اليتيمه وابن البصره

بارت 25

#اليتيمه وابن البصره
#بارت25
#هديل احمد
........................
مو شرط انتقم بنفس اللحظه بس صدگني اعرف اختار الوقت الي اضربها صح وتوجعك💙
...............................
( من هلبارت راح نكتب شراح يصير ويا نارين هم )

نارين: رنا دخلت كلبي الصراحه وانه محتاجه احد حته احجيله الي بكلبي ورب العالمين دزلي رنا 🥺..رجعت للبيت كبل دخلت لغرفه بابا جان ديكح واخوي ولا يهمه ...حسين مجاي تشوف ابوي يكح انطي ماي قابل راح ينقص من طولك شي
حسين: انجبي لج لا اكوم اكسر راسج
نارين: اتحداك
ابو نارين: بابا نارين تعالي ماعليج منهم
نارين: بابا خومه أذوك
ابو نارين: لا بنيتي ماسوولي شي جيبلي ماي
نارين: رحت ركض جبتله ماي وانطيته ياه. متغدي
ابو نارين: اي اتغديت
نارين: يلا انت نام انه اروح اسبح وارجعلك
ابو نارين: تمام
نارين: رحت سبحت واتغديت اجت امي واختي .ماحجيت شي اتجنبتهم ومشيت
سهاد: هيييو شو ممسويه غده
نارين: احد كلج انه خدامه عندج
ام نارين: لاتحجين ويا اختج هيج يلا ولي
نارين: عوفي رب العالمين بين عيونج باجر وين تروحين من عقابه
سهاد: عشتي وعشعشتي عود حجيتي شي يلا ولي
نارين: انتي بلذات يجيج يوم وتجين عليه
سهاد: ماعاش اليجي عليج
نارين: رحت كعدت يم راس ابوي جان نايم و.....
.
.
.
رنا: من رجعت للبيت شفت شفت جدي موجود ..عمتو مسويه غده
العمه: اي يمه مسويه
الجد: شنو هلبس رنا
رنا: تره فستان
الجد: من اليوم تلبسين عبي (عبايه)
رنا: جدي شلون البس عبي وانه حته مااعرف البسه نوب بلجامعه
الجد: مو احسن من لابسه هلفستان شعدنه عرس
رنا: انه هيج لبسي وبكيفي البس لحد يتحكم بيه
الجد: تره اكووم
رنا: كوووم اصلا تعودت عليك شراح تسوي هلمره
العمه: يابه فدوه اروحلك خلي اليوم يمشي ع خير
ام مهدي: ياخير وهلحيه بلبيت
رنا: ههههه حيه ههه منو حيه غيرج
ام ليث: شفت عمي شفت شلون ترد
الجد: انه شلي غرض انتن وياها
العمه: روحي بدلي وتعالي
رنا: ماشي ..رحت بدلت ونزلت جوه ..عمه وين البنات
العمه: جاي يدرسن
رنا: ايي والله بلكت ينجحن
العمه: والله جانن شاطرات بس ابوي بطلهن
رنا: ابوج كلشي حلو خربه
العمه: الله يجازي بذاك الدنيا
رنا: ونعم بالله
لارا: رنوش عود درسيني كيميا
رنا:ادللي ياروح رنوش
لارا: اممححح
رنا: افيش يلا نادي للبنات خلي يجن يتغدن
لارا: تم
رنا: اجن البنات وتغدينا و......
.
.
.
ايه: سعاد تعالي
سعاد: خيير
ايه: احترمي انه بت عيالج
سعاد: امري لالله
ايه: اجت سعاد وسويت روحي احبها ..سوسو حبيبتي
سعاد: شكو
ايه: تدرين انه احبج صح
سعاد: اي
ايه: تدرين جود لحد هسه يحب رنا
سعاد: اي ادري وشنو بيدي اسوي
ايه: لا لاتسوين شي ابد خلي ع راحته
سعاد: لعد شلون ابعده عن هلكح**
ايه وي روحها: محد كح* غيرج .....هسه معلينه
سعاد: شرايده
ايه: تدرين انتي لازم تلبسين لجود وعبالك عروس
سعاد: اي ماشي
ايه: راحت وانه كلت بصوت ناصي ...والله يا ايه طلعتي مو هينه (😂 والله كمت اخاف منج ياايه شناويه. انجبي اصلا اني كلش فقيره. اي مبين)
(ملاحضه انه وايه جاي نحجي هنا 👆)
.
جود: الله يساعدك يابه
