"مجاهد اخد نفس عميييييق وقال ليها".. مجاهد : ل متين حنعمل نفسنا رايحين وما حنقول الحقيقة!!.. نفيسة انصدمت وقالت : ياتو حقيقة يا مجاهد؟؟.. مجاهد : حقيقتنا يا نفيسة.. حقيقة الجوانا ومدفون من زمااان.. نفيسة ما مصدقة البحصل وسكتت مسافة وقالت : أنا كل يوم كنت بدعي اليوم دا يجي.. مجاهد : ودعائك استجاب يا السمحة 💜..نفيسة خجلت ودنقرت رأسها.. مجاهد : عايني لي في عيوني يا نفيسة.. انا ليك وبيك بحيا وبدونك ما لي وجود 💜.. ولو خيروني بينك وبين روحي بختارك يا روحي 💜.. نفيسة بخجل : انت الهوا البتنفسو وانت سحابة الريدة الجميلة الغطت شمس المآسي 💜.. مجاهد : بحب.. "نفيسة سكتت مجاهد".. نفيسة : استنى.. قبل ما تتسرع وتقول الكلمة دي فكر في ملاذ عشان ما تندم انك قلتها لي لو عرستو.. مجاهد : ملاذ منو يا نفيسة ملاذ منو!!.. بحبك انتي وبس يا السمحة وما عايز غيرك 💜.."٠ نفيسة اتوترت شديد ومن غير ما تحس فتحت باب العربية ونزلت..قفلت الباب واتصلت على مجاهد وقبلت عكس اتجاه العربية.. بعد مجاهد رد على التلفون قالت ليهو".. نفيسة : معليش بس من التوتر ما قادرة اعاين ليك في عيونك اكتر.. مجاهد وهو بضحك : خلاص تعالي اركبي وانا حاسوق العربية وانا مغمض 😂.. نفيسة وهي بتضحك : أنا جادة والله انت امشي وانا بتصرف وبرجع براي.. مجاهد : من الليلة ماف حاجة اسمها براي.. نحن بقينا واحد يا نفيسة تعالي اركبي عليك الله خايف الناس الفي الشارع دي تسحرك لي.. "نفيسة ضحكت شديد وركبت العربية".. مجاهد : إن شاء الله دايما مبسوطة يا السمحة 💜.. نفيسة : في وجودك يا السمح💜.. نفيسة بخجل : طبعا انا قبل كدا وريت فراس بيك.. مجاهد : أنا زااتي من زمااان وريتو.. نفيسة اتصدمت شديد وقالت : انت جادي؟؟. مجاهد : ااي والله بس قلت ليهو ما يوريك لحدي ما الملم كل الشجاعة العندي واقول ليك براي.. نفيسة : اها وجبت الشجاعة من وين الليلة 😂؟.. مجاهد : من عيونك 💜.. نفيسة : أنا عكسك والله.. بضعف قدام عيونك.... بس صوتك بقويني عشان كدا اتصلت عليك.. مجاهد : وانا بضعف قدام صوتك!!
"بعد نفيسة رجعت البيت ما مسكت تلفونها كالعادة 😂.. المرة دي مسكت مخدتها وبقت بتزكر وتحاول تستوعب الحصل.. وكانت منتظرة فارس يجي عشان توريهو.. بعد فراس جا شكلو كان غريب وتايه في افكارو".. نفيسة : مالك يا فارس ؟؟.. فارس : ماف شي تعبان بس وماشي انوم.. نفيسة : طيب احلام سعيدة...." بعد مرور عدة ساعات".. نفيسة : يا فارس تعال اقعد معاي دايرة احكي ليك.. فارس: أنا زاتي داير احكي ليك.. نفيسة : اها قول انت الأول.. فراس : معقولة ياخ.. السيدات اولا 😉.. "نفيسة حكت ل فارس وفرح بيهم بس قال ليها".. فراس : حاولي ما تتواصلي معاهو كتير يا نفيسة لغاية ما تتخطبوا رسمي تمام؟.. وغير كدا ما عايز مكالمات انصاص الليالي وكدا 😉.. نفيسة : حاااضر يا اخوي.. ما تخاف انا تربيتك 😉.. اها احكي لي حصل شنو ومشيت وين.. "فارس كان سرحان وما سمع كلامها الأخير".. نفيسة : فرووووسي.. ركز معاي 😂.. فارس : ااي ااي معاك 😂.. طيب حأحكي ليك.. انا مشيت ورا إيمان.. نفيسة : ورا إيمان!!.. انت زاتك بقيت زيهم يا فارس وبتشك فيها!!.. فارس: ممكن تسمعيني لحدي الآخر؟.. نفيسة : اها سامعاك.. فارس: ااي انا مشيت وراها بس عشان احسم الموضوع دا وعشان اعرف انا وانتي التفكيرنا الصح والباقين غلط ولا العكس.. نفيسة : اها الغلط طلع منو؟.. فارس :د لسسة ما اتأكدت والله.. لمن مشيت وراها قابلت ولدين وااي زول في مكان مختلف بس لاحظت حاجة غريبة شديد.. نفيسة : حاجة شنو؟؟.. فارس: لاحظت ليها بعد ما قابلت الولد التاني في مطعم وبعد ما ودعتو مشت جوا المطبخ وطلعت بأكل ملفوف ولمن طلعت من المطعم مشت بيت صغير كدا والغريبة انها دخلت البيت ب مفتاح.. يتبع
