" فارس نام بعد مسافة من التفكير العميق في كلام إيمان لدرجة انو حلم انهم الاتنين ماشين في جسر وفجأة حصل زلزال والجسر اتكسر وإيمان قربت تقع وبقت بتكورك ليهو عشان يساعدها ولمن حاول يساعدها جات نفيسة وصحتو من النوم عشان يصلي المغرب 😂".. فارس : يعني ما قدرتي تستني دقيقة واحدة وتاني تصحيني😂.. نفيسة : قطعت ليك حلم ولا شنو 😉.. فارس : قطعتي لي النهاية ياخ كنت عايز اعرف حيحصل شنو 😂.. نفيسة بقت بتضحك فيهو وقالت : قوم قوم صلي...." فارس قام وغسل وشو واتوضى وبعد انتهى من الصلاة قعد في المصلاية مسافة ورفع يدو وبقى بدعي 🤲🏻 : ياا رب الهمني الطريق الصحيح يااارب اغفر لي على ظني السيء واغفر لها والهمها الطريق الصحيح ياااارب" عرفتو قاصد منو مش 😉"
" نفيسة بدت تحكي ل فارس الحصل معاها"
فارس : اها الحصل شنو.. نفيسة : طبعا عرفت وصف البيت القلتو لي طوالي ومشيت دقيت الباب.. فارس : اها وبعدين.. نفيسة : دقيت الباب ووقفت مسافة ولمن حاولت اتنصت سمعت صوت شفع بتجارو وكدا.. بعد مسافة الباب فتح.. فارس : اها اها.. نفيسة : جات بت صغيرة بتشبه إيمان شديد وجميلة جمال ما شاء الله مدت لي راسها براحة وما فتحت الباب كلو قلت ليها يا حلوة دا بيت إيمان؟.. البت قالت لي ماما بتقول لي ما تردي على زول غريب.. قلت ليها انا ما غريبة حبيبتي انا صحبة إيمان معاها في الجامعة.. الصدمة لمن قالت لي يعني انتي صحبة ماما؟.. بعد شوية جات بت أكبر منها ب شوية وقفلت الباب في وشي وسمعتها كوركت في اختها الصغيرة وقالت ليها ماما مش قالت لينا ما تفتحو الباب دا لأي زول.. انا استغربت شديد من الحصل وما لقيت لي ااي تفسير منطقي.. "فارس انصدم شديد من الكلام وفي لحظة شرود شال تلفون نفيسة وشاف رقم إيمان واتصل عليها.. نفيسة حاولت تشيل منو التلفون بس هو كان ضايع شديد وداير أقل شي منطقي يقطع بيهو كل الشكوك الفي راسو.. رن الجرس بتاع الاتصال.. وبعد شوية إيمان ردت"
فارس : السلام عليكم.. إيمان : فارس؟؟.. فارس : ااي فارس ممكن تفهميني قصتك ي إيمان.. انا ما عايز اكون زي الباقين واشك فيك.. إيمان : كنت متأكدة انك حتسألني السؤال دا.. خاصة بعد نفيسة جات بيتي الليلة.. فارس : عرفتي كيف؟.. إيمان : ما مهم.. المهم بنصحك ما تتدخل في حياتي اكتر من كدا عليك الله.. فارس : أنا ونفيسة بنعتزر عن العملناهو بس والله نيتي تجاهك سليمة يا ايمان .. إيمان : كلكم بتقولوا كدا في البداية.. "فارس ما فهم قصدها وفجأة إيمان قفلت الخط.."
"فارس زاد إصرار انو يعرف قصتها واحساس انو هي زولة مهمة في حياتو ومن مسؤولياتو كان كل يوم بزيد مع اصرارو.. بس ما معروف دا إصرار وعناد ولا حاجة تانية 😉؟"
نفيسة : معقولة حبها جننك للدرجة دي؟؟.. فارس العاقل الناضج فجأة بقى متهور زي الشافع!!.. فارس : أنا ما بحبها يا بت النااااس انا زول داير يقطع شكوكو عشان ربنا ما يحاسبو.. نفيسة : كدي عيني في عينك يا فارس.. لو ما بتحبها ما كنت حتتصدم للدرجة دي لمن قلت ليك انو في بنات بقولو ليها ماما!!.. دي الغيرة لو انت ما عارف.. ماف حب من دون غيرة وماف غيرة من دون حب يا فارس.. "فارس سكت مسافة وما لقى جواب منطقي على أحاسيسو غير تفسير نفيسة!.. مشى غرفتو وقفل الباب جاب ورقة وشرطها ل ورقتين صغار وكتب في الأولى (بحبها) وفي التانية (ما بحبها).. وطبق الورقتين وكشاهم وقال جواتو : لو دا حب حقيقي لازم الورقة الحأفتحها يطلع مكتوب فيها(بحبها).. لانو الحب الحقيقي قدر وما صدفة.. كشا الورق واختار ورقة وقال بسم الله وفتحها.. وكانت الصدمة انو مكتوب فيها (بحبها)!! .. فارس ما قدر يقتنع وكش الورق اكتر من عشرة مرات وفي كل مرة كانت نفس النتيجة واللي هي (بحبها).. فارس احتار شديد ولمن فتح الورقتين الكتبهم لقى الأتنين مكتوب فيهم (بحبها).. لأنو في الحقيقة حبو عماهو ل درجة انو ما قدر يكتب (ما بحبها) في الورقة التانية!!
فارس قال : اول مرة قلبي يختار زول ومدام قلبي اختارك حافضل معاك للنهاية وحأوحد خطاوينا وحنمشي في درب المحبة الجميلة 💜.. واكيد قلبي اعقل من عقلي في الحب وبوعدك حأكون جمبك دايما وحافضل معاك رغم كل الظروف 💜.. انا بحبك يا ايمان ودايرك تكوني حلالي ورفيقة دربي في الدنيا وحوري في الجنة ان شاء الله 💜.. يتبع
