولما تيين بيتنا، احس ابي اشوفج كل يوم
دق قلبها حيل، واهي تطالع عيونه
رائد: تذكرين لما صار لج الموقف مع العامل، حسيت قلبي يحترق، حسيت بنار بصدري، كنت اطقه وانا احتررق، م وعيت الا لما سحبتيني، والا كان راح يموت بين ايديني
بلعت ريجها واهي تتذكر اللي صار
رائد وعيونه بعيونها: بذيج اللحظة بسس، دريت ان اللي احس فيه ناحيتج مو بس اعجاب
نزلت راسها وأخيراً فهمت كلامه
رائد: رزان لا تنزلين راسج، ابي اعرف شعورج
رزان رفعت عيونها: رائد انا اخااف
رائد: راح اخلصج من كل شعور الخوف اللي بقلبج، بس ثقي فيني وبقلبي
رزان: م اقدر اقولك شي الحين، انت حيل فاجأتني
ابتسم لها: ولا يهمج راح انطرج لين اموت
قالت بدون لا تحس وقلبها يدق: بسم الله عليك
ابتسم واهو م يبي يستعيل بشي، قام ومد ايده لها، مسكتها بحيا وقامت معاه
رائد: تدرين ان هذي الغرفة انا سويتها بنفسي
رزان بإعجاب: صجج
رائد: ايه والله، كنت لما اتضايج ايي هني
رزان: اممم شكلك تحب القراءة
رائد: هههههه ايه والله، تمشي بدمي
رزان حست انها طولت: اممم بصعد داري تأخر الوقت
رائد بحنان: زين ديري بالج، تصبحين على خير
رزان بحيا: وانت من اهله
