"فارس غاص في أفكارو وفجأة اتزكر قصة ملاذ.. ملاذ لسسة ما اتحاسبت على الشي العملتو مع إيمان وكان لازم فارس يوقفها عند حدها عشان وحدة وصلت للمستوى الدنيء دا ماف شي تاني بغلبها.. مشى ليها ووقف قدامها ورفع يدو عشان يديها كف بس فجأة وقف ونزل يدو وقال ليها".. فارس : ما حأضربك لأنو أمي الله يرحمها علمتني ما ارفع يدي على بت...كنت عارف انك زولة لئيمة بس ما كنت فاكر تفكيرك متدني للدرجة دي بس اتزكري حاجة واحدة وهي انو ربنا ما بضيع حق زول يا ملاذ وانو ربنا شايف وعارف ااي شي وحيعاقبك عاجلاً أم آجلاً.. ملاذ : أنا عملت دا كلو عشانك بس وعشان اوريك حقيقة البت دي يا فروسي.. فارس : اول شي اسمي فارس.. تاني شي ياتو حقيقة دي؟؟.. الحقيقة الصنعتيها بخيالك الوسخ دا؟.. ما وريتيني غير حقيقتك وحقيقة تفكيرك الوسخان!!.. ملاذ : أنا ما عارفة العاجبك شنو في المخلوقة ديك.. واتزكر انك حقي براي وعادي بقدر اقتل الزولة ديك عشانك وعشان بحبك يا فارس.. فارس : انتي مجنونة ي بت؟!.. الحب أعظم وأطهر من تفكيرك دا.. وزول حاقد زيك عمرو ما حيعرف معنى الحب الحقيقي وما حيعرف انو الحب إرادة ما إمتلاك.. ملاذ : ااي شي جائز في الحب والحرب وحبك دا حربي وانا حافوز فيها يعني حأفوز عشان ملاذ ما بتعرف معنى الخسارة.. فارس : ما حتفوزي يا ملاذ و في الحرب دي حتخسري نفسك ومبادئك بس دا لو عندك مبادئ اساسا.. وكلام انك ممكن تقتلي إيمان دا امسحيهو من راسك دا عشان إيمان ما براها ومعاها راجل حيحميها.. ملاذ : لو ما كنت لي ما حتكون ل غيري يا فروسي.. فارس : ياخ انعل الساعة السامحتك فيها وسمحت ليك تكوني في حياتي ياخ.. "فارس مشى وخلى ملاذ واقفة براها وقالت مع نفسها". ملاذ : كويس برضو انك خاتي لي مساحة في حياتك وانا بوعدك انو المساحة دي حتكبر وتتسع لحدي ما احتل كل حياتك!
وقفة
حب الزول البشبهك.. البشبه روحك الطاهرة والبشبه ملامحك الخفية.. ملامحك المدفونة بغبار الدنيا وناسها.. ملامحك الما بتحب زول غيرك يشوفها عشان ما تتسرق منك.. ملامحك الجميلة وجمالها خالد جواك بس و بعيدة من الحزن الظاهر فيك..
