اليتيمه وابن البصره

بارت 57

#اليتيمه وابن البصره
#بارت 57
#هديل احمد

العالم بعالم و احنه النه عالم ثاني واحدنا يكمل الثاني ¡! ..
……………………

ابو موسى: الي اريده منج تحجين كلشي ليوسف احتمال مايصدك بيج بعد مااخوج يسوي الي براسه..

نارين: هزيت راسي وطبيت لغرفه موسى خابرت ع يوسف.. هلو

يوسف: هلا شني حلمانه بيه

نارين: اريد احجي وياك بموضوع وياريت تسمعني للاخير

يوسف: خير انشالله احجي اسمعج..

نارين: بديت احجيله كلام عمي كله.. الي حيصير اتمنه ماتنصدم منه

يوسف: الله كريم محتاجه شي

نارين: سلامتكك

يوسف: باعي بعد يومين العرس كولي لاهلج

نارين:  تمام .. سديته وطلعت من الغرفه كعدت ويا لبنات الئ... رجعنا للبيت وطبعا كلت لعمامي انو بعد يومين العرس ماشلت هم لان مجهزه كلشي بس اروح واأجر الفستان والصالونه

.
.
بعد مرور يومين..

ايه: اليوم عرسي كعدت من الصبح نزلت صحبت عليهم وكعدت اتريك بعدين كمت حضرت روحي ورحنا للصالون انه وامي ورنا وصلنا الصالون وطبينا بدت تعوفلي مكياج حس طلبي والتسريحه هم حسب طلبي ، بدت برنا مكياج خفيف ونازوك كلش وفستانها مال محجبات كلش حلو ، اجا جود رجعنا للبيت طبيت لغرفه امي ساعدتني رنا بلبس الفستان جان كلش منفوش وطويل .. هاي شنو بعد مااعرف روحي

رنا: صلي ع نبي عيني لاتحسدين روحج..

ايه: حضنتها وطلعتني كعدتني بلكوشه ركصن البنات الئ ان اجو ليث واهله والهلاهل والطلق بره يبو هوسه. ،

ياره ولارا: اخونه خوش اخو يستاهل الهوسه كللليييششش

تاليا وراما: ع النبي ع النبي ياناس صلو ع نبي وكلليييششش

صكر وانور : هاي الرادها وهاي التمناها بت الشيخ لابن الشيخ جبناها كليييششش

لارا وتاليا وراما وياره: جان صاحبها وخذاها جان صاحبها وخذاها كللللوووشش

طب ليث لزم ايدي وابتسامته شاكه حلكه اجا ابوي لبسني عباته مالت الشيوخ طبعا هوا شيخ بس اكثر عمله بلشركه.. باسني وطلعنا للقاعه .. صعدوني بسياره العرس خاص الي واليث يعني هوا يسوق وماكو احد ويانا مشينا وكل شويه كاسرين علينه وليث يسبقهم بعدها وكفنا بلاشارات ليث نزل وكام يعيط..

ليث: ولكمممم صاااارتتت مرييتيييي ..وكام يرمي بلطلق هوا واصدقائه الي وياه بلمركز

ايه: سجد بلكاع ونزلو الولد ويركصون هلاهلهم احسن من هلاهل النسوان الفرحه ماتنوصف . صعد بلسياره واتوجهنت للقاعه نزلونا ويركصون كبالنا وكدامنا والكامرا تصور ووووطبينا القاعه كعدوني بلكوشه ويمي ليث جانو جايبين مطرب ، صح هما شيوخ وضباط بس ابد مامعقدين يعني العرس صارت مختلطه لان ماكو احد غريب ، بده المطرب يغني وهذول تخبلو بلركص والردح وطبعا انه ونارين عرسنا بنفس اليوم .. هيه كاعده ع جهتي اليسار ويمها يوسف ومن جهتي اليمين كاعد ليث الكوشه جانت جبيره كلش ،  ضلو يركصون شباب وبنات وهوساتهم لحد ساعه 7 المغرب كالو نتعشه ونكمل وراها ، جابو العشه جان عباره عن لفات كص كل شخص اله لفتين وقوطيه ببسي ومقبلات ، هما هواي عالم جاايين كرايبي وكرايب العرسان وكرايب نارين بس كلش فرحنا ، ورا العشه هم كامو يركصون ويهوسون وكومنا انه ونارين ويوسف وليث رطصنا ركصه سلو ورجعنا كعدنا كامو الولد سحبو ليث ويوسف يركصون ويدبجون لحد ساعه 9 ونص كالو خلي نزفهم ..