اليتيمه وابن البصره

بارت 54

#اليتيمه_وابن_البصره
#الكاتبه_هديل_احمد
#بارت_54

_كانت امرأة
من النوع الذي تتورّد
في كل مرة يحاول
أن يطفئها الزمن ...
……………………

البصره منطقه الگرنه الساعه 2:30 الضهر

ايه: صارلي 3 ايام ع نفس الحاله كاعده اكل بأضفري واسولف وي روحي.  هسه يفكر بيه ياتره ليش يريد يتزوج وانه احبه اكثر من امه اندك الباب طبت رنا..

رنا: عمري الئ متئ حتضلين هيج تره اهلج جاي يشكون اكو شي

ايه: خلي يشكون اصلا اريدهم يعرفون

رنا: هيج راح تخسرين ليث

ايه: شلون هوا كسرني راح اكسره

رنا: شلون تكسري تتزوجين مثله؟ لو تكولين لاهلج تره ليث راح يتزوج عليه تدرين شنو حيكولولج راح يكولون لعد ليش قبلتي بي وانتي تدرين هوا يريد يتزوج عليج مافكرتي شيصير بعد هلكلام الي كلتي ??

ايه: شيصير خلي يصير انه بعد ليث مااريده

رنا: لج بابا انتي زوجته صرتي الله اكبر عليج

ايه: عوفيني واطعلي قاااابل مايييكدررر يطلكككك

رنا: راح اخليج براحتج بس فكري بلي كلته راح تخسرين هواي مو بس ليث لا حته راح تخسرينا بهذا القرار

ايه بدموع: ليش محد يفهمني والله بداخلي جاي ينزفف خليج بمكاني من جود اتزوج مو لزمج حاله نفسيه مو جنتي تكولين جود واحد خاين ومايستاهل حبي ليش الكم حلال والي حرام

رنا بشهكه وصوت مبحوح: انه مااصير بمكانج تدرين ليش لان تأذيت اكثر منج هئ ع اقل انتي عندج اهل انه حته اهل ماعندي شعوري جان اصعب من شعورج انه يتيمه وانتي بنص اهلج انه هئ انه اتعذب وانتي مدلله انه خسرت ابني وانتي تردين تخسرين حبج الاول مااحسدج لا بلعكس اصلا احمد ربي صار عندي اهل مثلكم  بس محد يعرف طعم الاهل الا وكت مانخسرهم ابتعدت عن جود كم شهر انه حته اجا بالي انتحر انتي لييث اجااا خطببججج وكل هذا ماراضيه ليش تطردين النعمه

ايه: حضنتها وكمنا نبجي ثنينا جنت ابجي وياها لان اشوفها تتعذب وهسه هيه تبجي وياي وثنينا مكسورات 💔..

ضحكنا ع روحنا كاعدين وبس شهكاتنه تنسمع المهم صار الساعه 5 العصر قبل ماننزل كالتلي رنا.

رنا: هسه اريدج ايه المرحه والتضحك القويه الميهمها شي وكت متحسين نفسج مخنوكه اطلعي لغرفتج وفرغي الي بداخلج اهلج يصيحوج ايه المرحه بس هسه انتي ايه المجروحه ولازم اطيبين جرحج بيدج

ايه: تدرين شغله بنت العم تصير اخت صح بس انه بنات عمي غير عن الكل اهمشي عدهن يفترن ويتونسن محد تشكي للثانيه ومن جنا صغار شفتهم وبعرس جود وبعد ماشفتهم . لو مو انتي مدري جان هسه انه ميته