اليتيمه وابن البصره

بارت 10

#اليتيمه وابن البصره
#بارت10
#هديل احمد
....................................
لا عائـــــله تفهم ولا مجمتع يرحم ولا صديق يبــقى 🖤
..............................

صكر: رنا ليث يناديج
رنا: جايه خليك يم عمه......طلعت بلخديقه شفته واكف كتله..صكر كال تناديني

ليث: اي هاي خابرتج
(خلي نرجع ليث)

ليث: جنت كاعد بلحديقه دك التلفون رنا كاتبه ع رقم ايه جاوبت ....الو

ايه: هلو منو انت
ليث: اخخ كلبي شهلصوت ...احم اني ابن عم رنا
ايه: هااه رنا يمك
ليث: لا يم عمتي
ايه: هاه تكدر تناديها
ليث: تره هواي صرفتي هاه هسه اناديها صكرررر نادي رنا

ايه: انت شسمك
ليث: يهمج اسمي
ايه: هسه شكلت تره هوا اسم بلكوه اسحب الكلمه من عندك
ليث: اسمي ليث وانتي
ايه: اسمي ايه
ليث: عاشو
ايه: انت الهايش اقصد عايش
ليث: هواي تحجين انتي
ايه: هيج طبيعتي
ليث: واني اكول رنا طالعه ع منو
ايه: لا اصلا انعديت من رنا النهار كله تلكلك
ليث: سمعت اخوج اسمه جود
ايه: يس
ليث: اكلج
ايه: كول
ليث: رنا وجود عدهم شي ويا بعض
ايه: برائيك الك الحق تعرف هلشي خاص بينهم انه مااعرف لا رنا ولا جود وبعدين شكو تسئل مو انتو العذبتوها وعذبتو ابوها عليمن هلسوالف التعبانه

ليث: اخ راسي ربي صبرك تره ادري كلشي وانتي جايه تكولين عذبتوها لتشملين الكل كولي جدك وامهاتكم عذبوها اي بيها مجال وبعدين ماكو اخ يكتل اخته

ايه: اممم الضاهر جدك مشوفكم الويل اكلك شصار من رنا حجيت قصه حياتي كله وبعد مااجت

ليث: اجت رنا هاي تحاجيج

رنا: الو
ايه: عاش من سمع صوتج رصيدي كله طار وانتي هستوج اجيتي

رنا: تره احلف مااحجي وياج شكد دويتي(سولفتي)
ايه: المهم شونج شخبارج
رنا: من الله زينه بس من عبده مو زينه
ايه: سلامتج عيني
رنا: انطيني خاله
ايه: جود
رنا: وجع لا اريد خالتو
ايه: اي يمه رنا تحجي وياج

ام جود: ولج رنا حبيبة كلبي ليش رحتي
رنا: يمه اخذ بثار اهلي ارجعلج والله
ام جود: كطت روحي وانتي مو يمي تعلمنه عليج
رنا: ارجعلج والله شلونج ياروحي انتي
ام جود: زينه يابنتي جود دوم يفكر بيج حجيت ويا وشكد رزلته كتله اليحب يضحي
رنا: صفنت ع حجيها شلون عرفت
ام جود: لاتسكتين انه ام واحس بكلشي انتي وجود تحبون بعض مو
رنا: اي خاله صحيح
ام جود: يلا بنتي اروح اشوف الاكل لايحترگ
رنا: الله وياج ..ولج ايه انتي كايله لامج عليه
ايه: وداعت بابا مو اني
رنا: لعد شون عرفت
ايه: حتئ اني انصدمت عبالي انتي كلتيلها
رنا: اممم محتاجه شي
ايه: سلامتج صدك سؤال
رنا: كولي
ايه: هذا ابن عمج اسمه ليث ولج صوته خورافي
رنا هيه تباوع ليث: اهاا واني اكول مو من عوايدج تخابرين
ايه: هوا حلو لو بس صوته خورافي
رنا: لا حتئ هوا خورافي روحي من كبالي سنغافورا
ايه: كون صخونه مال حصونه
رنا: عليمن
ايه: عليج هايشه حيوانه
رنا: تفف باي سديته واضحك ....شكرا