اليتيمه وابن البصره

بارت 5

#اليتيمه وابن البصره
#بارت5
#الكاتبه هديل احمد
.............................................
:ا"لا تـهتـم ڪثيـرا ؛ فـبعـض القـلوب لا تـشـ؏ـر" 🥀🖤❗✋
.......................................
رنا: عجبكم هيج ياربيي ليش هييج ليش اليتيم يتبهذل ربي مالي غيرك انت سندي ووكيلي ربي دخيلك اخذني لاهلي ماريد هل عيشه قبل عشت بلذل وهسه راح اعيش بلذل ربي ليش هيج

الجد: بنيتي صدكيني والله مو اني احلفلج ع قران مواني

ليث: جدي مو بعمرج حتئ يترجاج تصدكي وديكلج مو اني كتلته شكو تشيلي الذنب

رنا: اكرهكممم اي اكرهكم ماريد اشوفكم روحو من كبالي اخذوني لاهلي وروحو عساني متت لحد يسئل عليه حتئ انت جود ماريد احد يجيني ومااداشيلكم الذنب كافي تعبت

الجد: رنا تعالي وياي لبيتج والله ماكدر بيج ريحه الغالي

رنا: لان بس بيه ريحه الغالي حتاخذوني ومنو يكول اجي وياكم زين اجي بس بشرط وانت بكفيك بعد

الجد: أمري والي تريدي يجرالج

رنا: اعرف ماراح يجرالي بس نجرب عندي شرط انو متدخلون بيه ابد

الجد: اي تامرين

رنا : اوعدني ياجدي

الجد: وعد وكدام ليث وجود

جود: بس رنا شنو هلحجي لاتثقين

رنا: لا اني عشت كل الضلم بقت ع ضلم جدي خلي اجربه شلون

ليث: يلا هسه الدكتور كال طلعوها يلا كومي اذا تكدرين

رنا: اي اكدر ......كمت وطلعت من المستشفئ ودعت جود وصعدت بلسياره واني افكر شراح يصير بيه من اليوم بتعدت عن امي من لحمي ودمي وهسه ابتعدت عن ام جود الي هيه دوم تحسسني بحنان امي ابتعدت عن ابوي واليوم ابتعدت عن ابو جود الي هواي جان دوم يكلي اني مثل ابوج خسرت اخت الي هيه ايه اني وياها صرنا دهن ودبس صح ايام قليله بقيت يمهم بس تعلقت بيهم ابتعدت عن جود الي هوا صار روحي من الدنيا كاعده وافكر فززني صوت جدي

الجد: يلا انزلي

رنا: نزلت بدون ماارد اله ليث فتح باب الحوش وياريت مافتحه ..تلكتني مره الي هيه عمتي
(من اليوم بدا عذاب رنا)
العمه: ولجج بت اخوي تعاي بنيتي بيج ريحته لاخوي ..وكامت تبجي

رنا: صح كلامها هز بدني بس ماهمني لان مهما يكون راح يأذوني هوايه ..اجت عليه وكامت تنعي ع ابوي هنا اني تخبلت كمت اصرخخ بعلوه صوتي اريد واحد يحس بالي اني جايه احسه بس ماكو كلهم اصنام بدون گلب واكفين يباوعون عليه وعلئ عمتي ثنينا كعدنا نبجي وهاي كلها بلحوش طب جدي وكال

الجد: دخلوها جوه بغرفه البنات بين ماتطيب واخذوها للمخزن

العمه: بويه ليش تسوي هيج ليش تقهر يتيمه فأما اليتيم فلا تقهر هيج ماعندك گلب