ابو جود: هلا بابني شلونها مريتك
جود بحزن: زينه
سعاد: شلونك عمو
راحت باست ايد ابوي وتسوي روحها فقيره
ابو جود: الله يرضه عنج. بويه ايه تعالي
ايه: ها باباتي
ابو جود: هاج هذا شيلي عندج
ايه: جان عباره عن ملفات اخذته وعفته بلكنتور وقفلت الباب ونمت
جود: صعدت للغرفه شفت سعاد متمكيجه ولابسه قصير اجت كبالي عافت ايدها ع وجهي ...شناويه تسوين
سعاد: انت ملكي جود
جود: بس كلبي ملك رنا
سعاد: شيفيد اذا انه وانته بنفس الغرفه وع نفس الجربايه وهيه تتحسر
جود صاك ع سنونه: ديري بالج تجيبين طاريها مره ثانيه ماارحمج وحق الخلقني بعدين شنو هل لبس متزوج رقاصه روحي بدلي ونامي
سعاد: مو صوجك صوجي انه
جود: قابل انه كتلج البسي هيج ..راحت بدلت وانه نمت ...كلبي مايهواها ولا يحبها هلبنيه مدري ليش مااحبها
.
.
.
نارين: صبيت عشا البابا ورحتله ...بابا كوم اتعشه
ابو نارين: الله يرضه عنج بنيتي لو ماانتي جان هسه انه مي...
نارين: لا بابا لاتكول هيج الله يطول بعمرك ويخليك سند الي من بعدك محد ياخذ مكانك بكلبي انت اب وام واخ وكلشي اليه
ابو نارين: لو ماجايب لا سهاد ولا حسين احسلي
نارين: ميخالف بويه لاتشيل هم انه يمك وداعتك راح تصير زين وتكوم ع حيلك وترجع شيخ
ابو نارين: حيلي راح بعد الله كريم
نارين: الله كريم ..بدينا نتعشه انه وابوي بعدها نام وانه صليت وقريت قران ونوب نمت ..كعدت الصبح حضرت نفسي وكلعاده امي وسهاد مو بلبيت وحسين كاعد ولازم تلفونه انه طلعت للجامعه وشفت..
.
.
رنا: غلصنا الغده ورحت ادرس لارا شفت البنات شلون يدرسن ..الله يساعدهم
البنات: 😂
رنا: سجاجات مو بيدجن
راما: چا شعبالج
رنا: عبالي مالجن واهس للدرس
تاليا: اذا مالنا واهس جان مادخلنا مدرسه 😂
رنا: يلا ولججج لارااا
لارا: اييي اجييت
ياره: هاي لارا بلكوه تفهم راح اتعبج
لارا: اننننن
رنا: 😂 لا تعبها راحه اصلا. ..بديت ادرس لارا وهيه كل شويه تكول عيدي مافتهمت كسرتني تكسر ..ولجج صار اليل وكلشي مافتهمتي
لارا: غير انتي ماتفهمين
رنا: هااا هسه انه ماافهم موو لزمت الكتاب وضربتها ع راسها ..هنا الدماغ مجاي يشتغل
لارا: اخخ راسي والله افتهمت وراح انجح بس كافي 😂
رنا: اي هيج اريدج مو كل شويه مافتهمت
لارا: 😛😛
رنا: عليمن ولجج خبله ..رحت للغرفه ونمت من التعب چا الله يساعد المدرسين ع هيج طلاب حقهم يتعصبون ويعيطون ونوب هما الماراضين.😒 ...كعدت الصبح ع منبه التلفون لبست فستان بيجي وحذاء بيجي وجنه اسود وشال اسود ..صكررر صكررررر
صكر: الله ياخذ صكررر
رنا: كووم وصلنا
صكر: روحي لليث ولمهدي جايه عليه بت الحلو
رنا: ماااااا يلا كووم
صكر: رحمه لاهلج عوفيني
رنا: انننن كوووم
صكر: فوك القهر تعيب كمت والله
رنا: عفيه من الاول هيج طلعت يم البنات
راما: تخبلين بربي
رنا: فدوه
( هواي يسئلوني صكر شنو يشتغل. صكر مخلص كليه هندسه الكترون ويتشغل بلمضيف هوا ومهدي يعني يحلون طلايب. اما ليث ضابط استخبارات. ومهدي مخلص كليه اداره واقتصاد بس ماكو تعيين)
.
تاليا: ولك اصكييير يلا
ياره: ابو نسر بداعت امك يلا اتاخرنا
صكر: هسه اني ابتليت بلوه ع عمري
راما: بلوه لو اسد هاهاهاها
