Unicode ( Zawgyi below)
Jaemin's POV
ကျွန်တော့်ရဲ့နှာဖူးပေါ်ကိုလက်ဖဝါးတစ်ခုတင်ထားတဲ့အထိအတွေ့ကိုခံစားလိုက်ရတယ်
"Jeno လား"
"ဘာလို့လဲ မင်းရည်းစားလို့ထင်နေလို့လား"
"မဟုတ်ပါဘူး ပိုသေချာအောင်မေးတာပါ ငါ့ဘေးမှာရှိနေတာမင်းဆိုတာပိုသေချာအောင်လို့မေးတာပါ"
"ကဲ ထ ထ.. ဆေးသောက်ရမယ်"
"သောက်ရဦးမှာလား ၄ ရက်ထိတောင်သောက်ပြီးနေတာကိုလေ"
"ဆရာဝန်က ဆေးကို ၅ ရက်စာပေးထားတာလေ"
"၅ ရက်စာပေးထားပေမဲ့ကိုယ်သက်သာရင်သက်သာသလိုမသောက်တော့လို့ရတာပဲကို"
"မရပါဘူး အဲ့လို မင်းကနုနုဖတ်ဖတ်လေးရယ် ထပ်ဖျားရင်ဘယ်လိုလုပ်မလဲ"
"မနုပါဘူး အဲ့လောက်မနုဘူး"
ကျွန်တော်ပြန်ဖြေတဲ့လေသံမာသွားတော့သူ့ဆီကစကားကပြန်မလာတော့ပါ
ကျွန်တော်သူနဲ့ပတ်သက်ရင်အကုန်သဘောကျတယ်
သူဟာလေလွင့်သူဖြစ်နေတယ်ဆိုတာကိုလည်းကျွန်တော်သဘောကျတယ် မိုးဒဏ် လေဒဏ်ခံနိုင်တာကိုလည်းသဘောကျတယ် သူကဟာသဉာဏ်ကျွန်တော့်ထက်ပြေးတာကိုလည်းသဘောကျတယ် ကျွန်တော့်ကိုကူညီတာတွေကိုလည်းသဘောကျတယ် အထီးကျန်မှုကိုဖြိုခွင်းဖို့အားကိုးနေရတဲ့ငှက်သံတွေထက် သူ့အသံကိုပိုအားကိုးပြီးသဘောကျတယ်
ဒါပေမဲ့ တစ်ခုပဲ
သူကျွန်တော့်ကိုသနားနေတာကိုသဘောမကျပါ ကျွန်တော်ဟာအထိမခံနိုင်လောက်အောင်နုဖတ်တယ်ဆိုပြီး သနားပြီးဂရုစိုက်နေတာတွေကိုကျွန်တော်သဘောမကျပါ
ကျွန်တော့်ဘဝကိုကျွန်တော်ဘယ်လိုဖြတ်သန်းလာရလဲကျွန်တော်အသိဆုံး
သူ့လည်းပြောပြထားလို့ သူလည်းသိနေတာပဲ ဒါပေမဲ့ကျွန်တော့်လောက်တော့ဘယ်နားလည်နိုင်မလဲ
ခက်ခဲမှုတွေကြုံလာရပြီးတဲ့ကျွန်တော်ဟာ သူထင်နေသလို နုဖတ်ပြီးပျော့ပျောင်းမနေတော့ပါ
YOU ARE READING
Anemone
Fanfictionသူကကျွန်တော့်ကိုတစ်စုံတစ်ရာနဲ့နှိုင်းတယ် အဲ့ဒါဟာ ပန်း သာဖြစ်တယ် ဘာပန်းလဲဆိုရင် Anemone ပန်း !! ဒီလိုပန်းမျိုးနဲ့အနှိုင်းခံရတာကိုကျွန်တော်သဘောမကျပါ... ကျွန်တော်ဟာလောကဓံကိုခံရသင့်သလောက်ခံနေရပြီးရင့်ကျက်နေပြီဖြစ်တဲ့လူငယ်တစ်ယောက်ဖြစ်နေလို့ပဲ သူဟာ Anemon...
