اليتيمه وابن البصره

بارت 53

#اليتيمه_وابن_البصره
#بارت_53
#الكاتبه_هديل_احمد

‏أنا لا أكره أحد حتى زوجي الذي خذلني لا زلت
أحبه لكني لا أستطيع تقبله بجواري مرةً أخرىٰ .
...........................
ايه: شش.شنو

ليث: اي راح اتزوج واكسرج حبيبتي

ايه:مثل الصاعقه ونزلت ع راسي سكتت دموعي ضلت تسولف بعدين كتله.. ههه اكيد جاي تتشاقه مو

ليث بحديه: لا وداعتج عندي مجاي اتشاقه

ايه: شسويتلك حته تكسرنيي

ليث: ماسويتي شي بس انه اريد اتزوج عليج واحنه صرنا متزوجين كدام رب العالمين واهلج واهلي

ايه: طلكني اذا متريدني طلكني

ليث: بلحلم اطلكج

ايه: كمت اضربه ع صدره وابجي.. كرهتكك الله لايوفقك لان حبيتك من صدك تريد تخذلني اذا متحبني شكوو اجيت وخليت الفرحه ماتكملل شصارلك انت ماجنتت هييييجج

ليث: ااشش صوتج لحد يسمع

ايه: رووحح حوبتي بركبتك الله لايوفقك 😭

ليث: جاي اكلج صوتججج لا احد يسمعع

ايه بهمس: ليش سويت هيج ليشش علمود تنتقمم من جودد انتت ابنن جدكك

ليث: نجبيي وسديي حلكج. وانهه اخذتت قراريي راحح اتزوجج وراح اكسرج احمدي ربج لان اجيت وكلتلجج 😏

ايه: حسبي الله ونعم الوكيل عليك ياضالمم روح الله لايوفقك ولايسعدك بحياتك بجاه ام البنين. مسحت دموعي وطبيت كبل لغرفتي تمددت بدون مااغير ملابسي

.......

ليث ويه روحه:  اسف موبيدي والله.... طبيت للاستقبال وكلت.. يلا بويه نرفع عنكم الزحمه

ابو جود: بعد وكت وين رايحين

ابو ليث: لا والله الاهل وحدهم

ابو جود: مرولنا مو تنكطعون

ابو مهدي: غير يوم نشالله نجيكم بل افراح

ابو جود:  كل الهلا بيكم باي وقت.

ليث: الطريق كله وانه افكر شلون بجيتها وشلون دعت عليه وشلون كالت اكرهك بس وداعت حبنه ياايه راح اصلح كلشي بوقت المناسب اكو غصه ببلعومي اريد اعيط حتى تروح مني اختنكت عبالك الدنيه كلها واكفه ع صدري بلكوه وصلت البيت
.
.
.
رنا: سلمو وراحو عبالي ايه بعدها بلحديقه هيه وليث عزلت البيت غسلت مواعين خليت اكل ع نار عمه وعمو وجود بل استقبال رحت كعدت يمهم كلت. اشو ايه تأخرت بره

جود: انتي وين جنتي ترا من راحو بيت اهلج ايه دخلت جوه

رنا: ماشفتها هسه اكوم اشوفها وهم اصيحها ع عشى.  كمت من يمهم وتوجهت لغرفه ايه وحان اشوف الصدمه جانت كاعده ع جربايه وصافنه ودموعها تجري. تقربت عليها وكلتلها.  ايه بيج شي