صكر: امشن يلا
رنا: وصل البنات ونوب وصلني نزلت ورحت للكوفي الي بلجامعه شفت نارين كاعده وصافنه والدمعه بعينها ...هلو ناريني شلونج
نارين: ههه حلوه هاي ناريني. الحمدلله كلبي وانتي
رنا: الحمدلله عايشين
نارين: اي والله
رنا: حبيبي شبيج تردين تبجين ..بس كلت هيج كبل بجت كعدت بصفها حضنتها وزادت بلبجي وانه هم ماسيطرت ع روحي وكمت ابجي ..اوووف ربي
نارين: شمسويه بدنياي انه ليش ماعندي حض هاا ليش مو مثل بقيه البنات ليش امي متحبني ليش اخووي يكرهني ليشش اختييي متحبني شمسويه انيي شمسويه
رنا: وداعتج تهون يجيهم يوم وحگ الكافل اخته الا يجي يوم ويبوسون ايدج
نارين: ماريد يبوسون ايدي ارييد اخوي يكلي شرايده يبعد اخوج محتاجه شي اجيبلج شي محتاجه اخت اشكيلها الي بكلبي ومن ابجي تبجي وياي اريد اخت تحبني اكثر من روحها اريد ام تفهمني بدون مااحجي رايده ام تنومني بحضنها وتعلمني الصح من الغلط اريد ام تخاف عليه اريد ام من ارجع من الكليه تكلي خفت عليج اريد ام تدعيلي من اطلع. بس احمد ربي عندي اب يسواهم
رنا: نارين تحجي وتبجي الا شوي وكلبها يوكف ..اشش يبعد اختج انه اختج وانه راح ابجي وياج واضحك وياج انه هنا بداعت ابوج كافي تبجين كلبي خلص والله 😭
نارين: ولج شلوون ماابجي وانه.من احط راسي ع مخده كل شويه اكعد مفزوزه لا امي تسوي شي لابوي او اخوي يسوي شي او اختي تسوي شيي والله تعبتتت والله ليش محدد يحس ليييش.شنو ذنبي انه شنوو وداعتج تعبت ششفت من حياتي غير الضلم محد ضلمني غير اهلي ويين اكوو اهل يشكوون ببنتهم راجعه من الدوام حته توكل ابوها خاف جوعان خاف مريض خاف مسويله شي .والله اشتغلت بمول في سبيل اعيش ابوي واسويله الغسل مال كلياته ونبي بعد ماليه حيل احس روحي ميته 10 سنين. والله ماتعبانه من ناحيه ابوي لا اصلا كلش مريح من اساعد ابوي ماريد غير يرضه عني ماريد رضه امي اهمشي ابوي ونبي انه احبهم بس هما ميحبوني كل ماارجع من الدوام امي تكول شوفي بنات العالم وين وصلو وانتي كل همج تعالجين ابوج ال.. ( مكدر تكمل لان صعبه هواي تكول هلكلمه هوايي صععب من يكولولج ابوج المريض او ابوج ال. مااكدر اكولها)
رنا: تبجي وتشهك اووف ياربي شبيدي اسوي انه والله لو بيدي جان اخذتج انتي وابوج عندي
نارين: لا ونعوفهم براحتهم 😭 . حته المحاضره راحت من عدنا ههه.
رنا: ميخالف عمري
نارين: تدرين من اتعرفت عليج صرت مكدر بدونج
رنا: يكلبي انتي انطيني رقمج
نارين: تمام سجلي 078.....
رنا: سولفنه اني ونارين شويه واجو مجموعه ولد
الولد الاول: مرحبا ياحلوين
رنا: خويه روحو بعيد عنا رجائا
الولد الثاني: اوي عود شنو احنا نخاف منجن لو الكليه مسجله باسم ابهاتجن
الولد: 🤣🤣🤣
رنا: شتريد من الاخير
الولد الاول: اريدك انت ياحلو
رنا: عابت هلوجه. امشي نارين هذول فارغين
نارين: تمام. مشينا واجو ولدين سحبونه
رنا: وخروو ماعدكم خواتت
الولد: لا ماعدنه
نارين: وخروو يل ماعدكم ذره شرف
رنا: الولد راد يضرب نارين راشدي. بس اجا ايد شخص ولزم ايد الولد .......

#يتبع...

فنكم منو هذا الشخص 🤔

تصويييت رجاءا فضلا وليس امرا فدوات اروحلكم صوتو 😍💓