اعشقك يا طفلتى { مكتملة }

« اعشقك يا طفلتى 26 »

فتحت عينيها بارهاق شديد لتتسع ابتسامتها فرحا عندما تذكرت حديثه بأن اليوم سيكون كتب كتابهم واخيراااا ستصبح ملكه وضعت يدها على قلبها النابض بعشق فدقاته تنادى باسمه هو فقط ..

استمعت لدقات خافته على الباب ..اعتدلت سريعا وسمحت بالطارق للدخول

ابتسمت هناء بفرحه وهى تقترب منها : ياصباح الجمال والحلويات اول مره اعرف ان الواد شادى زوقه حلو اوى كدا

ابتسمت ريتال بخجل ممزوج بالحرج فيكف تجيبها أو تتعامل معها وتلك المرة الأولى التى تراها بها

جلست هناء بجوارها بحب تنظر لها بنظرات فرحه : تعرفى ياريتال شادى لما حكى ليااا عنك شوفت فى عيونه عشق ليكى وحب كبير اوى انا حبيتك من كلامه عليكى انتى غيرتى ابنى اوى خلتيه انسان تانى ...ابتسمت بحزن وهى تكمل حديثها : من يوم مااخته بعدت عننا واتخطفت مننا وشادى اتغير اوى وخسر اعز صاحب ليه لكن دلوقتي ابنى رجع زى الاول ودا كله بسببك انتى عايزاك تفضلى جمبه تحبيه زى مابيحبك ياريتال اوعى تزعليه فى يوم انا ماليش غيره فى الدنيا ومااقدرش أشوفه مهموم ولا زعلان

مسكت ريتال يدها بحب تلك المرأة طيبه القلب التى احبتها سريعا همست ريتال بعشق : صدقينى شادى حياتى كلها انا كمان ماليش غيره فى الدنيا عمرى ماازعله ابداا دا روحى فى حد فى الدنيا يقدر يعيش من غير روحه اوعدك انى هخليه اسعد انسان فى الدنيا

_ ياحبيبتي ربنا يخليكوا لبعض ...قالتها هناء بدموع سالت من عينيها وهى تضمها بقوه احتضنتها ريتال بقوه وعينيها تلمع بدموع تطفر من عينيها

مستند على الحائط بهدوء يعقد يده أمام صدره
دقات قلبه تقرع كالطبول تلك المتمرده أصبحت تعشقه مثلما يعشقها اخيرااا تعب كثيرا من اجل عشقها

تفاجأت به يقف أمامها يطالعها بنظراته العاشقه
لتبتسم من بين دموعها وهى تنظر له بادلها بنظره حنونه وهو يقترب منهم ..

_ اى دااا فى ناس هنا بتحضن من غيرى ...قالها
بمكر وهو ينظر ريتال بنظراته العاشقه

ابتعدت ريتال بخجل تفرك يدها بتوتر ..ضربته هناء بضحك : ياواد انت مش هتبطل شقاوة بقااا لازم تكسفها يعنى

_ انااا لازم اقوم دلوقتي فى حاجات كتير لازم اعملها عشان كتب الكتاب وتحضيرات كتيره اوى ...هتفت بكلامها وهى تخرج من الغرفه متجها للاسفل

نظر لتلك الجالسه أمامه تفرك يدها بتوتر وخجل رفع حاجبيه بمشاكسه : اى دا ريتال مكسوفه مش معقول انتى طلعتى بتتكسفى زى البنات اهو

تحولت نظراتها من الخجل للغضب وغيره مجنونه : قصدك اى انى مش زى البنات ولا اى شايف بنات غيرى عجباك ولا اى يااستاذ يامحترم

سحب يدها بين كفيه بعشق ليهتف بصوت اجش : قلبى وعيونى مش شايفين غير ريتال وبس ومستحيل ابص لغيرها ابدا ااااه لو تعرفى غلاوتك عندى ولو تعرفى انا بحبك ازاى عمرك ماتوجعينى ابدا ولا تبعدى عنى من النهارده هتفضلى هناا...قالها وهو يشاور على قلبه : هتفضلى جوا قلبى وحضنى ومستحيل تبعدى عنه ريتال حبيبتي اوعى فى يوم تفكرى تبعدى عنى عشان ساعتها هتشوفى واحد غير شادى وابعدى عن غيرتى عليكى عشان ساعتها بكون مجنون مش شايف قدامى ..