اليتيمه وابن البصره

رساله من نارين 🥺

راح توصلون مرحله
تكتبون تعليق طويل بعدين تمسحو وتكولون ويا نفسكم لا ماكو داعي شعليه بيهم
لو كاعدين بين مجموعة اصدقاء او العائله  تكدرون تشاركهم الحديث وتكدرون تنطون رأي مؤثر بس تفضلون الصمت.
توصلون مرحلة تكرهون  المجاملات وتكرهون حتى رسائل العيد والمباركات التقليدية؟ 
توصلون  مرحله مهمومين  من موضوع معين بس متحجون بي لاحد وتفضلون تحلو  ويا  نفسكم او تنتظرون هو ينحل تلقائي ؟
توصلون مرحله ان تحبون تنعزلون بغرفكم الظلمه وتعيشون فقط ويا نفسكم ؟؟
وتوصلون مرحله مالكم خلگ تحجون وتردون على اي شخص ولهفه تموت بداخلكم
وتوصلون مرحله تحسون العتب والزعل شغلات كلها سخيفة وماكو داعي لها ؟
راح تفكرون نفسكم  انو انتم مريضين  نفسيا لو مسحورين؟؟
الجواب هو لا انتم  سليمين  واصحاء  اكثر من غيركم
وطبيعين اكثر من اي انسان ثاني،
عرفتو معنى الحياة وشلون تمشي

كثرة الأدراك والوعي الزايد عن الاشياء التصير حولك نقطة ايجابيه الك، خصوصاً اذا جنت بعمر صغير . ❤️ 

دائما خلي يصير عدكم طاقه ايجابيه
دائما خلي عدكم قوه تواجهون اكبر شي وانه تعلمت القوه طبعا من رنا هلوكت البنيه الماعدها قوه وماتثق بروحها الناس يهشون بلحمها وهيه عايشه
يجيج سوالف وانتي حته متعرفين ليش يصير هيج
تحجين ويا نفسج تكولين ليش يكرهوني وانه ممسويه شي الهم
وخاصا من يكونون هما اهلج من لحمج ودمج يطلعولج سوالف وانتي تكومين تشكين بروحج

بس انصحجن بنات خلي روحكم قويه لتنزلون دموعكم كبال احد مهما يكون

اسفه ع تطويل الحجي بس حبيت اشارك همي وانطي نصيحه وانتم احسبكم كلشي الي

احبكم ..❤️