_ لا والله برافوا عليكى فعلا الحماه المثاليه فى الشر بتحرض ابنها على مراته وبتشجعه أنه يتجوز عليها لا بجد انتى ممتازه اوى يا انطى وعايزه جايزه المفروض افرح بكلامك واصقفلك ولا اعمل انتى لو مكانى هتعملى وانا هرضى بحكمك يا حماتى .... قالت جملتها الاخيره بطريقه مستفزه وهى تعقد يدها أمام صدرها ببرود
اقتربت منها بغضب نارى : ماانا لو كنت شيفاكى
بتحبيه وبتخافى عليه ومخلياه مبسوط ماكنتش هتكلم بالعكس كنت هكون مبسوطه لكن انتى مش بيهمك غير نفسك ومصلحتك وعايزه تسيطرى على كل حاجه بس انا ليه بتكلم معاكى الكلام خساره فيكى واحده دخلت حياه ابنى دمرتها ماشوفتش مره واحده مبسوط وبيضحك من يوم عرفك بقااا قاسى و جامد تعبتيه اوى فى حياته دا حتى مش راضى يطلقك نفسى اعرف عشان اى
_ عشان بيحبنى وبيموت فيااا وانتى غيرانه من كدا ... قالتها باستفزاز وقوه جعلت خديجه تشتاط غضبه منها ومن وقاحتها
لوى شفتيه باستنكار ليقترب منها هامسا بالقرب من أذنيها : قولتى اى عشان مش سامع وعايز اسمع كويس
نظرت له بتحدى : قولت انك بتحبنى وبتموت فيااا صح ولا غلط يا اسد
_ غلط يا داليا اوعى تفكرى انى مش راضى اطلقك عشان بحبك والكلام الفاضى دا انتى و الحمدلله خليتنى اكره الحب واللى بيحبوا كمان انا مش راضى اطلقك عشان خلاص احنا بقا لينا كام سنه متجوزين فى بينا عشره ومش اسد الشافعى اللى يخون العيش والملح انتى فعلا عمرك مافرحتينى ولا حبيتى وانا كمان عمرى ماحبيتك بس دا مش معناه انى بكرهك انتى مراتى وهتفضلى مراتى وهطلقك يوم ماتطلبى بكدا لكن مش هفترى عليكى واطلقك من غير سبب وطريقتك مع امى دى هعرفك ازاى تتعاملى معاها باحترام وإن صوتك دا مايعلاش عليها بس دا هيكون بينا ...
أنهى حديثه صاعدا للأعلى بغضب جحيمى وسودت عينيه بقسوه ليدلف لغرفته صافعا الباب خلفه بقوه جعلتها تنتفض بالاسفل ....
نظرت لها خديجه بغضب لتبادلها النظره ببرود وقوه قبل أن تقول باستفزاز : سلام بقااا يا حماتى ماينفعش اسيب جوزى حبيبى لوحده انتى عارفه بقااا هههههه
ربنا ياخدك يابعيده كان يوم اسود يوم مادخلتى حياتنا منك لله جبتى لبنى عقده يخربيتك اللى زى دى ماينفعش معاها غير الطلاق ربنا يصبرك يابنى على مابتلاك ... قالتها بنفاذ صبر وهى تدخل غرفتها
..........................................................................
اقتربت من والدتها النائمه بهدوء لتجلس بجوارها تمسد على خصلاتها بحنان وحب انحنت إليها تقبل رأسها بحنان : ربنا يخليكى ليااا يا امى ولا يحرمنى منك ماتعرفيش انا بحبك قد اى ياماما ولا اقدر اعيش لحظه واحده من غيرك نفسى ترجعى زى الاول بقاا تضحكى وتهزرى معايا عارفه انك تعبتى اوى بسبب بابا واللى بيعمله بس اعذريه هو كمان تعب اوى كل يوم يدور على شغل ومش بيلاقى مش بيقبلوه عشان راجل كبير نفسى نرجع زى زمان كانت حياتنا حلوه اوى ياماما
أنت تقرأ
اعشقك يا طفلتى { مكتملة }
Romanceهو عاش حياته لعمله فقط تزوج ولكن زوجته لم تهتم به كل مايهمها هو المال والمجتمع ولكنه يقابل تلك الطفله لتقلب له حياته ويعشقها بجنون وتملك ولكن يوجد حوله من يريد تدمير سعادته وأخذها منه بعدما وجدها ولكنه لن يسمح لها بالابتعاد عنه فهو عشقها وادمنها وأص...