حب القريب منك وقريب من الزول الخفي الجواك.. حب البرتاح ليهو وبتكون معاهو بشخصيتك وبهوايتك الحقيقية.. حب البتحب نفسك في وجودو.. والبحافظ عليك وعلى البيناتكم لآخر يوم💜✨
ميوس💜
"الليل جا وفارس كل ما يتزكر الحصل مع إيمان وكل ما يتزكر منظر تمنة وهو بموت قدامو بصحى من النوم فجأة وهو مخلوع لحدي ما قام من سريرو ومشى عاين ل نفيسة ولقاها نايمة وطلع وقفل الباب بالمفتاح ومشى.. ما كان عارف نفسو ماشي وين بس المهم يطلع من بيتو الحايم فيهو طيف تمنة ومن كل ركن في البيت بسمع صوت ضحكتو وهظارو!!.. ضرب ل مجاهد و رد ليهو طوالي وقال ليهو".. فارس : ما افتكرتك حترد بس قلت احاول.. مجاهد : والله ما جاييني نوم نهائي..فارس : والله انا مخنوق شديد ومحتاج اتكلم مع زول وماف زول غيرك.. مجاهد : اصلو الأصحاب اتخلقوا عشان شنو.. عشان تقيف مع بعض في الحلوة والمرة يا صحبي.. خليك واقف في مكانك وانا بجي عليك حسي.. فارس : لالا يا زول خليك انا بعد شوية برجع.. مجاهد : ياخ انت مالك.. قلت ليك جاي واوعك تتحرك من زفت مكانك دا..فارس وهو بضحك : خلاص تمام منتظرك
"مجاهد جا وسلم على فارس وقال ليهو عازمك شاي ف شارع النيل".. فارس : الوقت متأخر ياخ.. مجاهد : دا اصلا وقت شارع النيل ي صحبي انت ما عارف شي ساي.. دقيقة انت خالي نفيسة براها في البيت؟؟.. فارس : عشان كدا قلت ليك الوقت متأخر.. مجاهد : انت اتصل عليها عشان توريها وما تقلق بس لو ما ردت نرجع طوالي.." فارس اتصل على نفيسة وردت عليهو ووراها وقالت ليهو".. نفيسة : انا زاتي مخنوقة والله يا فارس.. فارس : خلاص حسي دي بنرجع ونسوقك يا نفوس.. "طبعا مجاهد ما صدق وطوالي رجع 😉".. فارس : براحة يا مجاهد مالك مستعجل كدا.. حاسي انك حتقلب بينا العربية دي 😂.. مجاهد : اختك حيرتني.. مرات بكون داير أسألها عن شي في الوقت دا وبتصل عليها وما بترد نهائي.. فارس : ااي انا الحزرتها من المكالمات انصاص الليالي 😑.. مجاهد : حقك علي ما قصدي شي.. فارس :لمن تبقى حلالك اتكلم معاها وقت ما عايز.. مجاهد وهو بضحك : إن شااااء الله يا صحبي.. فارس : خليك عارف من حسي انو نفيسة حتعيش في بيتها دا زاتو 🙂..لأنو ما قادر اتخيل حال البيت بدونها والله 🙂.. مجاهد : ما تخاف اصلا عارفك ما بتقدر تعيش بدونها عشان كدا من زمان اشتريت البيت الجمبكم.. فارس : كذاب!!.. مجاهد : اقسم بالله 😂.. "نفيسة ركبت العربية وسلمت على مجاهد".. فارس : أنا ممنوع من السلام ولا شنو 🙂.. نفيسة : كفاية انك عامل لي وجع وش وحسي كمان عايز تعمل لي وجع يدين!! 😂.. "وصلوا شارع النيل وأول ما فارس نزل عينو وقعت عليها.. على إيمان.. المرة دي ما معاها زول وقاعدة براها ومتمحنة والبشوفها يقول شايلة هموم الدنيا كلها في رأسها!.. فارس اول ما شافها حسى كانو قلبو يادوب رجع ينبض.. و مشاعرو ساقتو ليها بدون ما يتردد ومشى قعد جمبها.. "مجاهد كان ماشي على فارس عشان يقومو بس نفيسة قالت ليهو".. نفيسة : خليهو يا مجاهد أمكن لو اتكلم معاها حيرتاح من الخنقة العايش فيها دي.. مجاهد : أنا خايف يتضايق زيادة.. مجاهد : انت حسي متضايق من وقفتي معاك؟.. مجاهد : لالا طبعا.. بالعكس.. نفيسة : يلا فارس حاليا حاسي بنفس احساسك دا.. مجاهد : اها وانتي.. نفيسة بخجل : أنا مالي.. مجاهد : حاسة ب شنو وانا قدامك.. نفيسة : نفس احساس فارس 🙈.. مجاهد وهو بضحك : الحمد لله.. ان شاء الله إحساس إيمان يكون زي احساسك.. نفيسة : إن شاء الله.. يتبع
