اعشقك يا طفلتى { مكتملة }

« اعشقك يا طفلتى 9 »

نظر لها ببرود قاتل وهو يمسح دموعها : قصدى ان خلاص كل حاجه انتهت انا وانتى ماننفعش لبعض انا وانتى لازم نتطلق يا شذى

هزت راسها بنفى وابتسامتها تتسع : هههه لا طبعا انت اكيد بتهزر انا عارفه

نظر لها بعمق : مش بهزر ياشذى انا هريحك من كل اللى بعمله فيكى واطلقك وعايزك تنسى انك كنتى تعرفى واحد اسمه اياد نور الدين

_ مااقدرش والله مااقدر انساك دا انت عمرى كله انا اصلا عايشه عشانك انت وبس قلبى دا مش بيدق غير ليك ازاى بس عايز تبعد عنى وعايزنى انساك مستحيل ...

ضغط على يدها بقوه آلمتها ليقترب منها اكثر وهو يقول بالقرب من أذنيها : مش مستحيل كل اللى بتقوليه دا وهم انتى واهمه نفسك بيه مافيش حاجه اسمها حب سمعانى حتى لو انتى بتحبينى فا انا مستحيل احبك

نظرت للاسفل بانكسار ودموع تهدد بالنزول : انا مش عايزه حاجه غير انى افضل جمبك وبس مش عايزاك تحبنى كل اللى طالباه انك بس تعاملنى باحترام وبلاش تتعصب علياااا ولا تزعقلى

مسك ذقنها بهدوء ليرفع وجهها له يطالعها بنظرات متفحصه غاضبه : وانتى عايزه تمشينى على مزاجك انا اعمل اللى يعجبنى يا شذى

_ والله حرام عليك اللى بتعمله فياااا انا اعمل اى بس مش عايزه ابعد عنك ولا اسيبك مش عايزاك تحبنى خلاص يا اياد اعمل اللى يعجبك عن اذنك .. أنهت جملتها بوجع وهى تمسح دموعها بقلب منفطر حزين تتمنى لو تنام ولا تقوم مره اخرى فحياتها بدونه ليست حياه عشقها له تخطى كل الحدود وهو لا يبالى بها ولا بقلبها المسكين الذى لم يعشق غيره

اتجهت لفراشها تجر قدميها لا تقدر على الحركه استمعت منه الكثير والكثير يكفى لم تعد تتحمل
كرهه لها وغضبه المستمر عليها بدون سبب ..

وضعت رأسها على الوساده تغمض عينيها بآلم سامحه لدموعها بالسقوط تضغط على شفتيها بقوه حتى تكتم صوت بكائها ...

نظر لها بآلم ينهش بصدره بسبب بكائها ودموعها اقترب منها بلهفه وجنون ليسحبها من زراعيها بقوه مختطفها داخل أحضانه يضمها لصدره بجنون وهوس يزيد من ضغطه على خصرها بقوه يلصقها به مستمتع برائحتها وعطرها الأخاذ اااااه منها لم يعد التحمل والصبر أكثر يكفى الى هنا ولم يعد يتحمل بعد الان لن يحزنها مره آخره

تضخم قلبها داخل صدرها ودموعها غرقت وجينتها غير مصدقه اقترابه واحتضانه لها بتلك الطريقة ... نست كل ما قاله وكل ما فعله بها ..

احتضنه بجنون وعشق دافنه وجهها بعنقه تغمض عينيها براحه وفرحه شعرت به يزيد من ضمها بجنون لتبتسم بأمل وهى تقول بصوت متحشرج مخنوق : انا بحبك اوى مش عايزاك تبعد عنى يااياد انا ماليش غيرك ياحبيبى

اغمض عينيه بآلم : مش هبعد مش هبعد هنبدأ من جديد وننسى كل اللى فات

ابتعدت عنه بصدمه واعين متسعه ودموع تهدد بالنزول : بجد بجد هنبدا انا وانت حياة جديده يعنى انت ممكن تحبنى زى انا مابحبك