အပိုင်း - (၁)
~~~~~~~
ဇွန်လအစပိုင်းကား ပူပြင်းခြောက်သွေ့သော နွေရာသီမှ မိုးရာသီသို့ ကူးပြောင်းခါစဖြစ်သည့်အတွက် ထက်ကောင်းကင်မှာ တိမ်ထူထူတို့ အုံ့စိုင်းနေသည်။ တလိမ့်လိမ့်တတ်လာသော တိမ်စိုင်တိမ်ခဲကြီးများမှာ ညိုမည်းသောအသွင်ကို ဆောင်လျက် မိုးကြီးရွာချမည့်ဟန် အစပျိုးနေ၏ ။ မိုးဦးရာသီ၏ မိတ်ဆက်မိုးမှာ လာချေတော့မည်။ နေ့ခင်းကြောင်တောင်ဖြစ်ပါလျက် သူရှိန်နေမင်းလည်း မဟူရာတိမ်စိုင်တို့ကြောင့် အလင်းအပြည့်မပေးနိုင်ပါလေ။
'လေရိပ်' လေအဝှေ့တွင် အတူပါလာသော လတ်ဆက်သည့် မိုးအနံ့ကို အဆုတ်ထဲထိတိုင် တဝ ရှုသွင်းလိုက်သည်။ ပြတင်းပေါက်မှတဆင့်မြင်နေရသည့် အပြင်ဘက်ရှိ ရာသီဥတုအခြေအနေမှာ ကောင်းမည့်ပုံမပေါ်သလိုပင် လေရိပ်တို့ အိမ်တွင်းရာသီဥတုအခြေအနေမှာလည်း အဆင်မပြေလှ။
အိမ်ရှေ့ဘက် ဧည့်ခန်းဆီမှ ပျံ့လွင့်လာသော ဆူပူအော်ဟစ်ဆဲဆိုသံတွေကြောင့် လေရိပ် စိတ်ပျက်စွာပင်သက်ပြင်းချမိသည်။ အဖေနဲ့အမေ ရန်ဖြစ်နေပြန်ပြီလေ။ ဒါနဲ့ဆို တစ်လထဲတွင်ပင် အကြိမ်ပေါင်းမရေတွက်နိုင်တော့။
စိတ်သွားတိုင်း ကိုယ်မပါသည့် ခန္ဓာကိုယ်ကြောင့် လေရိပ်အပြင်ဘက်သို့ထွက်ပြီး သွားဖြန်ဖြေပေးချင်ပါသော်လည်း မလုပ်နိုင်။ ဒီခန္ဓာကိုယ်နှင့်အပြင်ထွက်ပြန်လျင်လည်း အဖေတစ်ချက်တွန်းတာကိုပင် ခံနိုင်မည်မထင်လေ။ ကြားနေရသောအသံများကိုသာ မကြားချင်ယောင်ဆောင်ကာ လေရိပ်တစ်ဖက်လှည့်၍ အိပ်နေလိုက်သည်။
ကျွီ~
"ကိုကို..."
တံခါးဖွင့်သံနှင့်အတူ ထွက်လာပါသောအသံငယ်လေး။ လေရိပ်လှည့်ကြည့်လိုက်တော့ 'မိုးရိပ်'ဟာ မျက်နှာငယ်လေးနှင့် တံခါးဝတွင် ရပ်နေရှာသည်။ ဝင်လာချင်သော်လည်း ရောဂါသည်အကိုဖြစ်သူ မိမိအား အားနာနေသည်ထင်၏ ။
လေရိပ်အသာပြုံးကာ မိုးရိပ်ကို လက်ယပ်ခေါ်လိုက်သည်။
"ကိုကို... ဖေဖေနဲ့မေမေ ရန်ဖြစ်နေကြပြန်ပြီ"
YOU ARE READING
မိုး... လေရိပ်ဆင်(မိုး...လရေိပျဆငျ)
Mystery / Thrillerလူတွေကပြောတယ်။ "ငါက လွယ်လွယ်ယုံတတ်သူမဟုတ်ဘူး။ ငါ့မျက်လုံးနဲ့ မြင်ရတဲ့ အရာကိုပဲ ငါယုံတယ်" တဲ့။ ဒါပေမဲ့... အမြင်တွေက လှည့်စားတတ်တယ်ဆိုတာကိုတော့ သူတို့မသိကြဘူး...။ လူတွေကပြောတယ်။ "ငါက လွယ်လွယ်ယုံတတ်သူမဟုတ်ဘူး။ ငါ့မျက်လုံးနဲ့ မြင်ရတဲ့ အရာကိုပဲ ငါယုံတယ်"...
