#اليتيمه وابن البصره
#بارت44
#هديل احمد
فعادت لقوتهـا وكأنها تؤكد مقولة ما لا يقتلـني يقويـني🔥💎.
.................
نارين: صار ثاني يوم كعدت من الصبح ويا عمتي نضفنا البيت وحور وسهاد يحضرن الكرزات عمتي اجت كعدت يمي كالت
سمر: يمه خلي اخاذج للصالون باعي وجهج كله شعر
نارين: عمه فدوه خليني ع طبيعتي ماريد اغير شي من وجهي
سمر: ولج نرجس جيبي الخيط
نارين : فدوه ماريد تره ابجي
سمر: هنيالي عليج تكعد تبجي بت حضي يلا عدلي وجهج
نارين: مااريد احف
سمر: باعي حواجبج اثخن من شوارب زلمتي
نارين: اووف ياعمه الج خلك هم تحششين..بلعياط وبلعركات يلا خلصت وجهي وصح قبل ماجنت احف وكلش اتأذيت بس طلعت حلوه وبيضه ..ارتاحيتي
سمر: اي تعبتيني كومي عوفيلج فد كحله شدكول امه عليج
نارين: عليج الله لاتخربين واهسي ع شنو البخ وجهي خليني هيج يشوفوني طبيعيه
بعد مرور ساعه
اندك الباب طبو عمامي وورا نص ساعه اجو بيت يوسف هوا واهله طبو الزلم جوه والنسوان طبو جوه انه صعدت لغرفتي لان عمه كالت من اصيحج انزلي المهم لبست فستان بيجي وعفت شال ع راسي ونادتني عمه جانو 3 وحده بكد عمتي وثنين يطلعن بكدي
ام يوسف: صلاوات ع محمد شهلجمال بنيتي
نارين: تسلمين خاله
نورس: عمري شلونج نشالله بخير
نارين: الحمدلله حياتي
سميره: هلو
نارين: هلاوات عمري
ام يوسف: تعالي اكعدي يمي
نارين: كعدت يمها تشاقه وياي وتضحك وكالت العمه انو اجو يخطبوني وعمتي كالت انه ماعندي مانع
ام يوسف: چا امها وين ابوها
نارين: اختنكت كلش من سالتني ع اهلي ..حجيت بخنكه كلت. ابوي توفه وامي عافتنا
ام يوسف: الله كريم بنتي ادري سؤالي محرج بس شسوي مو بيدي لازم اسئل
سمر: لا عادي ام يوسف حقج خيه
نارين: ورا شوي طلعو وانه طلعت لغرفتي وقفلت الباب وكعدت ابجي تمنيت يطلبني من ابوي 😭 ليش ياربي ليش حرمتني من احله شي بحياتي. اندك الباب فتحته وطب عمي
ابو موسى: ليش تبجين يابنتي احد جبرج ع زواج احد ضوجج بشي كوليلي انه بمقام ابوج
نارين بدموع: ليش ماطلبني من ابوي اليوم المفروض تكمل فرحتي ويا ابوي المفروض ابوي يجي يكلي بنتي موافقه ع زواج ليش ابوي مابقالي شمسويه انه
أنت تقرأ
اليتيمه وابن البصره
General Fiction💓رنا هلي والناس والدنية علية♥️❗️. هلي انتو سبب الضيم العليه⛓🖤
